BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن.نازاربايەۆ: «تۇرعىن ٴۇي قۇرىلىس جيناق بانكى» سالىمشىلارى ٴۇشىن نەسيەلىك تۇرعىن ٴۇي سالىنادى

فوتو: Today.kz

بيىل «نۇرلى جەر» تۇرعىن ٴۇي باعدارلاماسى ىسكە اسىرىلا باستايدى. ول اسا ماڭىزدى مىندەتتى ورىنداۋعا – الداعى 15 جىلدا 1،5 ميلليون وتباسىن تۇرعىن ۇيمەن قامتاماسىز ەتۋگە باعىتتالعان. بۇل تۋرالى مەملەكەت باسشىسى نۇرسۇلتان نازاربايەۆ قازاقستان حالقىنا جولداۋىندا ايتتى، دەپ حابارلايدى baq.kz.

«باعدارلامادا تۇرعىن ٴۇي نارىعىن دامىتۋدىڭ كەشەندى شارالارى كورىنىس تاپقان. سونىڭ ٴبىرى – «دامۋ» اكسيونەرلىك قوعامى ارقىلى مەملەكەتتىڭ سۋبسيديا بەرۋى ەسەبىنەن قۇرىلىس سالۋشىلار ٴۇشىن بانك نەسيەسىن ارزانداتۋ. تۇرعىندار ٴۇشىن «قازاقستان يپوتەكالىق كومپانياسى» اكسيونەرلىك قوعامى ارقىلى بانكتەر بەرەتىن يپوتەكالىق نەسيەنى سۋبسيديالاۋ جۇزەگە اسىرىلادى. «تۇرعىن ٴۇي قۇرىلىس جيناق بانكى» سالىمشىلارى ٴۇشىن اكىمدىكتەردىڭ نەسيەلىك تۇرعىن ٴۇي سالۋى جالعاسادى. وعان ىلگەرىدە بولىنگەن قارجى «رەۆولۆەر» قاعيداتى بويىنشا قايتا پايدالانىلادى»، - دەدى ەلباسى.

اكىمدىكتەر حالىقتىڭ الەۋمەتتىك ٴالسىز توپتارى ٴۇشىن ساتىپ الۋ قۇقىعىنسىز ارەندالىق تۇرعىن ٴۇي ٴبولۋ ٴىسىن دامىتا بەرەتىن بولادى. جاپپاي تۇرعىن ٴۇي قۇرىلىسى ٴۇشىن اكىمدەر ٴتيىستى جەر تەلىمدەرىن بولۋگە ٴتيىس ەكەنىن اتاپ ٴوتتى.

«ٴبىز قالالاردا جەكە تۇرعىن ۇيلەردىڭ ٴبىرىڭعاي ساۋلەت ستيلىندە سالىنۋىنا ٴمان بەرەتىن بولامىز. بۇل ٴۇشىن مەملەكەت قاجەتتى ينفراقۇرىلىم تۇرعىسىنان كومەك كورسەتەدى. ۇكىمەت اكىمدەرمەن بىرلەسىپ، ۇلكەن قالالاردىڭ ىرگەلەس ورنالاسقان ەلدى مەكەندەرمەن كولىك بايلانىسىن دامىتۋ جونىندە شارالار قابىلداۋى قاجەت»، - دەدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي