BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەكتور وقىتۋشىلاردىڭ جالاقىسىن كوتەرۋدى كوزدەيدى

«ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى» اق باسقارما ٴتوراعاسى اقىلبەك كۇرىشبايەۆ مەملەكەت باسشىنىڭ بيىلعى جولداۋى اياسىندا وقىتۋشىلاردىڭ جالاقىسىن كوتەرۋدى كوزدەيدى، دەپ حابارلايدى قازاقپارات.

«قازىرگى كەزدە ەلباسىنىڭ جولداۋىن ىسكە اسىرۋدىڭ جوسپارى دايارلانىپ جاتىر. ٴبىز وعان ٴۇن قوسۋىمىز قاجەت. كۇنى كەشە ٴبىلىم جانە عىلىم مينيسترلىگىنە، سونداي-اق اۋىل شارۋاشىلىعى مينيسترلىگىنە حات دايىندادىق. سوندا مەملەكەت باسشىسىنىڭ ٴاربىر تاپسىرماسى بويىنشا ٴوز ۇسىنىسىمىزدى جازدىق»، - دەدى كۇرىشبايەۆ بۇگىنگى جيىن بارىسىندا.

ونىڭ ايتۋىنشا، حاتتا كورسەتىلگەن ۇسىنىستاردىڭ ٴبىرى - قازاق اگروتەحنيكالىق ۋنيۆەرسيتەتتىڭ بازاسىندا عىلىمي-زەرتتەۋ ۋنيۆەرسيتەتىن قۇرۋ. سونداي-اق تەحنيكالىق بازانى كۇشەيتۋ ماسەلەسى قاراستىرىلعان.

«ٴۇشىنشى ماسەلە - وقىتۋشىلاردىڭ جالاقىسى. شەتەلدە وقىتۋشىلاردىڭ جالاقىسى جوعارى. دەمەك، ادامنىڭ ەڭبەگى لايىقتى باعالانادى. ارينە، ٴبارى ەل بيۋدجەتىنە بايلانىستى. ٴبىز مەملەكەتتىك گرانتتاردىڭ كولەمىن ۇلتتىق ۋنيۆەرسيتەتتەردىڭ دەڭگەيىنە دەيىن كوتەرۋدى ۇسىنىپ وتىرمىز. شەتەلدىڭ قاي جەرىنە بارساڭ دا، بارلىق جوعارى وقۋ ورىندارىنا تەڭ قارايدى.

ٴسويتىپ، باسەكەلەستىك قىزا تۇسەدى. ال بىزدە ونداي باسەكەلەستىك جوق. سەبەبى ۇلتتىق ۋنيۆەرسيتەتتەرگە بەرىلەتىن گرانتتاردىڭ سوماسى 646 مىڭ تەڭگەگە دەيىن جەتسە، بىزدە 346 مىڭ تەڭگەنى قۇرايدى. سونىڭ سالدارىنان جالاقىنىڭ كولەمى دە تومەن بولادى. ولاي بولعان دۇرىس ەمەس. ٴبىز گرانتتاردىڭ سوماسىن تەڭەستىرۋدى ۇسىنىپ وتىرمىز»، - دەيدى اقىلبەك قاجىعۇل ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي