BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماجىلىسمەندەر قاراعاندىدا مەملەكەت ساياساتىنىڭ باعىتتارىن ٴتۇسىندىردى

قر پارلامەنتى ٴماجىلىسىنىڭ دەپۋتاتتارى – نۇرلان ٴابدىروۆ پەن مەيرام پىشەمبايەۆ قاراعاندى قالاسىنداعى قۇيۋ-ماشينا جاساۋ زاۋىتىنىڭ جۇمىسشىلارىمەن كەزدەستى، دەپ حابارلايدى baq.kz اگەنتتىگىنىڭ قاراعاندىداعى ٴتىلشىسى.

ماجىلىسمەندەر ەلباسىنىڭ قازاقستان حالقىنا جولداعان «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جانە مەملەكەتتىك بيلىك تارماقتارىنىڭ اراسىندا وكىلەتتىلىكتەردى قايتا ٴبولۋ جونىندەگى ۇندەۋىن جۇمىسشىلارعا تاراتىپ ايتىپ بەردى.

«مەملەكەت باسشىسىنىڭ حالىققا جولدايتىن جولداۋلارى مەملەكەتىمىزدى، قۇندىلىقتارىمىزدى، باسىمدىقتارىمىز بەن ورتاق ماقساتتارىمىزدى ايقىندايدى. ٴقازىر ەلىمىزدىڭ باستى ماقساتى – قازاقستاننىڭ ەڭ دامىعان 30 مەملەكەتىنىڭ قاتارىنا كىرۋ. وسى ماقساتقا جەتۋ ٴۇشىن بىزدە ادامي پوتەنسيال دا، وڭىرلەردى، سالالاردى دامىتۋدىڭ ناقتى باعدارلامالارى دا بار. بيىلعى جولداۋدا قازاقستان ەكونوميكاسىن وزىق تەحنولوگيالارمەن جەتىلدىرۋگە، جاڭارتۋگە، يننوۆاسيالىق سالادا كۇشتى سەرپىن بەرۋگە باستى نازار اۋدارىلعان، - دەدى نۇرلان ٴابدىروۆ.

دەپۋتاتتار يندۋستريالاندىرۋ، ينفراقۇرىلىمدى دامىتۋ، بيزنەستى، اگروكاسىپتىك كەشەندى، ٴبىلىم، دەنساۋلىق ساقتاۋ سالالارىن قولداۋ شارالارى تۋرالى ايتتى.

قازاقستاننىڭ ٴوز دامۋىنىڭ جەتىستىكتەرى تۋرالى ايتقاندا، دەپۋتاتتار ەلىمىزدىڭ باستى جەتىستىكتەرى، مەملەكەتتىك ماقساتتاردى ورىنداۋداعى مەملەكەتتىك باسقارۋ جۇيەسىنىڭ ٴرولى تۋرالى اتاپ ٴوتتى.

«تاۋەلسىزدىككە قول جەتكىزگەن 25 جىل ىشىندە پرەزيدەنتتىك مىقتى بيلىكتىڭ ارقاسىندا اتقارۋشى جانە وكىلەتتى تارماقتاردىڭ ناقتى جۇمىسى قالىپتاستىرىلدى، ەكونوميكانىڭ ٴوسۋى قامتاماسىز ەتىلدى. ال ٴقازىر، جاڭا زامان، جاڭا ستراتەگيالىق مىندەتتەر مەن مەملەكەتتىڭ جاڭا دامۋ كەزەڭى. وسىنىڭ بارلىعى قوعامدى ودان ٴارى دەموكراتيالاندىرۋدى، ياعني پارلامەنت تاراپىنان مەملەكەتتىك باعدارلامالاردىڭ ورىندالۋىنا باقىلاۋدى كۇشەيتۋدى، اتقارۋ ورگاندارىنىڭ جاۋاپكەرشىلىگىن جوعارلاتۋدى تالاپ ەتەدى»، - دەدى مەيرام پىشەمبايەۆ.

كاسىپورىن جۇمىسشىلارى دا پرەزيدەنتتىڭ جولداۋى مەن مەملەكەتتىك بيلىك تارماقتارىنىڭ اراسىندا وكىلەتتىلىكتەردى قايتا ٴبولۋ جونىندەگى ۇندەۋىندە قويىلعان مىندەتتەر مەن رەفورمالار تۋرالى ٴوز ويلارىن جەتكىزدى.

«پارلامەنتتىڭ باقىلاۋ فۋنكسيالارىن كۇشەيتۋ – بۇل وتە كەرەك نارسە دەپ ويلايمىن. مەملەكەت بارلىق سالالاردى دامىتۋ ٴۇشىن كوپ قاراجات ٴبولىپ جاتىر. وسى قاراجاتتىڭ قالاي جانە قانشالىقتى ٴتيىمدى پايدالانىلىپ جاتقانىن دەپۋتاتتار ٴبىلۋى قاجەت. ولار پرەزيدەنت تاپسىرمالارىنىڭ ورىندالۋ ساپاسىنا ىقپال ەتۋلەرى قاجەت»، - دەدى كاسىپورىننىڭ بەسىنشى رازريادتى فرەزەروۆششيگى - دەنيس پوپوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي