BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

قۇرىق پورتىنداعى اۆتوكولىك پارومىنان العاشقى قازاقستاندىق جانە ترانزيتتىك جۇك جىبەرىلدى

كاسپيي ايدىنىنا قۇرىق كوپسالالى پاروم كەشەنىنەن ەكسپورتتىق باعدارعا العاشقى قازاقستاندىق جانە ترانزيتتىك جۇكتەر جىبەرىلدى، دەپ حابارلايدى baq.kz اقپارات اگەنتتىگى.

كەدەندىك رەسىمدەۋدەن وتكىزىلگەن سوڭ، العاشقى جۇك تيەلگەن 29 اۆتوكولىك، بوس اۆتوكولىك پەن ٴبىر جەڭىل ماشينا پارومعا تيەلدى. تاسىمالداناتىن جۇكتەر قۇرامىندا قازاقستاندا جانە ورتا ازيادا وسىرىلگەن اۋىلشارۋاشىلىعى ونىمدەرى مەن قۇرىلىس ماتەريالدارى جانە باسقا دا تاۋارلار بار.

«جاڭا قازاقستاندىق قۇرىق پورتىنىڭ بولاشاعى زور. ٴبىز الداعى ۋاقىتتا اۆتوكولىك ينفراقۇرىلىمىمەن العاشقى جۇك اعىنى جىبەرىلگەن سوڭ، بۇل باعدارداعى تاۋار تاسىمالداۋ قارقىن الاتىنىنا سەنىمدىمىز»، - دەيدى كەمە كاپيتانى ا. پيرمۋرادوۆ.

«قازاقستان تەمىر جولى» ۇك» اق ۆيسە-پرەزيدەنتى ب. ورىنباساروىتىڭ ايتۋىنشا، كومپانيا مەملەكەت باسشىسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى تاپسىرمالاردى ورىنداۋىن جالعاستىرا تۇسۋدە. 2017 جىلدىڭ باسىنان باستاپ قۇرىق تەمىرجول پارومىمەن 700 مىڭ توننا جۇك تاسىمالداۋ جوسپارلانعانىمەن، ٴقازىردىڭ وزىندە 1 ميلليون 350 مىڭ توننا جۇك تاسىمالداندى.

«جاڭا اۆتوكولىك پاروم كەشەنى جىلىنا ەكى ميلليون توننا جۇكتى وڭدەۋدەن وتكىزەدى. جاڭا ەكسپورتتىق-يمپورتتىق باعدار كاۆكاز، تۇركيا جانە وڭتۇستىك ەۋروپاعا جانە كەرى قاراي باعىتتالادى»، - دەيدى «قازاقستان تەمىر جولى» ۇك» اق ينفراقۇرىلىمدىق جوبالار جونىندەگى ۆيسە-پرەزيدەنتى ب. ورىنباساروۆ.

اتاپ وتەرلىگى، 6 جەلتوقسانداعى جالپىۇلتتىق تەلەكوپىر كەزىندە قۇرىق پورتىندا كاسپيي ايدىنىنا تەستىلىك سىناق رەتىندە اۆتوكولىك ٴپيرسى گيدروتەحنيكالىق يماراتىمەن اۆتوكولىك پارومىنا كەمەنىڭ كىرۋىنە مۇمكىندىك اپەردى. قۇرىق پاروم كەشەنى تەمىرجول مەن اۆتوكولىك جولى ارقىلى كەلىپ، ونى جەرگە تۇسىرمەستەن، بىردەن كەمەگە كىرىپ، تيەۋگە بارىنشا قولايلى جاعداي جاسالعان، ەرەكشە، وزىندىك زاماناۋي تەڭىز ينفراقۇرىلىمى.

جاڭا قۇرىق پاروم كەشەنى ەلىمىزدىڭ ترانزيتتىك-كولىك الەۋەتىن دامىتۋدى جۇزەگە اسىرىپ جاتقان جاڭا جىبەك جولىنىڭ ماڭىزدى تىزبەگى بولىپ سانالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي