BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

سەناتور س.اقىلباي قاراعاندىلىقتارعا ەلباسى جولداۋىن ٴتۇسىندىردى

قاراعاندى وبلىسىندا جۇمىس ساپارىمەن جۇرگەن سەناتتىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ٴتوراعاسى سەرىك اقىلباي قاراعاندى وبلىستىق سوتىنىڭ كەڭەيتىلگەن جينالىسىنا قاتىستى. جيىن 2016 جىلداعى سوت تورەلىگىنىڭ قورىتىندىلارىنا ارنالعان، دەپ حابارلايدى baq.kz ٴتىلشىسى.

سۋديالار الدىندا ٴسوز سويلەگەن س.اقىلباي پرەزيدەنت، ۇكىمەت جانە پارلامەنت اراسىندا وكىلەتتىكتەردى قايتا بولۋگە قاتىستى كونستيتۋسياعا ەنگىزىلەتىن تۇزەتۋلەر تۋرالى باياندادى. سەناتور اتا زاڭداعى سوت جۇيەسى مەن پروكۋراتۋرا قىزمەتىن رەتتەيتىن ەرەجەلەردىڭ مازمۇنىنا ەگجەي-تەگجەيلى توقتالدى.

سەناتور قاراعاندى وبلىستىق ٴماسليحاتىنىڭ دەپۋتاتتارىمەن كەزدەسۋدە كونستيتۋسيالىق رەفورمالار مەن پرەزيدەنت ن.نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن جان-جاقتى ٴتۇسىندىردى.

«پرەزيدەنتتىڭ جولداۋى قازاقستاننىڭ الەمدەگى دامىعان 30 ەلدىڭ قاتارىنا ەنۋ جونىندەگى وتكەن جىلعى بەلگىلەنگەن مىندەتتەردى ورىنداۋدى كوزدەيدى»، - دەدى س.اقىلباي.

دەپۋتات ٴوز سوزىندە باعدارلامالىق قۇجاتتىڭ ماڭىزدىلىعى مەن وزەكتىلىگىن اتاپ ٴوتىپ، ساياسي جاڭعىرۋدىڭ نەگىزگى ماسەلەلەرىنە توقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي