BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ it سالاسىن دامىتۋعا تولىق مۇمكىندىگى بار – ج.احمەتبەكوۆ

مەملەكەت باسشىسى it سالاسىن دامىتۋ ارقىلى جاڭا يندۋستريالدى ەكونوميكا قۇرۋ مىندەتىن قويدى. بۇل ماقساتقا قول جەتكىزۋگە بولادى. ورتالىق كوممۋنيكاسيالار قىزمەتىندە وتكەن بريفينگتە قكحپ مۇشەسى، قر پارلامەنتى ٴماجىلىسىنىڭ دەپۋتاتى جامبىل احمەتبەكوۆ وسىلاي مالىمدەدى، دەپ حابارلايدى baq.kz ٴتىلشىسى.

«كوممۋنيستەر ەلباسى جولداۋىن ەلىمىزدىڭ تاعى ٴبىر بەلەستى باعىندىرۋعا ارنالعان ستراتەگيالىق جوسپارى دەپ تانيدى. پرەزيدەنت ەلىمىزدىڭ بولاشاق دامۋىن، قازاقستاننىڭ ٴۇشىنشى جاڭعىرۋىن، ياعني مەملەكەت ەكونوميكاسىن دامىتۋدى قازىرگى وزىق زاماننىڭ تەحنولوگياسىن يگەرۋىمەن بايلانىستىردى. الەمنىڭ دامىعان ەلدەرى قازىرگى تاڭدا ٴ4-شى تەحنولوگيالىق توڭكەرىستى باسىنان وتكەرىپ جاتىر. سوندىقتان ەلباسى «سيفرلى يندۋستريانى، it سالاسىن دامىتۋدى جانە وندىرىسكە يننوۆاسيالىق جاڭالىقتى كەڭىنەن تارتۋ ارقىلى مۇلدە جاڭا يندۋستريالدى ەكونوميكا جاساۋ مىندەتىن قويدى»، - دەدى ول.

حالىق قالاۋلىسى ەلىمىزدىڭ بۇل سالادا جەتىستىككە جەتۋگە مۇمكىندىگى بار ەكەندىگىن اتاپ ٴوتتى. ونىڭ پىكىرىنشە، وسى ماقساتقا قول جەتكىزۋگە ەلىمىزدىڭ جوعارى بىلىكتى كادرلارى كومەكتەسەدى.

«ەكسپو-2017» كورمەسى ارقىلى ەلىمىزگە بولاشاقتىڭ ەنەرگياسى، جاسىل ەكونوميكانىڭ وزىق جوبالارى كەلەدى. ونىمەن بىرگە ەلگە ٴىرى ينۆەستورلار تارتىلادى. وسىنىڭ بارلىعى ەلىمىزدىڭ ەكونوميكاسىن قايتا تۇلەتۋگە مول مۇمكىندىكتەر مەن باسىمدىقتار بەرەدى. بۇل ماقساتقا قول جەتكىزۋگە بولادى. ويتكەنى، قازىرگى تاڭدا مەملەكەتىمىزدە جوعارى تەحنولوگيانىڭ العاشقى جەتىستىكتەرى بار. مىسالى، ول نازاربايەۆ ۋنيۆەرسيتەتى، الاتاۋ يننوۆاسيالىق-تەحنولوگيالىق پاركىنىڭ بازاسى جانە ت.ب. جوو-لار. مۇندا الەمنىڭ ۇزدىك عالىمدارى شاقىرىلىپ، عىلىمي-يننوۆاسيالىق جوبالاردى وتاندىق ماماندار ازىرلەۋدە. ەڭ باستىسى، ٴبىزدىڭ ەلدە ادامي كاپيتال، ياعني جوعارى بىلىكتى ماماندارىمىز بار»، - دەدى دەپۋتات.

سونىمەن قاتار، جامبىل احمەتبەكوۆ اۋىل شارۋاشىلىعىن دامىتۋ ٴۇشىن جۇيەلى جۇمىستار جۇرگىزۋ قاجەتتىگىن العا تارتتى.

«نۇرسۇلتان نازاربايەۆ قازاقستاندى اگرارلى دەرجاۆا دەڭگەيىنە كوتەرۋ مىندەتىن قويىپ وتىر. وعان تولىق مۇمكىندىكتەر بار. قازاق ەلى قاشاندا اگرارلى ەل بولعان. سوندىقتان بۇل سالادا ەلىمىزدىڭ پوتەنسيالى جوعارى. الايدا بۇل سالادا كوپتەگەن جۇمىستار جۇرگىزۋ قاجەت»، - دەدى ول.

ٴسوز سوڭىندا قكحپ مۇشەسى ەلباسىنىڭ بيىلعى جولداۋىندا دا الەۋمەتتىك ماسەلەلەردىڭ نازاردان تىس قالماعاندىعىن باسا ايتتى.

«جولداۋداعى ٴبىزدىڭ تالقىلاعان سالا الەۋمەتتىك قامتاماسىز ەتۋ، دەنساۋلىق ساقتاۋ بولدى. جولداۋدا بۇل ماسەلەلەرگە قاتىستى ناقتى ساندار بەرىلگەن. 2017 جىلعى 1 شىلدەدەن باستاپ، 2،1 ملن زەينەتكەردىڭ زەينەتاقىسى 20%-عا وسەدى. بازالىق زەينەتاقى تاعايىنداۋ جاڭا جۇيەگە اۋىستىرىلادى. سونىڭ ناتيجەسىندە بازالىق زەينەتاقىنىڭ مولشەرى 1،8 ەسەگە ارتادى.

2017 جىلدىڭ 1 شىلدەسىنەن باستاپ بالا تۋعاندا بەرىلەتىن ٴبىر رەتتىك جاردەماقى كولەمى 20%-عا وسىرىلەدى. قازىرگى الەمدىك داعدارىس جاعدايىندا مۇنداي وزگەرىستەر بۇقارانىڭ قىزۋ قولداۋىن تۋعىزدى»، -دەپ تۇيىندەدى ويىن دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي