BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا «رۋحاني جاڭعىرۋ» باعدارلاماسى تىڭ جوبالارمەن تولىعادى

وڭتۇستىك قازاقستان وبلىسىندا بىلتىر ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسىن ىسكە اسىرۋ جونىندەگى ٴىس-شارالار جوسپارى ازىرلەنىپ، بەكىتىلگەن بولاتىن. باعدارلامانى ىسكە اسىرۋ بويىنشا وبلىس اكىمىنىڭ توراعالىعىمەن وڭىرلىك كوميسسيا جانە ساراپشىلار كەڭەسى قۇرىلعان، دەپ حابارلايدى baq.kz اقپارات اگەنتتىگى.

ساراپشىلىق كەڭەسىنىڭ قۇرامىندا جەرگىلىكتى زيالى قاۋىم وكىلدەرى، عالىمدار، ۇكىمەتتىك ەمەس ۇيىم وكىلدەرى بار. ماقالادا بەلگىلەنگەن 6 باعىت بويىنشا جۇمىستار كەزەڭ-كەزەڭىمەن اتقارىلۋدا. بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وبلىستىق «رۋحاني جاڭعىرۋ» جوبالىق كەڭسەنىڭ باسشىسى باقىتجان اشىربەكوۆ ٴمالىم ەتتى.

ماسەلەن، وبلىستا قاسيەتتى جەرلەردىڭ ٴتىزىمىن قالىپتاستىرۋعا ۇسىنىستار ازىرلەيتىن وڭىرلىك جۇمىس توبى قۇرىلىپ، كيەلى جەرلەردىڭ وڭىرلىك كارتاسىنىڭ جوباسى جاسالدى. قازىرگى تاڭدا «قاسيەتتى قازاقستان» ورتالىعىمەن جالپى رەسپۋبليكا بويىنشا 100 نىسان ىرىكتەلىپ الىنسا، ونىڭ ىشىندە وڭتۇستىك قازاقستان وبلىسىنان 25 نىسان ەنگىزىلگەن. وبلىس كولەمىندە باعدارلامالىق ماقالانىڭ باسىمدىقتارىن جۇزەگە اسىرۋ بويىنشا «تۇركىستان – تۇركى الەمىنىڭ مادەني استاناسى» جوباسىن ەرەكشە اتاۋعا بولادى. مۇنىڭ اياسىندا 40-تان استام شارا وتكىزىلدى.

«وبلىستا «تۋعان جەر» ارنايى جوباسى بويىنشا 50 جوبا دايىندالىپ، 150-دەن اسا ٴىس-شارا جۇزەگە اسىرىلۋدا. سونداي-اق، كاسىپكەرلەر مەن دەمەۋشىلەرمەن جالپى 31 ملرد 467 ملن تەڭگەنى قۇرايتىن 577 وڭىرلىك جوبا جۇرگىزىلىپ كەلەدى. ونىڭ ىشىندە، 2017 جىلى 6342،8 ملن تەڭگەگە 473 نىسان اياقتالىپ، پايدالانۋعا بەرىلدى. جالپى «رۋحاني جاڭعىرۋ» باعدارلاماسى ەندى جاڭا جوبالار بويىنشا جۇرگىزىلەدى»، - دەدى باقىتجان ايدارحان ۇلى.

سونىمەن قاتار، وبلىس باسشىسىنىڭ قولداۋىمەن تاريحي-مادەني مۇرالارىمىزدى ناسيحاتتاپ، جاستارعا پاتريوتتىق تاربيە بەرۋ ماقساتىندا «كونە جەتىگەننىڭ سىرى» اتتى 10 سەريالى تەلەحيكايا، «كيەلى قازىعۇرت»، «وتىراردى قورعاۋ»، «كۇش اتاسى – قاجىمۇقان» اتتى انيماسيالىق جانە « ۇلى جىبەك جولىنداعى ەسكەرتكىشتەر» سىندى دەرەكتى فيلمدەر ٴتۇسىرىلىپ، ەل نازارىنا ۇسىنىلدى

«رۋحاني جاڭعىرۋ» جوبالىق كەڭسەنىڭ باس مەنەدجەرى دامير ٴجۇنىسوۆتىڭ ايتۋىنشا، ەلباسىنىڭ ماقالاسىنداعى اتالعان 6 باعىت بويىنشا وڭىردە اعىمداعى جىلى جاڭا تىڭ جوبالار قولعا الىنىپ، اتقارىلاتىن جۇمىستار جاندانا تۇسەدى. اتاپ ايتقاندا، ٴتۇرلى تاقىرىپتا دەرەكتى جانە انيماسيالىق فيلمدەر، رەسپۋبليكالىق فورۋمدار، تانىمدىق بايقاۋلار مەن فەستيۆالدەر ۇيىمداستىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي