BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مارات مالتەكباسوۆ: وركەنيەت كوشىنەن قالماۋ – ۋاقىت تالابى

ەلىمىز ٴوزىنىڭ 25 جىلدىق دامۋ كەزەڭىندە تاماشا جەتىستىكتەرگە جەتىپ، ەرەن ەڭبەكتىڭ ۇلگىسىن كورسەتە ٴبىلدى. قاي سالادا بولسىن دامۋدىڭ، وركەنيەتكە جەتۋدىڭ يگى قادامدارى جاسالدى. تابىستارىمىز بەن جەتىستىكتەرىمىزدى بۇكىل الەم مويىنداپ جانە جوعارى باعالاپ، باسقالارعا ۇلگى تۇتتى. جاس مەملەكەتىمىز ٴۇشىن بۇل ۇلكەن مارتەبە. ەلباسىنىڭ جاقىندا جاريالاعان «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنا قاتىستى ٴى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ پرورەكتورى، وبلىستىق ٴماسليحاتتىڭ دەپۋتاتى مارات مالتەكباسوۆ وسىنداي پىكىر ٴبىلدىردى، دەپ حابارلايدى baq.kz ٴتىلشىسى.

«ٴبىلىم بەرۋ، دەنساۋلىق ساقتاۋ سالاسىندا قول جەتكىزگەن تابىستارىمىز، ەل ەكونوميكاسىن ارتتىرۋ جولىنداعى يگى باستامالار، قاراپايىم حالىققا جاسالىپ وتىرعان شىنايى قامقورلىق – ىلگەرى باسۋىمىزدىڭ كورىنىسى. بيىلدان باستاپ قازاقستاننىڭ بىرىككەن ۇلتتار ۇيىمى قاۋىپسىزدىك كەڭەسىنىڭ مۇشەسى بولۋىنىڭ ٴوزى ەل مەرەيىنىڭ ٴوسۋى دەپ بىلەمىز» - دەيدى ٴماسليحات دەپۋتاتى.

قازاقستان 2050 جىلعا قاراي الەمدەگى ەڭ الدىڭعى قاتارلى 30 مەملەكەتتىڭ قاتارىنا قوسىلۋدى كوزدەپ وتىر. «نۇرلى جول» ەكونوميكالىق ساياساتىنىڭ جانە «100 ناقتى قادام» ۇلت جوسپارىنىڭ ناتيجەسىندە قيىندىقتاردى جەڭىپ، ىلگەرى باسۋعا جول اشىلۋدا. وسىنداي جەتىستىكتەرگە جەتۋىمىزگە ەلىمىزدە قالىپتاسقان ۇلتتار دوستىعىنىڭ، بەرەكە-بىرلىكتىڭ دە يگى ىقپالىن تيگىزگەندىگىن باسا ايتۋىمىز كەرەك.

ەلىمىزدە ەكونوميكالىق ٴوسىمدى جانە بيزنەستى قولداۋعا، جاڭا جۇمىس ورىندارىن اشۋعا مۇمكىندىك جاسالدى. بۇل حالقىمىزدىڭ ٴال-اۋقاتىن ارتتىرۋعا جول اشۋدا. الەم قارقىندى تۇردە وزگەرىپ كەلە جاتقان شاقتا وركەنيەت كوشىنەن قالماۋ – ۋاقىت تالابى. ەلباسى ٴوز جولداۋىندا: «ٴبىزدىڭ كوز الدىمىزدا بولىپ جاتقان ۇلى وزگەرىستەر – ٴارى تاريحي سىن-قاتەر، ٴارى ۇلتقا بەرىلگەن مۇمكىندىك. بۇگىن مەن قازاقستاندى ٴۇشىنشى جاڭعىرتۋ جونىندە مىندەت قويىپ وتىرمىن. ەلدىڭ جاھاندىق باسەكەگە قابىلەتتىلىگىن قامتاماسىز ەتەتىن ەكونوميكالىق ٴوسىمنىڭ جاڭا مودەلىن قۇرۋ قاجەت. قازىرگى كەزدە كوپتەگەن ەلدەر وسىنداي مىندەتتى ورىنداۋعا ۇمتىلۋدا. ٴوسىمنىڭ جاڭا مودەلىنە كوشۋ ٴتاسىلى ٴار جەردە ٴارتۇرلى ەكەنىنە سەنىمدىمىن»، – دەپ اتاپ كورسەتتى. ەندەشە، جولداۋدىڭ جۇزەگە اسۋىنا ۇلەس قوسۋ – ورتاق پارىزىمىز» - دەيدى مارات مالتەكباسوۆ.

ەستەرىڭىزگە سالىپ وتسەك، 31 قاڭتار كۇنى بۇقارالىق اقپارات قۇرالدارىندا مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا ارناعان جولداۋى جاريالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي