BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا وقۋشىلاردى ىشكى تۋريزم ارقىلى تاربيەلەۋگە ارنالعان فورۋم ٴوتتى

«رۋحاني جاڭعىرۋ» باعدارلاماسى اياسىندا استانادا جاس ساياحاتشىلاردىڭ «جالىن» پاتريوتتىق قوزعالىسى ٴوتتى. ەكپەديسيالىق ىزدەستىرۋ وتريادتارىنىڭ قالالىق فورۋمىنا 400-گە جۋىق وقۋشى قاتىستى، دەپ حابارلايدى baq.kz ٴتىلشىسى.

اتالعان شارانىڭ نەگىزگى ماقساتى – بالالار مەن جاسوسپىرىمدەردى ۇلتتىق جانە جالپى ادامزاتتىق قۇندىلىقتار نەگىزىندە تاربيەلەۋ; ٴتۋريزمنىڭ مادەنيەتى مەن زاڭدىلىقتارىن، ىشكى ٴتۋريزمنىڭ مۇمكىندىكتەرىن پايدالانۋ جانە ٴتۇرلى جورىقتاردى ۇيىمداستىرۋ ارقىلى وقۋشىلاردىڭ جەكە تۇلعاسىن قالىپتاستىرۋ. فورۋم ەكىنشى جىل قاتارىنان ۇيىمداستىرىلىپ وتىر. پاتريوتتىق قوزعالىسقا استانا قالاسى بويىنشا قاتىسامىن دەگەن بارلىق مەكتەپ، ليسەي، كوللەدج وقۋشىلارى شاقىرىلعان.

جاس ساياحاتشىلارعا ارنالعان «ولكەتانۋ» ستانسياسى جۇمىس ىستەيدى. بالالار جىل سايىن تانىمدىق ەكسپەديسيالارعا شىعادى. ەكپەديسياعا بارۋ تەگىن، قارجىلاندىراتىندار بار. ساياحاتتان كەلگەن بالالار وزدەرىنىڭ كورگەن، بىلگەندەرى بويىنشا ەسەپ بەرەدى. ستانسيانىڭ وزىندە 17 باعىتتا ٴارتۇرلى تەگىن ۇيىرمە جۇمىس ىستەيدى.

«ٴبىزدىڭ مەكتەپتىڭ وقۋشىلارى 2005 جىلدان باستاپ قازاقستان اۋماعىنداعى ۇلى جىبەك جولىمەن ٴجۇرىپ ٴوتتى. ەكپەديسياعا بارعان ٴار بالا ٴوز جەرىنىڭ تابيعاتىن تانىپ، كيەلى جەرلەرىن، تانىمال تۇلعالارىن بىلە باستادى. ەسكى قالالاردى زەرتتەي وتىرىپ وقۋشىلاردىڭ عىلىمي-پراكتيكالىق جۇمىستارى تۋرالى ماقالالارى جارىق كورىپ، ىلعي جۇلدەلى ورىندى يەلەنىپ كەلە جاتىر. وسى فورۋمدا ٴبىز ٴوزىمىزدىڭ بارعان جەرلەرىمىز تۋرالى اقپارات بەرىپ، پرەزەنتاسيا ارقىلى كوپشىلىكتىڭ الدىندا قورعايمىز. توبىمىزدىڭ اتى، ٴانى، ۇرانى بار. ٴقازىر مۇنداي تەگىن لاگەرلەر جوق»، - دەپ اتاپ ٴوتتى رايىمبەك باتىر اتىنداعى «قازعارىش» مەكتەپ-ليسەيىنىڭ گەوگرافيا ٴپانىنىڭ ٴمۇعالىمى، «ولكەتانۋ» جوباسىنىڭ جەتەكشىسى جاقىپوۆ قابانباي بەكەت ۇلى.

فورۋم سوڭىندا قاتىسۋشىلارعا ماقتاۋ قاعازدارىمەن قوسا جۇلدەلى ورىن يەگەرلەرىنە سىيلىقتار بەرىلدى. ەكسپەديسيانىڭ 1-2-كەزەڭدەرى بويىنشا جەڭىمپازدار انىقتالدى: 1-ورىنعا №16 ورتا مەكتەبى، 2-ورىنعا №32 مەكتەپ-گيمنازياسى، 3-ورىنعا استانا قالاسىنداعى №50 مەكتەپ-ليسەيىنىڭ وقۋشىلارى يە بولدى.

«ٴبىز ٴوزىمىزدىڭ جەتەكشىمىزبەن ۇلان-بايتاق، تاريحى تەرەڭ سان-الۋان جەرلەرگە باردىق. مىسالى، سايرام، قاراشاش انا، يبراگيم اتا كەسەنەلەرى، وتىرار، تۇركىستان، قازىعۇرت تاۋى، ۇلىتاۋ، شارىن شاتقالى، شىمكەنت، ەرەيمەنتاۋ، ٴۇستىرت جانە تاعى باسقا كوپتەگەن جەردە بولدىق. وسى جەرلەردى زەرتتەپ قانا قويماي، تاريحىن تەرەڭ ٴتۇسىنىپ، كوپتەگەن قىزىقتى مالىمەتپەن تانىستىق. ٴبىز حالقىمىزدىڭ ەتنو-مادەنيەتىن الەمدىك دەڭگەيگە كوتەرگىمىز كەلەدى»، - دەدى №50 مەكتەپ-ليسەيىنىڭ وقۋشىسى ايارۋ قاسىموۆا.

سونداي-اق، ۇيىمداستىرۋشىلاردىڭ ايتۋى بويىنشا، بيىل مامىر ايىندا «رۋحاني جاڭعىرۋ» جوباسى اياسىندا «مەنىڭ وتانىم - قازاقستان» اتتى رەسپۋبليكالىق جارىس وتكىزۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي