BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ن.نىعماتۋلين: جولداۋ قازاقستان دامۋىنىڭ جاڭا باعىتتارىن بەلگىلەپ بەردى

پالاتا ٴتوراعاسى نۇرلان نىعماتۋلين الماتى وبلىسىنا جۇمىس ساپارىمەن باردى، دەپ حابارلايدى baq.kz قر پارلامەنتى ٴماجىلىسى اپپاراتىنىڭ ٴباسپاسوز قىزمەتىنە سىلتەمە جاساپ.

پالاتا ٴتوراعاسى نۇرلان نىعماتۋلين الماتى وبلىسىنا جۇمىس ساپارىمەن كەلىپ، «aluminum of kazakhstan» جشس جۇمىسشىلارىمەن كەزدەستى. جۇزدەسۋ بارىسىندا ٴماجىلىس ٴتوراعاسى ەلباسىنىڭ بيلىك تارماقتارى اراسىندا وكىلەتتىكتەردى قايتا ٴبولۋ تۋرالى ۇندەۋى مەن جىل سايىنعى ٴداستۇرلى جولداۋى جايىندا باياندادى.

ن. نىعماتۋلين اتاپ وتكەندەي، بۇل ەكى قۇجات شىن مانىندە قازاقستانىمىزدىڭ الداعى دامۋ جولىنىڭ ستراتەگيالىق جوسپارى. ۇسىنىلىپ وتىرعان باسقارۋ رەفورماسى ەلباسىنىڭ بولاشاقتى ويلايتىن، دانا ساياساتىنىڭ تاعى ٴبىر ناقتى كورسەتكىشى. سونىمەن بىرگە، بۇل پرەزيدەنتتىڭ دەموكراتيالىق ۇستانىمدى كۇشەيتۋ جولىنداعى تاريحي شەشىمى.

ال، ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى ەلىمىزدىڭ تاريحي بەلەسىن باستاعان وتە ماڭىزدى قۇجات.

ٴماجىلىس ٴتوراعاسى: - جولداۋدا ەلباسىمىز قازاقستان دامۋىنىڭ جاڭا باعىتتارىن بەلگىلەپ بەردى. اسىرەسە، ۇلتتىق ەكونوميكانى كوتەرۋگە ەرەكشە كوڭىل ٴبولدى. بۇل ەڭ الدىمەن حالىقتىڭ الەۋمەتتىك جاعدايىن كۇشەيتۋگە ىقپال ەتەدى، - دەدى.

ودان ٴارى پالاتا سپيكەرى جولداۋدىڭ ٴاربىر باسىمدىقتارىنا، بولاشاق ماقساتتارعا توقتالدى. ونى جۇزەگە اسىرۋعا بەلسەنە قاتىسۋ ٴاربىر قازاقستاندىقتىڭ ابىرويلى مىندەتى ەكەنىن ايتتى. ٴوز كەزەگىندە زاۋىت جۇمىسشىلارى دا ەلباسىنىڭ ستراتەگيالىق باستامالارىن تولىقتاي قولدايتىندىعىن ٴبىلدىردى. «aluminium of kazakhstan» جشس –اليۋمينيي پروفيلدەرىن وندىرەتىن تولىق سيكلدى جوعارى تەحنولوگيالىق زاۋىت. زاۋىت قۇيۋ سەحىنەن، 1540 جانە 2400 قىسقا تونناعا ارنالعان ەكى پرەستەن تۇرادى. زاۋىتتىڭ جالپى اۋدانى شامامەن 14 000 م2 قۇرايدى. تەحنولوگيالىق ۇدەرىس باستاپقى ٴاليۋمينييدى وڭدەۋ ارقىلى دايىن ٴونىمنىڭ 280 اتاۋىنان استامىن وندىرۋگە مۇمكىندىك بەرەدى. زاۋىت جىلىنا 12 000 تونناعا دەيىن ٴونىم شىعارادى.

كەزدەسۋ بارىسىندا ٴماجىلىس سپيكەرى جينالعانداردىڭ سۇراقتارىنا جاۋاپ بەرىپ، اۋقىمدى ماسەلەلەر بويىنشا پىكىر الماستى.

ايتا كەتەيىك، ٴماجىلىس دەپۋتاتتارى جولداۋدىڭ ماقسات-مىندەتىن حالىققا جەتكىزۋ، ٴتۇسىندىرۋ، ناسيحاتتاۋ ماقساتىندا ايماقتاردى ارالاپ، تەك وبلىس ورتالىقتارىن عانا ەمەس، ٴاربىر اۋىلدى، شالعايداعى ەلدى مەكەندەردى دە قامتۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي