BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قمدب وسكەمەن وكىلدىگى ەلباسى جولداۋىن قولداۋ جيىنىن وتكىزدى

قمدب-نىڭ وسكەمەن ايماعى وكىلدىگى ەلباسى ن.نازاربايەۆتىڭ قازاقستان حالقىنا جولداۋىن تالقىلادى. ٴىس-شارا ا.پۋشكين اتىنداعى شىعىس قازاقستان وبلىستىق كىتاپحاناسىندا ٴوتتى.

شقو «حاليفا التاي» مەشىتىنىڭ ٴباسپاسوز قىزمەتىنىڭ حابارلاۋىنشا، باسقوسۋعا وسكەمەن قالاسىنداعى مەشىتتەردىڭ يمامدارى مەن ۇستازدارى، وبلىستىق مەشىتتە ٴبىلىم الىپ جۇرگەن اۋدانداردان كەلگەن شاكىرتتەر قاتىستى.

«ەلباسىمىز بيىلعى جولداۋىندا ەلىمىزدىڭ جارقىن بولاشاقتاعى دامۋ جولىن ايقىنداپ بەردى. جولداۋ قوعامنىڭ بارلىق سالاسىن قامتىپ وتىر. وعان ات سالىسۋ، ٴبىزدىڭ پارىزىمىز. ەلباسىمىز ٴوز جولداۋىندا تاتۋلىق پەن تۇراقتىلىقتىڭ ەل دامۋىندا ماڭىزدى ەكەندىگىن باسا ايتتى. ٴبىز قوعامداعى تاتۋلىقتى ساقتاۋدا ٴوز ۇلەسىمىزدى قوسا وتىرىپ، ىزگىلىك قاعيداتتارىن ناسيحاتتايمىز. اسىرەسە جولداۋداعى 5 باسىم باعىتتاردى جۇزەگە اسىرۋعا ٴۇن قوسامىز. ەلباسىمىز جولداۋىندا عىلىمنىڭ دامۋىنا ىلەسۋ، جاھاندىق باسەكەگە قابىلەتتى بولۋ، تىڭ جاڭالىقتار اشۋ قاجەتتىگىن اتاپ ايتتى. قاسيەتتى قۇراندا دا جانە پايعامبارىمىزدىڭ (س.ع.س) وسيەتتەرىندە دە عىلىم يگەرۋ، جەتىلۋدىڭ ماڭىزدىلىعى ايىرىقشا اتىلىپ، بىرنەشە مارتە ايقىن كورسەتىلگەن» دەي كەلە، «ٴتورتىنشى باسىمدىق – ادامي كاپيتال ساپاسىن جاقسارتۋداعى ، ٴبىلىم بەرۋ جۇيەسىنىڭ ٴرولى وزگەرۋگە ٴتيىس. ٴبىزدىڭ مىندەتىمىز – ٴبىلىم بەرۋدى ەكونوميكالىق ٴوسۋدىڭ جاڭا مودەلىنىڭ ورتالىق بۋىنىنا اينالدىرۋ. وقىتۋ باعدارلامالارىن سىني ويلاۋ قابىلەتىن جانە ٴوز بەتىمەن ىزدەنۋ داعدىلارىن دامىتۋعا باعىتتاۋ قاجەت» دەگەن ەلباسى تاپسىرماسىن قاسيەتتى قۇرانداعى ٴبىلم يگەرۋ، تالپىنۋ تۋرالى وسيەتتەرمەن، ارداقتى پايعامبارىمىزدىڭ (س.ع.س) حاديستەرىمەن ورنەكتەپ، كوركەم تۇردە جەتكىزدى.

سونىمەن قاتار شارادا جاس عالىم ٴادىل سايلاۋ قاتىسىپ، ەلباسى جولداۋىنان ارنايى بايانداما جاسادى.

ەلباسى جولداۋىن ناسيحاتتاۋ شاراسىنا ارنايى كەلگەن عالىم ٴا. سايلاۋ مىرزاعا، شارانى ۇيىمداستىرۋعا قولداۋ بىلدىرگەنى ٴۇشىن كىتاپحانا ۇجىمىنا وكىلدىك تاراپىنان العىس ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي