BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

مۇحتار قۇل-مۇحاممەد: جاقسىلىققا جاقسىلىقپەن جاۋاپ بەرۋ كەرەك

«نۇر وتان» پارتياسى ٴتوراعاسىنىڭ ٴبىرىنشى ورىنباسارى مۇحتار قۇل-مۇحاممەد پاۆلودار وبلىسىنا ات باسىن تىرەپ، ٴىرى كاسىپورىنداردىڭ ەڭبەك ۇجىمدارىمەن كەزەدستى، دەپ حابارلايدى baq.kz اگەنتتىگىنىڭ پاۆلودارداعى ٴتىلشىسى.

مۇحتار قۇل-مۇحاممەد «پاۆلودار» ارنايى ەكونوميكالىق ايماعىنداعى تابىستى جوبالاردىڭ ٴبىرى – مۇناي كوكسىن كۇيدىرۋ زاۋىتىنىڭ ۇجىمىمەن جۇزدەستى. «نۇر وتان» پارتياسى ٴتوراعاسىنىڭ ٴبىرىنشى ورىنباسارى، ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قالىبەتتىلىك» جولداۋىندا ايتىلعان باسىمدىقتاردى تىلگە تيەك ەتتى.

ايتا كەتەيىك، مۇناي كوكسىن كۇيدىرۋ زاۋىتى بىرەگەي تەحنولوگيا قولدانىلاتىن بۇل ٴوندىرىس وشاعىندا 300-دەن استام مامان بار. اليۋمينيي وندىرىسىنە قاجەت مۇناي كوكسىنىڭ العاشقى لەگى بىلتىرعى جىلدىڭ جازىندا وڭىردەگى اليۋمينيي زاۋىتىنا تاسىمالداندى. شىعارىلاتىن ٴونىم قىتاي مەن رەسەيگە دە جونەلتىلۋدە. ٴوندىرىستىڭ باستى ەرەكشىلىگى قالدىقسىز تەحنولوگياسىندا بولىپ تابىلادى. قازىرگى تاڭدا زاۋىت وندىرىستىك قۋاتتىلىعىنىڭ 30%-نا جەتكەن. بولاشاقتا تولىق قۋاتتىلىققا كوشۋدى جوسپارلاۋدا. قۋانتارلىعى، بۇگىندە كاسىپورىننىڭ ساپالى ونىمىنە رەسەيلىك «رۋسال» كومپانياسى مەن قىتايلىق فيرمالار قىزىعۋشىلىق تانىتۋدا.

مۇناي كوكسىن كۇيدىرۋ زاۋىتى بىرەگەي تەحنولوگيا قولدانىلاتىن بۇل ٴوندىرىس وشاعىندا 300-دەن استام مامان ەڭبەك ەتەدى. ولاردىڭ قاتارىندا «بولاشاق» باعدارلاماسى ارقىلى شەتەلدىك جوعارى وقۋ ورنىندا ٴبىلىم العان جاس ماماندار بار.

«مەن ۇلىبريتانياداعى مانچەستەر ۋنيۆەرسيتەتىندە ٴبىلىم الدىم. جوعارى وقۋ ورنىن ٴتامامداعان سوڭ ەلگە ورالىپ، ەڭبەك جولىمدى مۇناي كوكسىن كۇيدىرۋ زاۋىتىندا باستادىم. ەلباسىنىڭ قولداۋىمەن بوي كوتەرگەن زاۋىتتا جۇمىس ىستەيتىنىمدى ماقتان تۇتامىن»، - دەيدى جاس مامان ناۋرىزباي ۋاحيت.

«نۇر وتان» پارتياسىنىڭ ٴبىرىنشى ورىنباسارى مەملەكەتتىك قولداۋىمەن ەلىمىز بويىنشا وسى تەكتەس 700 جاڭا كاسىپورىن سالىنعانىن تىلگە تيەك ەتتى.

«ماسەلەن، ەكى جىل بۇرىن بۇل زاۋىتتىڭ اۋماعى بوس جاتقان سايىن دالا ەدى. ەلباسىمىز تاۋەلسىزدىك جىلدارى كاسىپكەرلىكتىڭ دامۋى ٴۇشىن بارىنشا جاعداي جاسادى. مەن نىق سەنىممەن ايتا الامىن، بىردە ٴبىر ەلدىڭ پرەزيدەنتى كاسىپكەرلىكتى دامىتۋعا ٴدال نۇرسۇلتان ٴابىش ۇلىنداي ۇلەس قوسقان جوق. سوندىقتان، بىزدە كاسىپكەرلىك ٴقازىر قاي جاعىنان بولماسىن، مىقتاپ دامىپ كەلە جاتىر. قولداۋ تاپقان كاسىپورىندار ەلباسىنىڭ جاقسىلىعىن مىڭ ەسە قايتارۋ كەرەك. سونىمەن قاتار، ٴونىمنىڭ ساپاسىن ارتتىرۋ كەرەك. وسىلايشا، وزدەرى تۇراتىن ايماقتىڭ عانا ەمەس، قازاقستان ەكونوميكاسىنىڭ وركەندەۋىنە سۇبەلى ۇلەس قوسادى»، - دەدى مۇحتار قۇل-مۇحاممەد.

قازىرگى تاڭدا «پاۆلودار» ارنايى ەكونوميكالىق ايماعىنىڭ قۇرامىندا بەس كاسىپورىن جۇمىس ىستەپ جاتىر. بىرەگەي جوبالاردى جۇزەگە اسىرۋعا 43 ملرد تەڭگەدەن استام ينۆەستيسيا جۇمسالعان. ناتيجەسىندە ەكى مىڭنان استام جاڭا جۇمىس ورنى اشىلدى. مۇندا شىعارىلاتىن كۇيدىرىلگەن مۇناي كوكسى، تۇرمىستىق حيميا قۇرالدارى مەن اگروونەركاسىپكە قاجەت ونىمدەر ىشكى جانە سىرتقى نارىقتا جوعارى سۇرانىسقا يە.

ەسكە سالا كەتسەك، ەرتىس وڭىرىندەگى «پاۆلودار» ارنايى ەكونوميكالىق ايماعىندا 5 ينۆەستيسيالىق جوبا جۇزەگە اسىرىلماق. بۇل قوسىمشا 12 ملرد تەڭگە ينۆەستيسيا تارتۋعا مۇمكىندىك بەرمەك.

«نۇر وتان» پارتياسى ٴتوراعاسىنىڭ ٴبىرىنشى ورىنباسارى تۇستەن كەيىن ساياسي ۇيىمنىڭ وبلىستاعى اكتيۆىمەن كەزدەسىپ، جولداۋدا ايقىندالعان ماقسات-مىندەتتەردى تالقىلايدى.

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي