BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا قازاقستاندى ٴۇشىنشى جاڭعىرتۋ يدەياسىن تولىق قولدايدى

قازاقستان حالقى اسسامبلەياسى قازاقستاندى ٴۇشىنشى جاڭعىرتۋ يدەياسىن تولىق قولدايدى، دەپ حابارلايدى baq.kz.

قر پرەزيدەنتى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىن قولداۋ تۋرالى قازاقستان حالقى اسسامبلەياسىنىڭ ۇندەۋى

قۇرمەتتى وتانداستار!

بۇگىن پرەزيدەنت نۇرسۇلتان ٴابىش ۇلى نازاربايەۆتىڭ قازاقستان حالقىنا اسا ماڭىزدى جولداۋى جاريالاندى.

مەملەكەت باسشىسى كۇن تارتىبىنە قازاقستاننىڭ ٴۇشىنشى جاڭعىرۋى جونىندە مىندەت قويدى. ماقساتى - ەلدىڭ جاھاندىق باسەكەگە قابىلەتتىلىكتى قامتاماسىز ەتۋ، ەكونوميكالىق ٴوسىمنىڭ جاڭا مودەلىن قۇرۋ.

مەملەكەت باسشىسى، «بۇل جاڭعىرۋ – قازىرگى جاھاندىق سىن-قاتەرلەرمەن كۇرەس جوسپارى ەمەس، «100 ناقتى قادام» ۇلت جوسپارى نەگىزىندە «قازاقستان-2050» ستراتەگياسىنىڭ ماقساتتارىنا، بولاشاققا باستايتىن سەنىمدى كوپىر» - دەدى.

پرەزيدەنتتىڭ جولداۋى قازاقستاننىڭ ٴاربىر ازاماتىنىڭ ٴومىر ساپاسىن ارتتىراتىنى ٴسوزسىز!

پرەزيدەنت ٴۇشىنشى جاڭعىرۋدىڭ نەگىزگى بەس باسىمدىعىن ايقىنداپ بەردى - ەكونوميكانىڭ جەدەلدەتىلگەن تەحنولوگيالىق جاڭعىرۋى; ٴداستۇرلى بازالىق سالالاردى دامىتۋعا سەرپىن بەرۋ; ەڭبەك نارىعىن جاڭعىرتۋ، ماكروەكونوميكالىق تۇراقتىلىق; ادامي كاپيتال ساپاسىن جاقسارتۋ; ينستيتۋسيونالدىق وزگەرىستەر، قاۋىپسىزدىك جانە سىبايلاس جەمقورلىقپەن كۇرەس.

بۇل باسىمدىقتار ەكونوميكانىڭ الەمدىك ٴوسىمىنىڭ ورتا دەڭگەيدەن جوعارى قارقىنىن قامتاماسىز ەتۋگە جانە 30 وزىق ەلدىڭ قاتارىنا قاراي ىلگەرىلەۋدى قامتاماسىز ەتەدى.

بۇل ماقساتتارعا جەتۋ ٴۇشىن «قازاقستاننىڭ ۇلتتىق تەحنولوگيالىق باستاماسى» دەپ اتالاتىن 2025 جىلعا دەيىنگى دامۋدىڭ ستراتەگيالىق اۋقىمدى جوسپارى ازىرلەنەدى.

حالىقتىڭ تۇرمىسىنا «سيفرلىق قازاقستان»، it-ستارتاپتاردىڭ حالىقارالىق تەحنوپاركى سياقتى يننوۆاسيالار قولدانىسقا ەنگىزىلەدى.

ۇكىمەتتىڭ الدىنا 2025 جىلعا قاراي شيكىزاتتىق ەمەس ەكسپورتتى 2 ەسەگە ۇلعايتۋ مىندەتى قويىلدى.

قازاقستاننىڭ اگروونەركاسىبى ەۋرازيا كونتينەنتىنىڭ «نان كارزەڭكەسىنە» اينالادى، 5 جىل ىشىندە 500 مىڭنان استام جەكە ٴۇي شارۋاشىلىقتارى مەن شاعىن فەرمەرلەر كووپەراتيۆتەرگە بىرىكتىرىلەدى، سۋارمالىەگىس الاڭدارى 5 جىل ىشىندە 40%-عا ارتىپ، 2 ميلليون گەكتارعا جەتەدى.

ەڭبەك نارىعى جاڭعىرتىلىپ، جۇمىس كۇشى ارتىق وڭىرلەردەن باسقا جەرلەرگە، سونداي-اق، اۋىلداردان قالالارعا جۇمىس كۇشىن ۇتىمدى تارتۋعا قولداۋ كورسەتىلەدى.

بيزنەس-ورتانى تۇبەگەيلى جاقسارتۋ جانە كەڭەيتۋ جۇزەگە اسىرىلادى، ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسى 2050 جىلعا قاراي كەم دەگەندە 50% بولۋى قامتاماسىز ەتىلەدى، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى ىسكە اسىرىلادى.

مەملەكەتتىڭ ەكونوميكاداعى ۇلەسى ىشكى جالپى ٴونىمنىڭ 15%-ىنا دەيىن، ەكونوميكالىق ىنتىماقتاستىق جانە دامۋ ۇيىمى (ەىدۇ) ەلدەرى دەڭگەيىنە دەيىن تومەندەتىلەدى، «سامۇرىق-قازىنا» حولدينگىن ساپالى تۇردە ترانسفورماسيالاۋ ٴىسى جۇزەگە اسىرىلادى، مەملەكەت-جەكەمەنشىك سەرىكتەستىگى اياسىن كەڭەيتۋگە زور مۇمكىندىك بەرىلەدى.

ٴبىلىم بەرۋ ادامي كاپيتالدىڭ ساپاسىن جاقسارتۋ اياسىندا ەكونوميكالىق ٴوسۋدىڭ جاڭا مودەلىنىڭ ورتالىق بۋىنىنا اينالادى، «بارشاعا ارنالعان تەگىن كاسىپتىك-تەحنيكالىق ٴبىلىم بەرۋ» جوباسى ىسكە اسىرىلا باستادى.

ٴۇش ٴتىلدى قوعامنىڭ نەگىزگى ىرگەتاسى رەتىندە مەملەكەتتىك ٴتىلدى دامىتۋعا تىڭ سەرپىن بەرىلەدى.

الەۋمەتتىك قامسىزداندىرۋ سالاسىندا 2،1 ميلليون زەينەتكەر ٴۇشىن زەينەتاقى 20%-عا دەيىن، ال 2018 جىلدان باستاپ بازالىق زەينەتاقى 1،8 ەسەگە ارتادى، سونداي-اق بالا تۋىلعاندا بەرىلەتىن ٴبىر رەتتىك جاردەماقى كولەمى 20%-عا وسەدى، ەڭ تومەنگى كۇنكورىس شەگى دە قايتا قاراستىرىلادى، دەنساۋلىق ساقتاۋدىڭ جاڭا مودەلى ەنگىزىلەدى.

قازاقستان حالقىنىڭ قاۋىپسىزدىگىن قامتاماسىز ەتۋ ٴۇشىن، ٴدىني ەكسترەميزم مەن تەرروريزمگە قارسى ارەكەت جونىندەگى 2017-2020 جىلدارعا ارنالعان جاڭا مەملەكەتتىك باعدارلاما دايىندالادى، «قازاقستان كيبەرقالقانى» جۇيەسى قالىپتاستىرىلادى.

مەملەكەت باسشىسى قازاقستاننىڭ جاس، كوپ ۇلتتى، بولاشاعىنا سەنىمدى جانە قارقىندى دامىپ كەلە جاتقان مەملەكەت ەكەنىن، ٴبىزدىڭ باستى كۇشىمىز – بىرلىكتە ەكەنىن ەرەكشە اتاپ ٴوتتى!

قازاقستان حالقى اسسامبلەياسى قازاقستاندى ٴۇشىنشى جاڭعىرتۋ يدەياسىن تولىق قولدايدى!

ٴبىز ۇنەمى العا جىلجي وتىرىپ، ۇلى ماقساتتاردى ىسكە اسىرا وتىرىپ، ماڭگىلىك ەلدىڭ بەرىك ىرگەتاسىن بىرگە قالايمىز!

بولاشاعى ٴبىرتۇتاس ەل - ٴبىزدىڭ ماقساتتارىمىزدىڭ، قۇندىلىقتارىمىزدىڭ بىرلىگىمەن، قوعامدىق كەلىسىمنىڭ كۇشىمەن قالىپتاسادى.

قازاقستاننىڭ ٴۇشىنشى جاڭعىرۋى ساياسي كونستيتۋسيالىق رەفورمانىڭ قيسىندى جالعاسى بولىپ تابىلادى، ەلدى دەموكراتيالاندىرۋدىڭ سەنىمدى ىرگەتاسى، مەملەكەتتىڭ، قوعامنىڭ، قازاقستاننىڭ كوپۇلتتى حالقىنىڭ جاھاندىق تاريحي اۋقىمداعى ەكونوميكالىق جانە ساياسي دامۋىن سينحروندايدى.

ٴۇشىنشى جاڭعىرۋ – قازاقستان دامۋىنىڭ الدىڭعى ونجىلدىقتارعا ارنالعان باعدارلاماسى، بۇل قازاقستاندىق بىرەگەيلىك پەن بىرلىكتى نىعايتۋ مەن دامىتۋدىڭ ەكونوميكالىق جانە الەۋمەتتىك الگوريتمى.

تۇراقتىلىق، بىرلىك جانە كەلىسىم - قازاقستاننىڭ دامۋىنىڭ نەگىزى، ٴۇشىنشى جاڭعىرۋدىڭ نەگىزى.

قازاقستان حالقى اسسامبلەياسى ۇلى دالا ەلىنىڭ بارشا حالقىن قازاقستاننىڭ ٴۇشىنشى جاڭعىرۋىنىڭ ٴبىرىڭعاي الەۋمەتتىك درايۆەرى بولۋعا شاقىرادى.

ٴبىزدىڭ ورتاق جەتىستىگىمىز - ٴار ازاماتتىڭ كۇش-جىگەرىنە، جوعارى ازاماتتىق بورىشى مەن جاۋاپكەرشىلىگىنە بايلانىستى.

ٴبىز، قازاقستان حالقىن، ٴبىزدىڭ بىرلىگىمىزدى، ٴبىزدىڭ ورتاق ازاماتتىق باستاۋلارىمىزدى جانە ٴبىزدىڭ اسىل قاسيەتتەرىمىز - جاۋاپكەرشىلىك، ەڭبەكقورلىق، سەنىم، اشىقتىق جانە ٴوز كۇشىمىزگە دەگەن سەنىمدىلىكتى نىعايتۋعا شاقىرامىز.

ٴبىزدىڭ بالالارىمىز ٴۇشىن، ٴبىرتۇتاس بولاشاعىمىز، حالقىمىزدىڭ وسىپ-وركەندەۋى مەن باقىتى ٴۇشىن قاجەتتى ٴۇشىنشى جاڭعىرتۋ باعدارلاماسىندا ٴاربىر ازامات ٴوز ورنىن تاباتىنى ٴسوزسىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي