BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساۋلە ەرجانوۆا: جولداۋدا ايتىلعان مىندەتتەردى ورىنداۋ ٴاربىر ازاماتتىڭ پارىزى

قر پرەزيدەنتى نۇرسۇلتان نازاربايەۆتىڭ قازاقستان حالقىنا ارنالعان جولداۋىندا ايتىلعان مىندەتتەردى ورىنداۋ ٴاربىر ازاماتتىڭ پارىزى. مۇنداي پىكىردى قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ پروفەسسورى ساۋلە ەرجانوۆا ٴبىلدىردى.

«قازاقستان حالقى بۇگىندە بەرەكە-بىرلىكپەن ٴبىر حالىق بولىپ ۇيىسىپ، ورنىقتىلىقتى ارقاۋ ەتىپ، وراسان جەتىستىكتەرگە كۋا دەسەم ارتىق ايتقاندىق بولماس. ەلباسىنىڭ الداعى ومىرگە باعدارلاما جاساپ، ەلىمىزدى جولى ايقىن، سەنىمى كۇشتى مەملەكەتكە اينالدىرۋدى ماقسات ەتكەن قىراعىلىعى ۇلت ماقتانىشىنا اينالىپ وتىر. مەملەكەت باسشىسىنىڭ كورەگەندىلىگى مەن تاۋەلسىزدىك جولىندا كوشباسشى بولا بىلگەن ازاماتتىعىن وسى جولعى جولداۋى دا دالەلدەيدى. ۇلت تاريحىنىڭ جاڭا ٴداۋىرىن سۋرەتتەيتىن جولداۋدا تاۋەلسىز قازاقستاندى كوركەيتۋ، بۇكىل الەمدى عىلىم -بىلىمىمەن، ەكونوميكاسىمەن مويىنداتاتىنداي دارەجەگە جەتكىزۋ كوزدەلگەن. جەر شارىنداعى بەيبىتشىلىك پەن كەلىسىم، پروگرەسس پەن وركەندەۋدى قامتىعان جولداۋدىڭ ماقساتى دا وسىنى باستى قاعيداعا اينالدىرعان»، - دەدى ول.

ونىڭ ايتۋىنشا، قازاقستان پرەزيدەنتىنىڭ العا قويىپ وتىرعان ماقساتى - الەمدىك ەڭ دامىعان 30 ەلىنىڭ قاتارىنان ۇلتتىمىزدىڭ جارقىراپ ورىن الۋى. ال وعان ۇلتتىڭ ىنتىماعى ارقىلى بەيبىت جولمەن جەتۋگە بولادى.

«ەلباسى جولداۋىندا ساپالى ٴبىلىم بەرۋ جۇيەسىن جاقسارتۋ ماسەلەلەرىندەگى جاڭا مۇمكىندىكتەر جان-جاقتى كورسەتىلگەن. زاماناۋي وقۋ باعدارلامالارى مەن وقۋ قۇرالدارى، ادىستەمەلەردى ٴتۇزۋ، ولاردىڭ جاڭا بۋىننىڭ، بولاشاقتىڭ تانىمىنا ساي وزگەرىپ وتىرۋى قاداعالانعان. تالاپقا ساي ٴبىلىمىن شىڭداعان بىلىكتى مامانداردىڭ جاڭا بۋىن سۇرانىسىنا جاۋاپ بەرە الاتىنداي تالعاممەن رۋحاني دامۋىنا ٴمان بەرىلگەن. جاس بۋىننىڭ تولىق ٴبىلىم الۋىمەن قاتار شىعارماشىلىق، عىلىمي ىزدەنىستەرىنىڭ قولداۋ تاۋىپ وتىرىلۋىنا باسىمدىق تانىتىلعان. دەمەك، ەل دامۋى مەن وركەندەۋىنە تولىق مۇمكىندىك بەرىلىپ وتىرعاندا ونى ىسكە اسىراتىن ەسەلى ەڭبەك پەن ساپالى ىزدەنىس كەرەك. ەل ەڭسەسى ەڭكەيمەي، وتىز ەلدىڭ ورتاسىندا ويىپ الار ورنىن بەلگىلەۋ ٴۇشىن جولداۋدا ايتىلعان مىندەتتەردىڭ ٴبارى ورىندالۋىن كوزدەۋ قاجەت. ال ول مىندەتتەردى ورىنداۋ ٴاربىر ازاماتتىڭ پارىزى»، - دەپ تۇيىندەدى ٴسوزىن ساۋلە ەرجانوۆا.

قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي