BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك تاۋ-كەن كونگرەسى سايتىنىڭ قازاق تىلىندە اقپارات تاراتپاعانى ٴۇشىن كەشىرىم سۇرادى

فوتو: Архив

بۇگىن دۇنيەجۇزىلىك تاۋ-كەن كونگرەسى اياسىندا ۇيىمداستىرىلعان جۋرناليستەرگە ارنالعان بريفينگ بارىسىندا قازاقستان رەسپۋبليكاسىنىڭ ينۆەستيسيالار جانە دامۋ ٴمينيسترى جەڭىس قاسىمبەك اتالعان كونگرەسس رەسمي سايتىنىڭ قازاق تىلىندە اقپارات تاراتپاعانى ٴۇشىن كەشىرىم سۇراپ، بۇگىنگى تاڭدا بارلىق مالىمەتتىڭ مەملەكەتتىك تىلگە اۋدارىلىپ جاتقانىن ايتتى، دەپ حابارلايدى baq.kz ٴتىلشىسى.

19 ماۋسىمدا استانا قالاسىنداعى ەكسپو-2017 كونگرەسس-ورتالىعىندا دۇنيەجۇزىلىك تاۋ-كەن كونگرەسى 2018 ٴوز جۇمىسىن باستادى. وسى جىلى كونگرەسس ٴۇش مەرەيتويلىق كۇندى بىرىكتىردى: دتك قۇرىلعان كۇننەن باستاپ 60 جىل، ٴ25-شى مەرەيتويلىق دتك جانە استانا قالاسىنىڭ 20 جىلدىعى. اشىلۋ سالتاناتىنان كەيىن جۋرناليستەرگە ارنالعان ٴباسپاسوز ٴماسليحاتى ٴوتىپ، وندا قازاقستان رەسپۋبليكاسىنىڭ ينۆەستيسيالار جانە دامۋ ٴمينيسترى جەڭىس قاسىمبەك، دۇنيەجۇزىلىك تاۋ-كەن كونگرەسى حالىقارالىق ۇيىمداستىرۋ كوميتەتىنىڭ ٴتوراعاسى سالاح ۋايل، قازاقستان رەسپۋبليكاسى پارلامەنتى ٴماجىلىسىنىڭ دەپۋتاتى البەرت راۋح، تاۋ-كەن ٴوندىرىسى سالاسىنداعى افريكا بويىنشا "ەرنەست ينديان" كومپانياسىنىڭ جەتەكشىسى جانە تاۋ-كەن ٴوندىرۋ سالاسىنداعى سيفرلاندىرۋ جونىندەگى جەتەكشى ساراپشىسى دجەيمس مەتچەر، تاۋ-كەن ٴوندىرۋشى جانە تاۋ-كەن مەتاللۋرگيالىق كاسىپكەرلىك ورتالىعىنىڭ رەسپۋبليكالىق قاۋىمداستىعىنىڭ اتقارۋشى ديرەكتورى نيكولاي رادوستوۆەس ٴسوز سويلەدى.

مينيستر جەڭىس قاسىمبەك بۇل كونگرەستىڭ قازاقستان ٴۇشىن قانشالىقتى ماڭىزدى ەكەنىنە توقتالدى.

"بۇل - ٴبىز ٴۇشىن ماڭىزدى كونگرەسس. وزدەرىڭىز بىلەسىزدەر، تاۋ-كەن مەتاللۋرگيا - ەكونوميكامىز ٴۇشىن وتە ماڭىزدى سالالاردىڭ ٴبىرى. ٴ25-شى رەت ٴوتىپ جاتقان كونگرەسكە قوش كەلدىڭىزدەر! ونىڭ نەگىزى قالانعانىنا بيىل 60 جىل تولىپ وتىر. ونىڭ ۇستىنە تمد اۋماعىندا ٴبىرىنشى بولىپ قازاقستاندا وتكىزىلىپ جاتىر. كونگرەسس قارساڭىندا استانامىز دا 20 جاسقا تولىپ وتىر. تاۋ-كەن ٴوندىرىسى ٴبىزدىڭ ەكونوميكامىزدا گاز-مۇنايدان كەيىن ەكىنشى ورىندا تۇر. ەڭ باستىسى، ول حالىقتى جۇمىسپەن قامتاماسىز ەتىپ، مەملەكەتتىك جانە شەتەلدىك ينۆەستيسيالار تارتادى. وسى سالانى دامىتۋ ارقىلى مەملەكەتىمىزدىڭ بولاشاعى جارقىن بولاتىنىنا سەنىمدىمىن"، - دەيدى مينيستر.

بۇگىن ٴوتىپ جاتقان كونگرەسكە 2 000-عا جۋىق شەتەلدىك دەلەگات قاتىستى. بۇل بۇرىنعى كورسەتكىشپەن سالىستىرعاندا وتە كوپ ٴارى تاۋ-كەن ٴوندىرىسى سالاسىنا قىزىعۋشىلىقتىڭ ارتىپ كەلە جاتقانىنىڭ دالەلى. ونىڭ بارىسىندا كوپتەن بەرى مامانداردى قىزىقتىرعان ماسەلەلەر: تاۋ-كەن سالاسىنىڭ سيفرلاندىرۋمەن بايلانىسى، جاڭا تەحنولوگيالار ماسەلەلەرى، ينۆەستيسيا تارتۋ، قازاقستاننىڭ سوڭعى جىلدارداعى جەتىستىكتەرى سىندى تاقىرىپتاردا پرەزەنتاسيالار تانىستىرىلدى.

ينۆەستورلاردى تارتۋ ماقساتىندا يننوۆاسيالىق جوبالار تانىستىرىلدى. مۇنىمەن قاتار، ينۆەستيسيالار جانە دامۋ ٴمينيسترى ينۆەستورلارعا ەلىمىزدىڭ بۇرىن-سوڭدى زەرتتەلمەگەن ايماعىنىڭ كارتاسىن ۇسىنۋ ماسەلەسىنە، ينۆەستورلاردىڭ قانشالىقتى قىزىعۋشىلىق تانىتىپ وتىرعانىنا توقتالىپ، تاۋ-كەن كونگرەسى سايتىنىڭ قازاق تىلىندە جۇمىس ىستەمەگەنى ٴۇشىن كەشىرىم سۇرادى. بۇگىنگى تاڭدا وڭتۇستىك قازاقستان وبلىسى كوپ زەرتتەلە قويماعان ايماق قاتارىنا كىرەدى.

"ٴبىرىنشى ماسەلە بويىنشا (سايتتىڭ قازاق تىلىندە جۇمىس ىستەمەۋى - اۆتور) ەسكەرتۋىڭىزگە راحمەت. كەشىرىم سۇرايمىز! ونىڭ ىشىندە بۇل اقپاراتتاردىڭ بارلىعى قازاق تىلىنە اۋدارىلادى. ەكىنشى ماسەلە تۋرالى ايتار بولساق، ونى يدەولوگيالىق اقپارات دەپ اتايمىز. بۇل اقپاراتتار زاڭ بويىنشا اشىق بەرىلەتىن بولادى. بۇل سالاعا قاتىستى ۇلكەن جۇمىستار جۇرگىزىلىپ جاتىر. كەلەر جىلدان باستاپ بارلىق اقپاراتتى سايتتار ارقىلى، ەشقانداي قۇپياسىز اشىق تۇردە بەرەتىن بولامىز"، - دەدى مينيستر.

ەستەرىڭىزگە سالا كەتسەك، 19 ماۋسىمدا استانا قالاسىنداعى ەكسپو-2017 كونگرەسس-ورتالىعىندا دۇنيەجۇزىلىك تاۋ-كەن كونگرەسى 2018 ٴوز جۇمىسىن باستادى. وسى جىلى كونگرەسس ٴۇش مەرەيتويلىق كۇندى بىرىكتىردى: دتك قۇرىلعان كۇننەن باستاپ 60 جىل، ٴ25-شى مەرەيتويلىق دتك جانە استانا قالاسىنىڭ 20 جىلدىعى. سونداي-اق، رەسپۋبليكالىق تاۋ-كەن ٴوندىرۋ جانە تاۋ-كەن مەتاللۋرگيا كاسىپورىندارى قاۋىمداستىعىنىڭ اتقارۋشى ديرەكتورى نيكولاي رادوستوۆەس قازاقستان تاۋ-كەن مەتاللۋرگيا يندۋسترياسى ٴۇشىن دتك وتكىزۋدىڭ ناقتى تيىمدىلىگى قانداي ەكەنىنە توقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي