BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قسزي «رۋحاني جاڭعىرۋ» باعدارلاماسىنا ارنالعان باسىلىمداردى جارىققا شىعاردى

فوتو: Нұржас Жақсыбай

ەلباسى ن.ٴا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسىنىڭ ماقالاسى جاريالانۋىنىڭ ٴبىر جىلدىعىنا ارنالعان «قازاقستان-سپەكتر»، «قوعام جانە ٴداۋىر» اتتى قر پرەزيدەنتى جانىنداعى قسزي جۋرنالدارىنىڭ ارنايى باسىلىمدارى شىعارىلدى، دەپ حابارلايدى baq.kz ٴتىلشىسى.

قازاقستان ستراتەگيالىق زەرتتەۋلەر ينستيتۋتى جۋرنالدارىنىڭ بيىلعى جىلعى ٴبىرىنشى ساندارى «رۋحاني جاڭعىرۋ» باعدارلاماسىن جان-جاقتى ٴتۇسىندىرۋ، رۋحتى جانە جاۋاپكەرشىلىگى مول ٴبىرتۇتاس ۇلتتى قالىپتاستىرۋعا ىقپال ەتەتىن عىلىمي-ساراپتامالىق ماقالالار ارقىلى تانىستىرۋعا باعىتتالدى.

قر پرەزيدەنتى جانىنداعى قسزي ديرەكتورىنىڭ ورىنباسارى ورىس تىلىندەگى «قازاقستان-سپەكتر» جۋرنالىنىڭ باس رەداكتورى مادينا نۇرعاليەۆانىڭ ايتۋىنشا، جۋرنالدىڭ بۇل سانىن جاساۋ يدەياسى وتكەن جىلدىڭ سوڭىندا پايدا بولعان. جۋرنالدىڭ بيىلعى جىلعى العاشقى جيناعى تولىعىمەن ەلباسىنىڭ «رۋحاني جاڭعىرۋ» ماقالاسىنا ارنالعان. جۋرنالدا جاريالانعان تەوريالىق جانە ادىستەمەلىك ماقالالارىمەن قاتار، كوپشىلىك جانە ساراپتامالىق ساۋالنامالار ناتيجەلەرى، ناقتى مالىمەتتەر كورسەتىلگەن.

سونداي-اق، جۋرنالدىڭ باس رەداكتورى تانىستىرىلىم بارىسىندا باسىلىمنىڭ جارىق كورۋىنە اتسالىسقان اۆتورلارعا، ساراپشى ماماندارعا العىسىن ٴبىلدىردى. باعدارلامانىڭ قىر-سىرىن اشىپ، جان-جاقتى تۇرعىدا ساراپتاپ كولەمدى ماتەريال جازعان اۆتورلار: زارەما شاۋكەنوۆا، ۆياچەسلاۆ دودونوۆ، سەرگەي كونوۆالوۆ، ناتاليا كالاشنيكوۆا، سانجار بايجانوۆ، رۇستەم قادىرجانوۆ، مادينا نۇرعاليەۆا، الۋا جولدىبالينا جانە جانار سانحايەۆا.

سونىمەن قاتار، قسزي-دىڭ الەۋمەتتىك-ساياسي زەرتتەۋلەر ٴبولىمىنىڭ باسشىسى، قازاق تىلىندەگى «قوعام جانە ٴداۋىر» جۋرنالىنىڭ باس رەداكتورى الۋا جولدىبالينا ٴوز سوزىندە قوعامدىق سانانى جاڭعىرتۋ جوباسىن جۇزەگە اسىرۋ بارىسىنا توقتالدى.

«قوعام جانە ٴداۋىر» جۋرنالى 2004 جىلدان باستاپ شىعارىلدى. بۇگىندە 56 سانى جارىق كوردى. ٴبىز رەداكسيالىق كەڭەستى قالىپتاستىرۋ كەزىندە كوپتەگەن فاكتوردى ەسكەرۋگە تىرىستىق. رەداكسيالىق كەڭەستىڭ ٴتوراعاسى ەرلان كارين. بىزدە تاريحي زەرتتەۋلەر كوپ جاريالاناتىندىقتان تاريح عىلىمدارىنىڭ دوكتورى بۇركىتپاي اياعاندى شاقىرۋدى ٴجون كوردىك. سونىمەن قاتار، ٴبىز ەكونوميكا سالاسىن ەسكەرە وتىرىپ رەداكسيالىق كەڭەسكە مەيرامبەك قاجىكەندى شاقىردىق»، - دەدى الۋا جولدىبالينا.

رەداكتورلاردىڭ ايتۋىنشا، ارنايى باسىلىمدا «رۋحاني جاڭعىرۋدىڭ» ساراپتامالىق ناتيجەلەرى، باعدارلاما اياسىندا ٴساتتى جۇزەگە اسۋىنىڭ قانداي پارامەترى بار ەكەنىن كورسەتۋ ٴۇشىن ساراپتامالىق سۇحباتتار جۇرگىزىلگەن.

«بۇل ارنايى باسىلىمدا ٴبىز «رۋحاني جاڭعىرۋ» اياسىندا جۇزەگە اسىپ جاتقان جوبالاردى عىلىمي تۇرعىدا زەرتتەۋدى ٴجون كوردىك. بۇل باسىلىم اقىسىز جانە قازاقستاننىڭ بارلىق ٴبىلىم بەرۋ وردالارىنا، كىتاپحانالارعا تەگىن تاراتىلادى. باسىلىمنىڭ تيراجى دا كوبەيدى، بۇرىن 500 تيراج شاماسىندا شىعارىلاتىن بولسا، بۇگىندە 700-800-گە دەيىن جەتكىزىپ وتىرمىز. ارنايى باسىلىمدا باعدارلاما اياسىندا 5 نەگىزگى ماقالا جانە «جاس عالىمدار» ايدارىندا 3 ماقالا جاريالاندى»، - دەيدى ول.

ماقالا اۆتورلارى: عاني نىعىمەتوۆ، گۇلناز قاسىموۆا، دانا احمەديانوۆا، ايدار قۇرماشەۆ، جانبولات مەلدەشوۆ، اناستاسيا رەشەتنياك، ايبەك يباتۋللين، قۋانىشبەك قالجانوۆ جانە اسەل جارتىبايەۆا.

وعان قوسا، قسزي ٴوزىنىڭ 24 جىلدىق قىزمەتى بارىسىندا حالىارالىق قاتىناستار، جاھاندىق جانە ايماقتىق قاۋىپسىزدىك ماسەلەلەر بويىنشا 250-دەن استام كىتاپ باسىپ شىعارعان. ينستيتۋتتىڭ توقسان سايىن قازاق تىلىندەگى «قوعام جانە ٴداۋىر»، ورىس تىلىندەگى «قازاقستان-سپەكتر» جانە اعىلشىن تىلىندەگى «central asia`s affairs» ساراپتامالىق جۋرنالدارىنىڭ ەلەكتروندى نۇسقالارىن ٴۇش تىلدە جۇرگىزىلىپ وتىراتىن سايتتا جاريالانادى.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي