BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن.نىعماتۋلين: جولداۋ قازاقستاننىڭ دامۋ تاريحىنداعى جاڭا كەزەڭدى باستادى

ٴماجىلىس سپيكەرى نۇرلان نىعماتۋلين پالاتانىڭ بۇگىنگى جالپى وتىرىسىن ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنان باستادى، دەپ حابارلايدى baq.kz.

جولداۋدىڭ كەشە عانا بارلىق اقپارات قۇرالدارىندا جارىق كورگەنىن العا تارتقان ن.نىعماتۋلين:

«پرەزيدەنتىمىز نۇرسۇلتان ٴابىش ۇلى نازاربايەۆتىڭ جولداۋى – ەلىمىزدىڭ تاريحي بەلەسىن باستاعان وتە ماڭىزدى قۇجات. وندا ەلباسىمىز قازاقستان دامۋىنىڭ جاڭا باعىتتارىن بەلگىلەپ بەردى. وسى كەزەڭدە اسىرەسە، ۇلتتىق ەكونوميكانى كوتەرۋگە ەرەكشە كوڭىل ٴبولىندى. بۇل ەڭ الدىمەن حالىقتىڭ الەۋمەتتىك جاعدايىن كۇشەيتۋگە ىقپال ەتەدى»،-دەدى.

سپيكەر اتاپ وتكەندەي، جولداۋ زاڭ شىعارۋ ورگانىنىڭ الداعى ناقتى ماقساتتارىن كورسەتۋمەن قاتار، «100 ناقتى قادام» ۇلت جوسپارى اياسىندا «قازاقستان-2050» ستراتەگياسىن ناتيجەلى جۇزەگە اسىرۋ ٴۇشىن بارشا قازاقستاندىقتاردى ٴبىر ماقساتقا بىرىكتىرەتىن قۋاتتى كۇشكە يە.

دەپۋتاتتىق كورپۋستىڭ الدىندا تۇرعان ەندىگى باستى مىندەت – ماڭىزدى قۇجاتتى ەلىمىزدىڭ ٴاربىر ازاماتىنا، ٴاربىر وتباسىنا جەتكىزىپ، ٴتۇسىندىرۋ. كەڭ كولەمدە ناسيحات جۇمىستارىن قولعا الۋ.

وسىعان بايلانىستى ەرتەڭنەن باستاپ ٴماجىلىس دەپۋتاتتارى بارلىق ايماقتاردى ارالاپ، حالىقپەن كەزدەسۋگە شىعادى، دەپ حابارلايدى ٴماجىلىس اپپاراتىنىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي