BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

دۇنيەجۇزىلىك تاۋ-كەن كونگرەسى ٴوز جۇمىسىن باستادى

فوتو: Нұржас Жақсыбай

19 ماۋسىمدا استانا قالاسىنداعى ەكسپو-2017 كونگرەسس-ورتالىعىندا دۇنيەجۇزىلىك تاۋ-كەن كونگرەسى 2018 ٴوز جۇمىسىن باستادى. وسى جىلى كونگرەسس ٴۇش مەرەيتويلىق كۇندى بىرىكتىردى: دتك قۇرىلعان كۇننەن باستاپ 60 جىل، ٴ25-شى مەرەيتويلىق دتك جانە استانا قالاسىنىڭ 20 جىلدىعى، دەپ حابارلايدى baq.kz ٴتىلشىسى.

قازاقستاندا دتك وتكىزۋدىڭ ماڭىزدىلىعىن اسىرا باعالاۋ مۇمكىن ەمەس. بۇگىنگى كۇنى بۇل تاۋ-كەن مەتاللۋرگيا كەشەنىنىڭ (تكمك) ەڭ ٴىرى جانە سالماقتى ٴىس-شاراسى. ونىڭ تمد اۋماعىندا ٴبىرىنشى رەت وتكىزىلۋى قازاقستان رەسپۋبليكاسىنىڭ تۇتاس العاندا الەمدىك قوعامداستىعى، سونىڭ ىشىندە تاۋ-كەن مەتاللۋرگيا سالاسىنداعى بەدەلىن دالەلدەيدى. ەلىمىزدىڭ رەسۋرستارى باي مينەرالدى-شيكىزات بازاسى بولىپ تابىلادى: پەريودتىق كەستەنىڭ 99 ەلەمەنتتەرى بار، ونىڭ ٴ70-ى بارلانعان، ال 60-تان استامى وندىرىستە پايدالانىلۋدا. قازاقستان الەمدەگى نەگىزگى اليۋمينيي كەنىن وندىرۋشىلەردىڭ وندىعى قاتارىنا كىرەدى، تمد ەلدەرى ىشىندە تەمىر كەنى قورلارى بويىنشا ٴۇشىنشى ورىندا، ۋران ٴوندىرۋ بويىنشا اۆسترالياعا عانا ورىن بەرەدى، مىس كەنىنە باي ەلدەردىڭ تىزىمىندە بار. جىل سايىن ەلىمىزدە 100 ملن توننادان استام كومىر وندىرىلەدى. تكمك كاسىپورىندارىنىڭ ونىمدەرى جاپونيا، وڭتۇستىك كورەيا، اقش، كانادا، رەسەي، قىتاي جانە ەو-عا ەكسپورتتالادى.

ٴ25-شى دۇنيەجۇزىلىك تاۋ-كەن كونگرەسىنە 50 ەلدەن 1200-دەن استام دەلەگات كەلدى. ولاردىڭ ىشىندە پولشا رەسپۋبليكاسىنىڭ كاسىپكەرلىك جانە تەحنولوگيالار ۆيسە-مينيسترى تادەۋش كوشچينسكيي، موڭعوليا تاۋ-كەن ونەركاسىبى ٴمنيسترى دولگورسۋرەنگيين سۋمياابازار، zijin minig group co. توپ ماينينگ (قىتاي) اتقارۋشى ديرەكتورى دجوردج فەنگ، تورونتو قور بيرجاسىنىڭ تاۋ-كەن ٴىسى جونىندەگى باسشىسى (كانادا) دين ماكپەرسون، thyssenkrupp industrial solutions ag كومپانياسىنىڭ تاۋ-كەن تەحنولوگيالارى بولىمشەسىنىڭ باسشىسى تورستەن گەرلاح (گەرمانيا) جانە تاعى دا باسقا ٴقادىرلى جانە ماڭىزدى قوناقتار بار.

كونگرەستىڭ جۇمىسىن قازاقستاننىڭ ينۆەستيسيالار جانە دامۋ ٴمينيسترى جەڭىس قاسىمبەك اشتى. ٴوز سوزىندە ول كونگرەستىڭ وتاندىق تكمك-ىن دامىتۋ جانە ەلدىڭ حالىقارالىق قاتىناستارىن نىعايتۋ ٴۇشىن ماڭىزدىلىعىن اتاپ ٴوتتى.

سۋرەت: نۇرجاس جاقسىباي

"قازاقستان ٴۇشىن تاۋ-كەن مەتاللۋرگيا كەشەنى ەل ەكونوميكاسىن دامىتۋدا ماڭىزدى ٴرول اتقارادى. بۇل سەكتور مۇناي-گاز سالاسىنان كەيىن ەل ەكونوميكاسىنىڭ قۇرىلىمىندا ەكىنشى ورىندى الادى. تكمك دامىتۋدىڭ نەگىزگى باي مينەرالدى-شيكىزات بازاسى بولىپ تابىلادى. قازاقستان الەمدە تابيعي قورلار بويىنشا 6-ورىندى الادى، مينەرالدى شيكىزاتتى ٴوندىرۋدىڭ جالپى كولەمى بويىنشا (مۇناي-گازسىز) 10-ورىندى جانە جان باسىنا شاققاندا پايدالى قازبالاردى ٴوندىرۋ بويىنشا ٴۇشىنشى ورىندى يەلەنەدى. سالا مىس، ۋران، تيتان، فەرروقورىتپا جانە پوليمەتالدار الەمدىك نارىعىندا ۇسىنىلعان جانە ايماقتىق تەمىر، كومىر جانە اليۋمينيي نارىعىنا ايتارلىقتاي اسەر ەتەدى. سونىمەن قاتار، بۇگىنگى كۇندە نەگىزگى ستراتەگيالىق مىندەت – ەلدەگى شيكىزاتتى بارىنشا وڭدەۋ، سونداي-اق جوعارى قايتا قورىتۋعا كوشۋ. بۇل مىندەتتەر مەملەكەتتىك يندۋستريالىق-يننوۆاسيالىق دامۋ باعدارلاماسى اياسىندا جۇزەگە اسىرىلادى، وندا وڭدەۋ ونەركاسىبىنىڭ باسقا دا سالالارمەن بىرگە قارا جانە ٴتۇستى مەتاللۋرگيا ەكونوميكانىڭ باسىم سەكتورى بولىپ انىقتالادى. بۇگىنگى تاڭدا ٴبىز 2010 جىلدان باستاپ ەكسپورتقا بازالىق مەتالداردى ٴوندىرۋدى ارتتىرا الدىق، سونداي-اق، جاڭا ٴونىم تۇرلەرىن شىعارۋدى باستادىق دەپ ايتا الامىز"، - دەدى جەڭىس قاسىمبەك.

سونداي-اق، قاسىمبەك مىرزانىڭ ايتۋىنشا، ەلدەگى تكمك دامۋىنا قولايلى ينۆەستيسيالىق احۋال ىقپال ەتەدى. وسى سوزدەردىڭ دالەلى – ىشكى نارىقتاعى ويىنشىلاردىڭ - glencore، arcelormittal، posco، tenaris، ەۆرازحولدينگ، polymetal جانە باسقالاردىڭ بەلگىلى سالالاردا الەمدىك كوشباسشىلارمەن ىنتىماقتاستىعى.

"وتكەن جىلدىڭ اياعىندا باتىس اۆستراليالىق ۇلگىگە كوشۋ ماقساتىندا جەر قويناۋى جانە جەر قويناۋىن پايدالانۋ تۋرالى جاڭا كودەكستىڭ ەنگىزىلۋى ماڭىزدى باستاما بولدى. جاڭا كودەكستە سالانى مەملەكەتتىك رەتتەۋدىڭ اشىق جانە ايقىن ادىستەرىمەن، گەولوگيالىق اقپاراتقا قولجەتىمدىلىكتى، ۇلتتىق ستاندارتتاردى جاھاندىق دەڭگەيدە ۇيلەستىرۋدى قامتاماسىز ەتۋدە ۇزدىك حالىقارالىق تاجىريبەلەر ەنگىزىلدى. بۇل قۇجات الەمدىك تاجىريبە كورسەتكەندەي، شەتەلدىك ينۆەستورلاردى، سونىڭ ىشىندە 60 پروسەنتتەن استام جاڭا كەن ورىندارىن اشىپ جاتقان يۋنيور كاسىپورىنداردى تارتۋعا باعىتتالعان"، - دەدى مينيستر.

سۋرەت: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي