BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋدارىلعان «الەۋمەتتىك پسيحولوگيا» جەڭىل-جەلپى وقىلاتىن كىتاپ ەمەس — پروفەسسور ەكسكليۋزيۆ

دەۆيد مايەرس پەن جان تۋەنجدىڭ «الەۋمەتتىك پسيحولوگيا» وقۋلىعىن اۋدارۋعا اتسالىسقان ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى الەۋمەتتىك عىلىمدار فاكۋلتەتىنىڭ الەۋمەتتىك پەداگوگيكا جانە ٴوزىن-وزى تانۋ كافەدراسىنىڭ مەڭگەرۋشىسى، پروفەسسور قاديشا شالعىنبايەۆا بۇل كىتاپتىڭ الەۋمەتتىك پسيحولوگيا سوزدىگىن مولايتۋعا سەپتىگىن تيگىزىپ، وسى سالادا ٴبىلىم الاتىن ستۋدەنتتەرگە تاپتىرماس قۇرال بولاتىنىن ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، ۇلتتىق اۋدارما بيۋروسى قوعامدىق قورىنىڭ پرەزيدەنتى راۋان كەنجەحان ۇلى ۋنيۆەرسيتەت رەكتورى ە.ب. سىدىقوۆقا الەۋمەتتىك پسيحولوگيا وقۋلىعىن قازاق تىلىنە اۋدارۋ بويىنشا ۇسىنىس بىلدىرگەن. الەۋمەتتىك عىلىمدار فاكۋلتەتىندەگى الەۋمەتتىك پەداگوگيكا جانە ٴوزىن-وزى تانۋ كافەدراسىنىڭ وقىتۋشى-پروفەسسورلار قۇرامىمەن كەزدەسىپ، سولاردىڭ اراسىنان 8 وقىتۋشىمەن 2017 جىلدىڭ ماۋسىم ايىندا كەلىسىم-شارت جاسالعان. قىركۇيەكتىڭ 18-ىندە اۋدارمانىڭ تولىق نۇسقاسى ۇلتتىق اۋدارما بيۋروسىنا تاپسىرىلدى.

«ٴبىزدىڭ ۇجىم ٴۇشىن بۇل وقۋلىقتى اۋدارۋ قىزىقتى بولدى. تالاي جىلدىق تاجىريبەسى بار پەداگوگيكا جانە پسيحولوگيا عىلىمدارى سالاسىنداعى عىلىم دوكتورلارى مەن عىلىم كانديداتتارى اعىلشىن تىلىندەگى وقۋلىقتىڭ 12-باسىلىمىن تىكەلەي قازاق تىلىنە اۋدارۋ ارقىلى الەۋمەتتىك پسيحولوگيا سالاسىنداعى «كونفورميزم» سياقتى تانىمال كونسەپسيالاردىڭ; «اگرەسسيا» سياقتى بەلگىلى تەوريالاردىڭ; كلاسسيكالىق ەكسپەريمەنتتەردىڭ، مىسالى، سولومون اش ەكسپەريمەنتى سياقتى جانە ت.ب. كوپتەگەن تىڭ دەرەك پەن زاڭدىلىق تۋرالى بىلىمدەردى وقىرماندارعا امەريكالىق ۇستانىممەن جەتكىزۋگە مۇمكىندىك الدى» - دەدى ول.

شالعىنبايەۆانىڭ ايتۋىنشا، د. مايەرس وقۋلىعىنىڭ مازمۇنى ەرەكشە جانە تاراۋلارى، بولىمدەرى اۆتورلىق وزىندىك ٴبىر مانەردە ورىندالعان.

«ولاي دەيتىن سەبەبىمىز، الەۋمەتتىك ورتادا بايقالاتىن، داميتىن، وزگەرەتىن پسيحيكالىق قۇبىلىستار الدىمەن مىسالدار ارقىلى سيپاتتالادى. وسىدان كەيىن ول تالدانىپ، نەگىزگى ۇعىمدارىنا انىقتاما بەرىلەدى; عالىم-زەرتتەۋشىلەردىڭ ۇستانىمى تانىستىرىلادى; قورىتىندى جاسالادى; ٴتۇرلى ەكسپەريمەنت كەلتىرىلىپ، تۇسىندىرىلەدى; دەرەككوزدەرگە سىلتەمە جاسالادى; بەينەلىك سۋرەت-كەستە-سىزبالار; تاپسىرما-سۇراقتار; قورىتىندى دا قامتىلادى»، - دەدى اۋدارماشى.

ونىڭ سوزىنشە، اۋدارما بارىسىندا ازداپ قيىندىقتار كەزدەسكەن. مىسالى، اۋدارعان ماتەريالدى ادەبي رەداكتورلار تەكسەرگەندە ولار ادەبي تىلگە بۇرمالاپ، اۋدارمانىڭ عىلىمي مازمۇنى كەلمەي جاتاتىن تۇستارى بولدى.

«وسى تۇرعىدان كەلگەندە ٴبىزدىڭ عالىمدار اۋدارمانىڭ عىلىمي مازمۇنىنا ايرىقشا ٴمان بەردى جانە ۇعىمداردىڭ دۇرىس بولۋىنا كوڭىل ٴبولدى. سونىمەن قاتار، بىزگە ۇسىنىلعان بۇل عىلىمي وقۋلىقتىڭ مازمۇنىنداعى پسيحولوگيالىق كەيبىر تەرميندەردىڭ ادەبي سينونيمدەر سەكىلدى ٴتۇرلى ماعىناسى بولاتىنى دا ەسكەرىلدى. مىسالى، «سەنىم» مەن «يلانۋ»; «كوندىگۋ» مەن «مويىنسۇنۋ»، «سەندىرۋ» ٴوزارا ماعىنالاس بولعانىمەن، بۇل تۇلعا ەرەكشەلىكتەرىنىڭ زاڭدىلىقتارىنا، مەحانيزمدەرىنە بايلانىستى تۇرلىشە انىقتالادى. سوندىقتان الەۋمەتتىك پسيحولوگيا عىلىمىنا جاڭا تەرميندەردىڭ ەنۋى دەپ ٴتۇسىنىپ، سوزدىك قوردىڭ مولايۋىنا سەپتىگىن تيگىزدى دەپ تولىق ايتۋعا بولادى»، - دەدى پروفەسسور.

ول «الەۋمەتتىك پسيحولوگيا» جەكە ٴپان رەتىندە جوو-دا وقىتىلسا دا، ٴبىراق وسىعان دەيىن قازاق تىلىندە الەۋمەتتىك پسيحولوگيا بويىنشا 2-3 شاعىن عانا وقۋ قۇرالدارى بولماسا، وسىنداي اۋقىمدى وقۋلىق بولماعانىن اتاپ ٴوتتى. 2018 وقۋ جىلىنان 688 بەتتەن تۇراتىن، مازمۇنىندا الەمدىك ماڭىزى بار الەۋمەتتىك پسيحولوگيا تەوريالارى، دەرەكتەرى مەن دايەكتەرى بار د. مايەرس وقۋلىعىنىڭ قازاق تىلىندەگى نۇسقاسى ٴبىلىم الۋشىلارعا، عالىمدارعا، قىزىعۋشىلىق تانىتقان تۇلعالارعا قولجەتىمدى بولماق.

«ەلباسى ن.ٴا. نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلاماسىنىڭ ٴبىر مىندەتى گۋمانيتارلىق ٴبىلىمنىڭ بارلىق باعىتى بويىنشا الەمدەگى ەڭ جاقسى 100 وقۋلىقتى ٴارتۇرلى تىلدەن قازاق تىلىنە اۋدارۋ بولاتىن. مىنە وسى مىندەتتى جۇزەگە اسىرۋ ارقىلى بولاشاق ماماندارعا دۇنيەجۇزىندەگى تاڭداۋلى ۇلگىلەردىڭ نەگىزىندە ٴبىلىم الۋعا مۇمكىندىك بەرەدى. سونىمەن قاتار، ولاردىڭ الەمدىك باسەكەگە نەعۇرلىم بەيىمدەلۋىن، اشىقتىق پەن پراگماتيزم سياقتى قوعامدىق ساناسىن جاڭعىرتۋدىڭ نەگىزگى قاعيدالارىن ورنىقتىرۋعا ۇلكەن سەپتىگىن تيگىزەدى. بۇل وقۋلىقتاعى ٴبىلىمدى مەڭگەرۋگە ساباقتاستىق قاجەت ەكەنىن ەسكەرتۋىمىز كەرەك. ياعني، وقۋلىقتى ٴ1-شى بەتىنەن باستاپ وقىعانمەن، الدىن الا «جالپى پسيحولوگيا»، «جاس ەرەكشەلىك پسيحولوگياسى»، «تۇلعا پسيحولوگياسى» تۋرالى تۇسىنىگى بولماعان وقىرمانعا د. مايەرستىڭ وقۋلىعى وقۋعا جەڭىل-جەلپى كىتاپ بولما قويمايدى. كەيبىر ادامدار اۋدارىلۋىنا، رەداكسياسىنا سىن ايتۋى دا مۇمكىن. بۇل عىلىمي ەڭبەك، بولاشاق ماماندارعا ارنالعان وقۋلىق ەكەندىگىن ەسكەرۋ كەرەك»، - دەدى پروفەسسور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي