BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى قۇرىلدى

بۇگىن قر ۇلتتىق اكادەميالىق كىتاپحاناسىندا شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعىنىڭ اشىلۋ سالتاناتى ٴوتتى. شاراعا قر مادەنيەت جانە سپورت ٴمينيسترى ارىستانبەك مۇحامەدي ۇلى، پارلامەنت دەپۋتاتتارى، مەملەكەت جانە قوعام قايراتكەرلەرى، بەلگىلى وتاندىق عالىمدار مەن قوعامدىق ۇيىمداردىڭ وكىلدەرى قاتىستى، دەپ حابارلايدى baq.kz ٴتىلشىسى.

«نۇرسۇلتان ٴابىش ۇلىنىڭ «رۋحاني جاڭعىرۋ: بولاشاققا باعدار» تاريحي ەڭبەگىنىڭ ٴبىر باعىتى – لاتىن ٴالىپبيىن ەلىمىزگە ەندىرىپ، ٴارى قاراي ىسكە قوسۋ. وسى سالادا ٴبىر جىلدىڭ ىشىندە اۋقىمدى شارالار جۇزەگە استى. العا قويعان ماقسات - وتە كۇردەلى، وتە ماڭىزدى. نەگە دەسەڭىزدەر، ٴبىز ٴقازىر ەلباسىنىڭ تاپسىرماسىنا سايكەس، لاتىن الىپبيىنە كوشۋ جۇمىسىن مىندەتتى تۇردە ىسكە اسىرۋىمىز كەرەك. سول اتقارىلار شارۋالاردىڭ ۇلكەن اۋىرتپاشىلىعى دا وسى «ٴتىل-قازىنا» ۇلتتىق عىلىمي-پراكتيكالىق ورتالىعىنا تۇسەدى. سول ورتالىقتىڭ جۇمىسىنا ۇلكەن جەمىس تىلەيمىز»، - دەدى مۇحامەدي ۇلى.

مينيستر ورتالىقتى باسقارۋعا ەلىمىزدىڭ بەلگىلى ازاماتى، دۇنيەجۇزىنە تانىمال عالىم، سەنات دەپۋتاتى بولعان، قازىرگى كەزدە دە ەلىمىزدەگى ۇلكەن شارالارعا اتسالىسىپ جۇرگەن پروفەسسور، عالىم عاريفوللا ەسىمدى شاقىرعانىن ايتتى.

ٴوز كەزەگىندە فيلوسوفيا عىلىمدارىنىڭ دوكتورى، قر ۇلتتىق عىلىم اكادەمياسىنىڭ اكادەميگى، پروفەسسور عاريفوللا ەسىم ورتالىقتىڭ اشىلۋىنا كەلگەن بارلىق ازاماتقا راحمەت ايتتى.

«ەلباسىنىڭ تىكەلەي قاۋلىسىمەن ۇكىمەت «ٴتىل-قازىنا» كوممەرسيالىق ەمەس ورتالىعىن قۇردى. ەڭ باستىسى – ەلباسىنا ريزاشىلىعىمىزدى ٴبىلدىرۋىمىز كەرەك. ول كىسى وتكەن جىلى ٴۇش نارسە بارىن ايتتى: ٴبىرىنشى – تاۋەلسىزدىك، ەكىنشى – استانا، ٴۇشىنشى – لاتىن الىپبيىنە ٴوتۋىمىز. بۇل قازاق ٴتىلىنىڭ لاتىن الىپبيىنە ٴوتۋى – ٴىرى مادەني-تاريحي شارا دەپ تۇسىنەمىز. ٴتىلدىڭ تاۋەلسىزدىگى وسى ما دەپ ويلايمىن. ويتكەنى، ٴوزىمىزدىڭ جازۋىمىز بولادى. ەل ەسىن جيناپ، حالىق بولىپ جەتىلگەن كەزدە ٴوزىن ٴبىر بەكزاتتىق جولعا قاراي ىنتالاندىرادى. ياعني، تاۋەلسىز، ٴوزىن-وزى جەتكىزە الاتىن دارەجەگە جەتۋى كەرەك. دەمەك، قازاقتىڭ لاتىنعا ٴوتۋى دە ماڭىزدى. «ٴتىل-قازىنا» ول جالپى قوعام بولىپ، ەل بولىپ وسى ازاماتتارمەن بىرلەسە جاسالاتىن ٴۇردىس، مادەني وقيعا. ٴبىز ارينە ماماندارمەن، ۇلكەن اعالارمەن اقىلداسا وتىرىپ، دەپۋتاتتارمەن كەڭەسىپ، ىلعي ماسەلەلەردى كوتەرىپ وتىرامىز» - دەدى عاريفوللا ەسىم.

قر مادەنيەت جانە سپورت مينيسترلىگى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىن قايتا قۇرۋ ارقىلى شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعىن قۇرىپ وتىر. ورتالىق لاتىن گرافيكاسىنا نەگىزدەلگەن قازاق ٴالىپبيىن كوشىرۋ بويىنشا ۆەدومستۆوارالىق جۇمىستاردى ۇيلەستىرۋدى، فيلولوگيا سالاسىندا ىرگەلى جانە قولدانبالى زەرتتەۋلەر جۇرگىزۋدى، سونداي-اق، ورفوگرافيالىق ەرەجەلەردى دايىنداۋدى، ولاردى اپروباسيادان وتكىزۋ، مەملەكەتتىك ٴتىلدى جەدەلدەتىپ وقىتۋدى عىلىمي-ادىستەمەلىك جاعىنان قامتاماسىز ەتەتىن بولادى.

ەسكە سالا كەستەك، قازاقستان رەسپۋبليكاسىنىڭ پرەزيدەنتى نۇرسۇلتان ٴابىش ۇلى نازاربايەۆ 2017 جىلعى 26 قازاندا «قازاق ٴتىلى ٴالىپبيىن كيريلليسادان لاتىن گرافيكاسىنا كوشىرۋ تۋرالى» جارلىققا قول قويعان بولاتىن. وسى ورايدا مادەنيەت جانە سپورت مينيسترلىگى قازاق ٴتىلى ٴالىپبيىن 2025 جىلعا دەيىن لاتىن گرافيكاسىنا كەزەڭ-كەزەڭمەن كوشىرۋ بويىنشا اۋقىمدى ٴىس-شارالاردى اتقارىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي