BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نيكولاي رادوستوۆەس: دۇنيەجۇزىلىك تاۋ-كەن كونگرەسى – الەمدىك تاجىريبەلەردى قابىلداۋ مۇمكىندىگى

فوتو: СЦК

الەمدىك ەكونوميكاعا تاۋ-كەن مەتاللۋرگيا ونەركاسىبىنىڭ اسەرى جانە دتك سالاسىندا قازاقستانمەن ىنتىماقتاستىقتىڭ كەلەشەگى تۋرالى پولشا رەسپۋبليكاسىنىڭ كاسىپكەرلىك جانە تەحنولوگيالار ۆيسە-مينيسترى تادەۋش كوشچينسكيي ٴوز بايانداماسىندا ايتىپ ٴوتتى. ٴوز كەزەگىندە، تورونتو قور بيرجاسىنىڭ تاۋ-كەن ٴىسى جونىندەگى باسشىسى (كانادا) دين ماكپەرسون الەمدە سالانىڭ دامۋ پەرسپەكتيۆالارى مەن ۇردىستەرى جانە وسى ۇردىستەردە دتك ماڭىزدىلىعى تۋرالى ايتتى. سونداي-اق، رەسپۋبليكالىق تاۋ-كەن ٴوندىرۋ جانە تاۋ-كەن مەتاللۋرگيا كاسىپورىندارى قاۋىمداستىعىنىڭ اتقارۋشى ديرەكتورى نيكولاي رادوستوۆەس قازاقستان تاۋ-كەن مەتاللۋرگيا يندۋسترياسى ٴۇشىن دتك وتكىزۋدىڭ ناقتى تيىمدىلىگى قانداي ەكەنىنە توقتالدى، دەپ حابارلايدى baq.kz ٴتىلشىسى.

erg ديرەكتورلار كەڭەسىنىڭ ٴتوراعاسى الەكساندر ماشكەۆيچ تكمك ونىمدىلىگى مەن تيىمدىلىگىن ارتتىرۋ قاجەتتىلىگىنە نازار اۋداردى جانە كومپانيانىڭ وسى باعىتتاعى جوبالارى تۋرالى باياندادى.

ساراپشىلاردىڭ بولجاۋى بويىنشا، الداعى جىلدارى قازاقستاننىڭ تاۋ-كەن ونەركاسىبىن تۇراقتى ٴوسۋ كۇتۋدە، وعان بازالىق مەتالل باعاسىنىڭ ٴوسۋى جانە 2017 جىلى جۇزەگە اسىرىلعان زاڭنامالىق تۇرلەندىرۋلەر سەپتىگىن تيگىزەدى. پلەنارلىق وتىرىستان كەيىن وتكەن ٴباسپاسوز كونفەرەنسياسى بارىسىندا، كونگرەسكە قاتىسۋشىلار قازاقستاننىڭ تاۋ-كەن مەتاللۋرگيا يندۋسترياسى ٴۇشىن دتك وتكىزۋدىڭ ناقتى تيىمدىلىگى قانداي، وسى سالانىڭ ەل ەكونوميكاسىنا ۇلەسى قانشالىقتى ۇلكەن، الەم نارىعىنداعى تۇراقسىز جاعدايعا بايلانىستى ەلدىڭ تكمك وڭتايلاندىرۋ جانە تيىمدىلىگىن ارتتىرۋ ٴۇشىن قانداي شارالار جۇرگىزىلۋدە جانە "جاسىل ەكونوميكا" ستاندارتتارىن ەنگىزۋ ٴۇشىن قانشا ۋاقىت قاجەت ەكەندىگى تۋرالى ايتتى.

"ٴبىز ٴۇشىن، دۇنيەجۇزىلىك تاۋ-كەن كونگرەسى – جان-جاعىمىزعا قاراي، ارىپتەستەرىمىزبەن جەتىستىكتەرىمىزدى سالىستىرۋ، ۇزدىك الەمدىك تاجىريبەلەردى، اسىرەسە، مودەرنيزاسيا 3.6 مانماتىنىندە تەحنولوگيالىق دامۋ جانە سالانىڭ زاڭنامالىق رەتتەلۋىنە قاتىستى تاجىريبەلەردى قابىلداۋ مۇمكىندىگى. سوندىقتان، بۇل ٴىس-شارانىڭ سالا ٴۇشىن اۋقىمى مەن ماڭىزى تەڭدەسىز. دتك حالىقارالىق الاڭىندا جەر قويناۋىن پايدالانۋشىلارعا سالىق سالۋ جۇيەسىنە ەنگىزىلەتىن اسا ماڭىزدى وزگەرىستەر ۇسىنىلادى. وتكەن جىلدىڭ سوڭىندا قابىلدانعان جاڭا سالىق كودەكسىندە قازاقستاندا گەولوگيالىق بارلاۋدى دامىتۋدىڭ ايتارلىقتاي ىنتالاندىرۋلارى بەرىلگەن، سونىڭ ىشىندە حالىقارالىق ستاندارتتارعا سايكەس، 2019 جىلدان باستاپ كوممەرسيالىق تابۋ بونۋسى جويىلىپ، جالداۋ تولەمدەرىنە كوشەدى. 2018 جىلى قازاقستاندا وسى سالاعا قاتىستى رەتتەۋ تاسىلدەرىن تۇجىرىمدامالىق تۇردە وزگەرتۋگە جانە ەلدى ەىدۇ ستاندارتتارىنا جاقىنداتۋعا باعىتتالعان جاڭا ەكولوگيالىق كودەكستى ازىرلەۋ باستالادى"، - دەيدى رەسپۋبليكالىق تاۋ-كەن ٴوندىرۋ جانە تاۋ-كەن مەتاللۋرگيا كاسىپورىندارى قاۋىمداستىعىنىڭ اتقارۋشى ديرەكتورى نيكولاي رادوستوۆەس.

سونداي-اق، دتك-2018 شەڭبەرىندە miningworld central asia – ٴ24-شى "تاۋ-كەن جابدىقتارى، كەن جانە مينەرالدى ٴوندىرۋ جانە بايىتۋ" حالىقارالىق كورمەسىنىڭ اشىلۋى ٴوتتى. بۇل كورمە قازاقستاندا جىل سايىن وتكىزىلىپ، "قاناتىنىڭ" استىنا الەمنىڭ 200-دەن استام كومپانياسىن جينايدى. بيىلعى جىلى 24 ەلدىڭ 250-دەن استام كومپانياسى كورمەگە قاتىسۋعا نيەت ٴبىلدىردى. ولاردىڭ ىشىندە aramine، atlascopso، cft group، dressta، metsominerals، mclanahan، flsmidth، sandvikmininggandconstruction، thrane، outotec، thyssenkrupp، ۆيست گرۋپپ جانە باسقا دا كوپتەگەن سالانىڭ جەتەكشى كوشباسشىلارى بار. جالپى ۇلتتىق ستەندتەرمەن اۆستراليا، اۆستريا (كورمەدە العاش رەت ٴوزىنىڭ ۇلتتىق ستەندىن ۇسىنادى)، ۇلىبريتانيا، كانادا، قحر، نورۆەگيا، پولشا، فينليانديا، فرانسيا، چەح رەسپۋبليكاسى قاتىسادى.

اقتوبە مىس كومپانياسى، kazminerals، erg، kazakhmys، kazzinc سەكىلدى جەتەكشى تاۋ-كەن ٴوندىرۋشى جانە تاۋ-كەن وڭدەۋشى كاسىپورىنداردىڭ ەكسپوزيسياسى miningworldcentralasia كورمەسىنىڭ وسى جىلعى ەرەكشەلىگى بولىپ تابىلادى.

ەستەرىڭىزگە سالا كەتسەك، 19 ماۋسىمدا استانا قالاسىنداعى ەكسپو-2017 كونگرەسس-ورتالىعىندا دۇنيەجۇزىلىك تاۋ-كەن كونگرەسى 2018 ٴوز جۇمىسىن باستادى. وسى جىلى كونگرەسس ٴۇش مەرەيتويلىق كۇندى بىرىكتىردى: دتك قۇرىلعان كۇننەن باستاپ 60 جىل، ٴ25-شى مەرەيتويلىق دتك جانە استانا قالاسىنىڭ 20 جىلدىعى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي