BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ اگروونەركاسىبىنىڭ بولاشاعى زور

تاۋەلسىز قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆ بۇگىن قازاقستان حالقىنا ٴداستۇرلى جولداۋىن جاسادى. «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» دەپ اتالاتىن تاريحي قۇجات ەلىمىز دامۋدىڭ جاڭا بەلەسىنە كوتەرىلگەنىن بايقاتادى. «الەمدە كەزەكتى، ٴتورتىنشى ونەركاسىپتىك رەۆوليۋسيا باستالدى» دەگەن ەلباسى جاڭعىرتۋدىڭ بەس باسىمدىعىن اتاپ كورسەتتى، دەپ حابارلايدى baq.kz.

وسى بەس باسىمدىقتىڭ ٴتورتىنشىسى اگرارلىق سەكتوردىڭ مىندەتىنە ارنالعان.

«ٴتورتىنشى. اگرارلىق سەكتور ەكونوميكانىڭ جاڭا درايۆەرىنە اينالۋى كەرەك.

قازاقستاننىڭ اگروونەركاسىپ كەشەنىنىڭ بولاشاعى زور.

كوپتەگەن پوزيسيالار بويىنشا ٴبىز الەمدە ٴىرى اگرارلىق ەكسپورتتىق ٴونىم وندىرۋشىلەردىڭ ٴبىرى بولا الامىز. بۇل، اسىرەسە، ەكولوگيالىق تازا تاعامدارعا قاتىستى. «made in kazakhstan» برەندى سونداي ونىمدەردىڭ ەتالونى بولۋعا ٴتيىس.

سونىمەن قاتار، استىق ونىمدەرى بويىنشا ٴبىز ەۋرازيادا «نان كارزەڭكەسى» بولۋىمىز كەرەك. شيكىزات وندىرىسىنەن ساپالى وڭدەلگەن ٴونىم شىعارۋعا كوشۋ قاجەت. تەك سوندا عانا ٴبىز حالىقارالىق نارىقتاردا باسەكەگە قابىلەتتى بولا الامىز.

وسى ماقساتتارعا قول جەتكىزۋ ٴۇشىن ۇكىمەت پەن اكىمدەرگە مىناداي تاپسىرمالار بەرەمىن:

بىرىنشىدەن، سۋبسيديالاردى ٴبولۋ قاعيدالارىن قايتا قاراستىرىپ، بىرتىندەپ ٴونىمدى ساقتاندىرۋعا كوشۋ قاجەت;

ەكىنشىدەن، بەس جىل ىشىندە 500 مىڭنان استام جەكە ٴۇي شارۋاشىلىقتارى مەن شاعىن فەرمەرلەردى كووپەراتيۆتەرگە تارتۋعا مۇمكىندىك بەرەتىن جاعداي جاساۋ كەرەك;

ۇشىنشىدەن، ٴونىمنىڭ وڭدەۋ ساپاسىن جاقسارتىپ، تاۋارلاردى ساقتاۋدىڭ، تاسىمالداۋدىڭ جانە وتكىزۋدىڭ ٴتيىمدى جۇيەسىن قۇرۋ قاجەت;

تورتىنشىدەن، ەڭبەك ونىمدىلىگىن بەلسەندى تۇردە ارتتىرىپ، ٴوندىرىس شىعىندارىن تومەندەتۋ كەرەك;

بەسىنشىدەن، جەردى پايدالانۋ تيىمدىلىگىن ارتتىرۋعا ٴتيىسپىز. سۋارمالى ەگىس الاڭىن 5 جىل ىشىندە 40%-عا كەڭەيتىپ، 2 ميلليون گەكتارعا جەتكىزۋ قاجەت;

التىنشىدان، وندىرىستە سۇرانىسقا يە اگرارلىق عىلىمي زەرتتەۋلەرگە سالىناتىن ينۆەستيسيا كولەمىن ارتتىرۋ كەرەك.

اۋىل شارۋاشىلىعىن ٴارتاراپتاندىرىپ، 2021 جىلعا قاراي ازىق-تۇلىك تاۋارى ەكسپورتىن 40%-عا كوبەيتۋدى تاپسىرامىن.

بۇل مىندەتتەر اگروونەركاسىپ كەشەنىن دامىتۋدىڭ جاڭا مەملەكەتتىك باعدارلاماسى اياسىندا ىسكە اسىرىلۋى قاجەت» - دەدى ەلباسى ٴوز جولداۋىندا.

ەستەرىڭىزدە بولسا، بۇگىن ەلباسى باق ارقىلى ٴداستۇرلى حالىققا جولداۋىن جاساعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي