BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نەمىس ساياساتكەرلەرى ەلباسى باستاماسىن تالقىلاپ جاتىر

ەلباسىنىڭ بيلىك تارماقتارى اراسىندا وكىلەتتىكتەردى قايتا ٴبولۋ تۋرالى باستاماسىن نەمىس ساياساتكەرلەرى دە تالقىلاپ جاتىر.

قازاقستان پرەزيدەنتى ۇسىنعان كونستيتۋسيالىق رەفورما ەلدىڭ مەملەكەتتىك اپپاراتىنىڭ جۇمىسىنا تىڭ سەرپىن بەرمەك. بۇل – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ گەرمانياداعى بۇرىنعى ەلشىسى ديتەر بودەننىڭ پىكىرى.

«پرەزيدەنت ٴبىرقاتار وكىلەتتىگىن پارلامەنت مەن ۇكىمەتكە بەرەدى. بۇل – مينيسترلەر كابينەتى جۇمىسىنىڭ تيىمدىلىگىن ارتتىرۋ ٴۇشىن جاسالىپ جاتقان قادام. مۇنداي رەفورما كەز كەلگەن مەملەكەتكە قاجەت. نەمىستەر قازاقستاندا دەموكراتيالىق قوعامنىڭ قالىپتاسىپ كەلە جاتقانىن بايقاپ وتىر. بۇل – شيرەك عاسىردا قول جەتكىزگەن جەتىستىكتەردىڭ ٴبىرى. 2010 جىلى قازاقستاننىڭ ەۋروپاداعى قاۋىپسىزدىك جانە ىنتىماقتاستىق ۇيىمىنا ٴتوراعالىق ەتۋى مەملەكەتتىڭ الەمدىك ارەناداعى بەدەلىن كوتەردى. بۇل – پرەزيدەنت نۇرسۇلتان نازاربايەۆتىڭ ارقاسى»، - دەيدى ەقىۇ گەرمانياداعى بۇرىنعى ەلشىسى ديتەر بودەن.

حابار24


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي