BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

مارينا پيسارەنكو: بىرنەشە ٴتىلدى مەڭگەرۋ – ۋاقىت تالابى

مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى قىزىلجار حالقىنىڭ قىزۋ قولداۋىنا يە بولدى. ەلباسى قازاق ٴتىلىنىڭ باسىمدىعىن ساقتاي وتىرىپ، الەمدىك وركەنيەتكە ەسىك اشاتىن اعىلشىن ٴتىلىن مەڭگەرۋ كەرەكتىگىن قاداپ ايتتى، دەپ حابارلايدى baq.kz ٴتىلشىسى.

بۇگىننىڭ وزىندە قىزىلجاردا بىرنەشە ٴتىلدى بىلەتىن جاستار كوبەيىپ كەلەدى. سولاردىڭ ٴبىرى پوليسيا لەيتەنانتى مارينا پيسارەنكو.

«مەن قاراپايىم اۋىلدان شىققانىمدى ماقتان ەتەمىن. بەيبىتشىلىك پەن كەلىسىم – ٴبىزدىڭ ەلدىڭ باستى قازىناسى. وسى قۇندىلىقتى ساقتاۋعا از دا بولسا ٴوز ۇلەسىمدى قوسۋ – مەن ٴۇشىن زور مارتەبە. ٴبىز، جاس ۇرپاق ەگەمەن ەلدە دۇنيەگە كەلدىك. قازاقستان رەسپۋبليكاسىندا تۋىپ-وسكەنىمدى ماقتان ەتەمىن! ەلىمىزدىڭ ٴار تۇرعىنى ٴۇشىن بارلىق جاعداي جاسالعان. جاستار وتاندىق جانە شەتەلدىك جوعارى وقۋ ورىندارىنا الەمدىك ستاندارتتارعا ساي ساپالى ٴبىلىم الا الادى. ەلباسىنىڭ باستاماسىمەن بيىلعى جىلى جاستار ٴۇشىن تەگىن كاسىپتىك-تەحنيكالىق ٴبىلىم بەرۋ جوباسى ىسكە اسىرىلۋدا. مەملەكەت ٴبىز ٴۇشىن جاڭا جۇمىس ورىندارىن اشىپ جاتىر»، – دەيدى ول.

ەلباسى حالىققا ارنالعان بيىلعى جولداۋىندا «قازاق ٴتىلىنىڭ باسىمدىعى ساقتالادى. ونىڭ ٴارى قاراي داۋىنا زور كوڭىل بولىنەدى. سونىمەن قاتار، بۇگىندە اعىلشىن ٴتىلى – جاڭا تەحنولوگيا، جاڭا يندۋستريا، جاڭا ەكونوميكا ٴتىلى. اعىلشىن ٴتىلىن مەڭگەرمەي، قازاقستان جالپى ۇلتتىق پروگرەسكە جەتە المايدى» دەپ ٴدوپ باسىپ ايتقان بولاتىن.

«ٴححى عاسىردا باسەكەگە توتەپ بەرۋ ٴۇشىن ٴوز ٴىسىڭنىڭ شەبەرى بولۋ جەتكىلىكسىز. بىرنەشە ٴتىلدى مەڭگەرۋ – ۋاقىت تالابى. مەن ٴتورت تىلدە ەركىن سويلەي الامىن. ورىس ٴتىلى – تۋعان ٴتىلىم، ول مەنىڭ بويىما انا سۇتىمەن دارىدى. قازاق ٴتىلى – وتانىمنىڭ، حالقىمنىڭ، پرەزيدەنتىمنىڭ ٴتىلى، ال اعىلشىن جانە نەمىس تىلدەرىن قاراپايىم اۋىل مەكتەبىندە مەڭگەردىم»، – دەپ مارينا پيسارەنكو ٴوز ويىن تازا قازاق تىلىندە جەتكىزدى.

ەلباسى نۇرسۇلتان نازاربايەۆتىڭ «قازاقستان – جاس، كوپ ۇلتتى، بولاشاعىنا سەنىمدى جانە قارقىندى دامىپ كەلە جاتقان مەملەكەت! ٴبىز تاۋەلسىز قازاقستاننىڭ 25 جىلدىق دامۋ جولىنان وتتىك. الداعى 25 جىلدا بۇدان دا بيىك بەلەستەر كۇتىپ تۇر. مەملەكەت قۇرۋ جولىندا تەڭدەسسىز، مول تاجىريبە جيناپ، جاڭا كەزەڭگە قادام باسىپ وتىرمىز. الدىمىزدا قانداي قيىندىقتار كەزدەسسە دە، ولاردى ەڭسەرە الامىز. ٴبىزدىڭ باستى كۇشىمىز – بىرلىكتە»، – دەگەن سوزدەرىن پوليسيا لەيتەنانتى مارينا پيسارەنكو تولىقتاي قۇپتاپ وتىر.

جانە وتانىمىزدىڭ بۇدان دا وسىپ-وركەندەگەن ەلگە اينالۋى جولىندا ەرىنبەي ەڭبەك ەتپەك.

ەلميرا كالەنوۆا

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي