BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا ٴداستۇرلى قازاق مەديسينا ورتالىعى قۇرىلادى

2018 جىلى سەمەيدە جاڭا پوليتراۆما جانە ورتوپەديا، گەماتولوگيالىق ورتالىقتارى اشىلادى. سونىمەن قاتار، «رۋحاني جانعىرۋ» باعدارلاماسى اياسىندا شقو ٴداستۇرلى قازاق مەديسينا ورتالىعى قۇرىلادى، دەپ حابارلايدى baq.kz اقپارات اگەنتتىگى شقو اكىمىنىڭ ٴباسپاسوز قىزمەتىنە سىلتەمە جاساپ.

شقو ازيا كەڭەستىگىندە بالاماسى جوق بىرەگەي، ۇزدىك تەحنولوگيالار قاتارى شوعىرلانعان گەماتولوگيالىق ورتالىقتىڭ جوبالاۋ جۇمىسى اياقتالۋ ۇستىندە. ايماق باسشىسى دانيال احمەتوۆتىڭ باستاماسىمەن الداعى تاڭدا سەمەيدە دە العاشقى پوليتراۆما جانە ورتوپەديا ورتالىعى اشىلماق.

«سەمەيدە مەديسينالىق جەدەل جاردەم اۋرۋحاناسىنىڭ نەگىزىندە اشىلاتىن جاڭا پوليتراۆما جانە ورتوپەديا ورتالىعى رەسپۋبليكالىق تراۆماتولوگيا جانە ورتوپەديا عىلىمي-زەرتتەۋ ورتالىعىنىڭ جەتەكشى ماماندارىمەن بىرگە ىشكى پروتەزدەۋ جانە كۇردەلى جاراقاتتاردى ەمدەۋ ٴۇشىن ەڭ وزىق تەحنولوگيالاردى ەنگىزۋگە مۇمكىندىك بەرەدى»، - دەيدى وبلىس دەنساۋلىق ساقتاۋ باسقارماسىنىڭ باسشىسى مارات شورانوۆ.

مەديسينالىق جەدەل جاردەم اۋرۋحاناسىندا قازىرگى تاڭدا مۋلتيمەديالىق قۇرالدارمەن جابدىقتالعان وتا جاساۋ ٴبولىمى، ينسۋلت ورتالىعى، ونداعى ناۋقاستارىن ەرتە قالپىنا كەلتىرۋگە زالى قىزمەت ەتەدى. بۇدان بولەك، فيزيوتەراپيا ٴبولىمى، جاڭا قۇرالدارمەن جابدىقتالعان ەكى بىردەي گيمناستيكا بولمەسى دە بار. مۇندا سونداي-اق، حالىقارالىق ستاندارتتارعا سايكەس ناۋقاستاردىڭ ٴوز سىرقاتتارىن باسقارۋعا ۇيرەتەتىن ٴتۇرلى مەكتەپتەر جۇمىس جاسايدى. ال اۋرۋحانا ماماندارى جىل سايىن شەت ەلدە بىلىكتىلىكتەرىن ارتتىرىپ، ارنايى كۋرستاردان وتەدى. بۇل رەتتە ايماق باسشىسى ارنايى وبلىستىق باعدارلامانىڭ ارقاسىندا ٴوڭىردىڭ دەنساۋلىق ساقتاۋ سالاسى تولىق جەتىلدىرىلىپ، جاڭارۋدان وتەتىن ايتادى.

«دەنساۋلىق ساقتاۋ سالاسىن دامىتۋدىڭ نەگىزگى ەلەمەنتتەرى - مەديسينا قىزمەتكەرلەرىن ۇنەمى دايىنداۋ، الەمدىك مەديسينالىق ستاندارتتاردى قاتاڭ ساقتاۋ بولىپ تابىلادى. كەلەسى جىلى وبلىستىڭ بارلىق مەديسينالىق مەكەمەلەرى ورتا دەڭگەيدەگى الەمدىك جابدىقتارمەن قامتىلاتىن بولادى. وسىلاي، بەس جىلدىڭ ىشىندە ٴوڭىر مەديسيناسىنىڭ باسەكەگە قابىلەتتىلىگى بىرنەشە ەسە ارتاتىنىنا تولىق سەنىمدىمىن. بۇدان بولەك، «رۋحاني جانعىرۋ» باعدارلاماسى اياسىندا ٴداستۇرلى قازاق مەديسينا ورتالىعىن اشامىز. مەن حالىق مەديسيناسى جاقسى دامىعان قىتايدا بولىپ قايتتىم. وتكەندى ۇمىتپاۋىمىز كەرەك. بابالار مۇراسىن، ولاردىڭ تاجىريبەلەرىن كەڭىنەن قولدانساق، ۇتارىمىز كوپ بولماق»، – دەدى دانيال احمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي