BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىنىڭ بارلىق بالاباقشاسى مەملەكەتتىك تىلدە ٴبىلىم بەرۋگە كوشىرىلمەك

پاۆلودار وبلىسىنداعى بالاباقشالاردىڭ بارلىعىن مەملەكەتتىك تىلدە ٴبىلىم مەن تاربيەگە كوشىرۋدى قولعا الۋ. وسىنداي ۇسىنىستى ايماق باسشىسى بولات باقاۋوۆ وبلىستىڭ يدەولوگيالىق اكتيۆىنىڭ وتىرىسى بارىسىندا جاسادى، دەپ حابارلايدى baq.kz اگەنتتىگىنىڭ پاۆلودارداعى ٴتىلشىسى.

جيىن بارىسىندا مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ باسىمدىقتارى تالقىلاندى.

«ادامي كاپيتالدىڭ دامۋى - ەكونوميكالىق ٴوسىمنىڭ نەگىزگى فاكتورى. ونىڭ ىشىندە ٴبىلىم بەرۋ، دەنساۋلىق ساقتاۋ، الەۋمەتتىك قامتاماسىز ەتۋ سالالارىنا باسا نازار اۋدارىلىپ وتىر. ەلباسىمىز، ەڭ الدىمەن، ٴبىلىم بەرۋ جۇيەسىنىڭ ٴرولىن وزگەرتۋدى اتاپ ٴوتتى. بۇل باعىتتا وقۋشىلاردىڭ ٴوز بەتىمەن ىزدەنۋ قابىلەتتەرىن ارتتىرىپ، it ٴبىلىمدى، قارجىلىق ساۋاتتىلىقتى، ۇلتجاندىلىقتى دامىتۋ بويىنشا جۇمىس جاساۋ قاجەتتىگىن اتاپ ٴوتتى. سونداي-اق، ٴۇش تىلدە وقىتۋدى كەزەڭ-كەزەڭىمەن جۇزەگە اسىرۋ بويىنشا ۇسىنىستار دايىنداۋدى تاپسىردى»، - دەپ اتاپ ٴوتتى بولات باقاۋوۆ.

ايماق باسشىسى ٴۇش تىلدە وقىتۋ جۇيەسى ەرتىس وڭىرىندە جۇيەلى تۇردە، بىرتىندەپ جالعاساتىنىن جەتكىزىپ، بۇل باعىتتاعى جۇمىستى بالاباقشا قابىرعاسىنان باستاۋ قاجەتتىلىگىن تىلگە تيەك ەتتى.

«جەتى ٴتۇرلى ٴىلىم ٴبىل، جەتى جۇرتتىڭ ٴتىلىن ٴبىل» دەگەن قازاقتىڭ ماقالى بار. سوندىقتان، الەمدىك دەڭگەيدەگى اعىلشىن تىلىندەگى قارىم-قاتىناس - ەلىمىزدىڭ جاعدايىن جاقسارتۋعا جۇمىس جاساۋ كەرەك. ال قازاق ٴتىلىنىڭ باسىمدىعى ساقتالىپ، ونىڭ دامۋى بويىنشا ناقتى شارالار جۇزەگە اساتىن بولادى. مەن، پاۆلودار وڭىرىندەگى بالاباقشالاردى مەملەكەتتىك تىلگە كوشىرۋدى قولعا الۋ تۋرالى ۇسىنىستى وبلىستىڭ ٴبىلىم بەرۋ باسقارماسىنا جان-جاقتى قاراستىرۋدى تاپسىرعان ەدىم. ال كەيىن مەكتەپكە بەرگەندە، اتا-انالار وزدەرى تاڭداۋ جاسايتىن بولادى. بۇل ٴوز كەزەگىندە، مەكتەپ جاسىنا دەيىنگى بالالارعا مەملەكەتتىك ٴتىلدى ۇيرەنۋگە مۇمكىندىك بەرەدى. ال ورىس، اعىلشىن تىلدەرىن ٴاربىر وقۋشى مەكتەپ جاسىندا، كەز كەلگەن ۋاقىتتا يگەرىپ الادى»، - دەيدى وبلىس اكىمى.

ايتا كەتەيىك، تاۋەلسىزدىك جىلدارى ىشىندە وبلىستا 93 مەكتەپكە دەيىنگى ٴبىلىم بەرۋ ۇيىمى قايتا قالپىنا كەلتىرىلىپ سالىندى، 261 مەكتەپكە دەيىنگى شاعىن ورتالىق اشىلدى. قازىرگى تاڭدا وڭىردە 168 بالاباقشا جۇمىس ىستەيدى. 3-6 جاس ارالىعىنداعى بالعىنداردىڭ بارلىعى مەكتەپكە دەيىنگى بىلىممەن تولىق قامتىلعان.

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي