BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ق.مايگەلدينوۆ: جولداۋ – تاۋەلسىز ەلىمىزدىڭ تۇراقتى دامۋىنا جول اشاتىن تاريحي قۇجات

ەلباسى نۇرسۇلتان نازاربايەۆتىڭ بيىلعى جولداۋى – تاۋەلسىز ەلىمىزدىڭ تۇراقتى دامۋىنا جول اشاتىن، حالقىمىزدىڭ يگىلىگىنە باعىتتالعان، ناقتى ٴىس-جوسپارعا نەگىزدەلگەن تاريحي قۇجات. قر تۇڭعىش پرەزيدەنتى – ەلباسى كىتاپحاناسى گەوساياسي جانە وڭىرلىك زەرتتەۋلەر قىزمەتىنىڭ اعا عىلىمي قىزمەتكەرى قازبەك مايگەلدينوۆ وسىنداي پىكىردە، دەپ حابارلايدى baq.kz.

«بيىلعى جولداۋدىڭ باستى ەرەكشەلىگى – ەلىمىز دامۋدىڭ جاڭا كەزەڭىنە قادام باسقانىن ايشىقتاۋ. ال ونىڭ باستى ماقساتى – «قازاقستان-2050» ستراتەگياسىنىڭ مىندەتتەرىن جۇزەگە اسىرۋ. ەلباسى اتالمىش ستراتەگيالىق باستاما «100 ناقتى قادام» ۇلت جوسپارىنىڭ نەگىزىندە ورىندالاتىنىن قاداپ ايتتى.

جولداۋداعى بەس نەگىزگى باسىمدىققا باسا نازار اۋدارۋ قاجەت. ونىڭ ىشىندە ەلباسىنىڭ ۇكىمەتكە «ساندىق قازاقستان» باعدارلاماسىن ازىرلەۋ تاپسىرماسى نەرەكشە اتاپ وتكەن ٴجون. بۇل تۇرعىدا جاڭا وندىرىستەردى قالىپتاستىرۋدىڭ ماڭىزدى ٴبىر شارتى – يننوۆاسيالاردى قامتاماسىز ەتۋ. سول سەبەپتى ۇدەمەلى يندۋستريالدى-يننوۆاسيالىق دامۋ باعدارلاماسى شەڭبەرىندە ٴوندىرىس قۋاتتارىن ەسەلەۋ ايرىقشا ماڭىزعا يە.

شىنتۋايتىندا، جولداۋدا يندۋستريالدى-يننوۆاسيالىق دامۋ، شاعىن جانە ورتا كاسىپتى، اگروونەركاسىپتىك كەشەندى، ٴبىلىم مەن عىلىمدى وركەندەتۋ باسىمدىققا يە ەكەندىگى ٴسوزسىز.

ەلباسىمىز نۇرسۇلتان نازاربايەۆتىڭ بيىلعى جولداۋى – تاۋەلسىز ەلىمىزدىڭ تۇراقتى دامۋىنا جول اشاتىن، مەملەكەتىمىزدىڭ بارلىق سالاسىنا سەرپىن بەرەتىن، حالقىمىزدىڭ يگىلىگىنە باعىتتالعان، ناقتى ٴىس-جوسپارعا نەگىزدەلگەن تاريحي قۇجات»، - دەپ اتاپ ٴوتتى ول.

ەستەرىڭىزگە سالىپ وتسەك، 31 قاڭتار كۇنى بۇقارالىق اقپارات قۇرالدارىندا مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا ارناعان جولداۋى جاريالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي