BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى وبلىسىنىڭ مەسەناتتارى «رۋحاني جاڭعىرۋ» جوبالارىنا 5 ملرد سالادى

«رۋحاني جاڭعىرۋ» باعدارلاماسىن قاراعاندى وبلىسىندا ىسكە اسىرۋدىڭ ٴبىرىنشى جىلىنىڭ قورىتىندىسى تۋرالى ورتالىق كوممۋنيكاسيالار قىزمەتى ٴباسپاسوز كونفەرەنسياسىندا ٴوڭىر باسشىسى ەرلان قوشانوۆ باياندادى، دەپ حابارلايدى baq.kz اقپارات اگەنتتىگى.

وبلىس اكىمى جارتى جىل بۇرىن ۇلتتىق دەڭگەيدەگى مۇنداي اۋقىمدى جوبانىڭ ٴمانىن قازاقستاندىقتاردىڭ ٴبارى بىردەي تۇسىنە بەرمەگەنىن، الايدا از ۋاقىتتىڭ ىشىندە ول ناقتى نۇسقاسىنا يە بولعانىن ايتىپ ٴوتتى. بۇگىنگى كۇنى قاراعاندى وبلىسىندا باعدارلامادا بەكىتىلگەن بارلىق التى ارنايى جوبا بويىنشا بەلسەندى جۇمىس جۇرگىزىلىپ جاتىر.

ماسەلەن، وڭىردە ٴارتۇرلى 456 جوبا جاسالعان، ولاردىڭ جارتىسى ەندىگى ىسكە اسىرىلىپ قويعان. مالىمدەلگەن جوبالاردىڭ جالپى قۇنى 13 ميللياردتان اسا تەڭگە، ونىڭ ىشىندە شامامەن 5 ملرد – دەمەۋشىلەر مەن مەسەناتتار ەسەبىنەن.

باعدارلاما شەڭبەرىندە قاراعاندى وبلىسىندا ازاماتتىق باستامالار كۇنى ۇيىمداستىرىلدى، ول ٴوڭىرىمىزدىڭ كەز كەلگەن تۇرعىنىنا ٴومىردىڭ سول نەمەسە باسقا دا سالاسىن قالاي جاقسارتۋعا بولاتىنى تۋرالى ناقتى ۇسىنىستارمەن كەلۋگە مۇمكىندىك بەرەدى. بۇل اكسيا قاراعاندىلىقتاردىڭ ۇلكەن قىزىعۋشىلىعىنا يە بولعانىن ايتا كەتكەن ٴجون. وعان قوسا، تاعى ٴبىر قىزىقتى جوبا ازىرلەنىپ جاتىر – يگى ىستەر كورپوراسياسى ٴموبيلدى قوسىمشاسى، ونىڭ كومەگىمەن كەز كەلگەن ادام قالاۋى بويىنشا تەلەفوننان ناقتى قايىرىمدىلىق جوبالارىنا ازداعان سوما جىبەرە الادى.

ەرلان قوشانوۆ ٴوڭىر تۇرعىندارى پرەزيدەنتتىڭ «تۋعان جەر» باستاماسىن دا نىق سەنىممەن قابىلداعانىن ايتتى.

- بەلسەندىلەر، قوعامدىق ۇيىمدار، بيزنەس-قوعامداستىق وكىلدەرى ىشىنەن شىققان ناعىز ازاماتتار بۇل ۇردىستەن تىس قالعان جوق. ولاردىڭ قاتىسۋىمەن قالالاردا، اۋدان ورتالىقتارىندا جانە اۋىلداردا تەك ٴبىر جىلدىڭ ىشىندە 76 الەۋمەتتىك نىساندار سالىنىپ، جوندەۋدەن ٴوتتى - دەپ ايتتى ٴوڭىر باسشىسى.

ۇلىتاۋداعى ساكرالدى نىساندارعا كىرمە جولدار سالۋ جۇمىسى ٴجۇرىپ جاتىر. تۋريستىك ينفراقۇرىلىمدى جاقسارتۋ ٴۇشىن قۇنى 718 ملن تەڭگە بولاتىن ساپار-ورتالىق سالۋ جوسپارلانعان، ول تۋريستەرگە ٴوڭىر تۋرالى، جولباعىتتار، ورنالاسۋ ورىندارى جانە ت. ب. تۋرالى بارلىق قاجەتتى اقپاراتتى الۋعا مۇمكىندىك بەرەدى. سونىمەن بىرگە، جەكە ينۆەستيسيالار ەسەبىنەن ۇلىتاۋدا ەتنواۋل سالىناتىن بولادى. بۇل جوبانىڭ قۇنى 150 ملن تەڭگەنى قۇرايدى.

بيىلعى جىلى «رۋحاني جاڭعىرۋ» باعدارلاماسى شەڭبەرىندە وبلىستا «جەز كيىك» حالىقارالىق ەتنوستىق مۋزىكا فەستيۆالى وتكىزىلەدى، وعان قىتايدان، مەكسيكادان، پەرۋدەن، تۇركيادان، تاجىكستاننان، پولشادان، فرانسيادان، شوتلانديادان جانە جاپونيادان كەلەتىن توپتار قاتىسادى. ۇلى ويشىل بۇقار جىراۋ قالقامان ۇلىنىڭ 350 جىلدىعىنا ارنالعان سالتاناتقا جان-جاقتى دايىندىق ٴجۇرىپ جاتىر.

وبلىستا تاياۋ كۇندەرى ەلىمىزدەگى العاشقى ۇلى دالا مۇراگەرلەرى فورۋمى ٴوتتى، وعان 4 مىڭنان اسا وقۋشى قاتىستى. بيىلعى وقۋ جىلى بويى قاراعاندى، اتىراۋ، تالدىقورعان نزم مۇعالىمدەرى جەزقازعان- ۇلىتاۋ ٴوڭىرىنىڭ قاراپايىم ورتا مەكتەپتەرىنە ٴوز تاجىريبەلەرىن بەردى. كەلەسى وقۋ جىلىندا جەزقازعان ٴوڭىرىنىڭ مەكتەپتەرى نزم باعدارلاماسى بويىنشا ٴوز بەتىنشە جۇمىس ىستەيتىن بولادى.

ٴوز بايانداماسىن اياقتاي كەلە، ەرلان قوشانوۆ:

- بارلىق ٴىس-شارالار مەن جوبالار، وسىناۋ بارلىق سيفرلار مەن كورسەتكىشتەر سىرتىندا مەسەناتتارىمىزدىڭ، جەرلەستەرىمىزدىڭ ۇلكەن جۇمىسى تۇر. ازاماتتاردىڭ ٴاربىر بالالار الاڭى، ٴاربىر نىسان سىرتىندا ٴتىرى ادام تۇرعانىن ٴبىلۋى كەرەك. ول ادامدار تۋرالى ايتۋ كەرەك. ٴبىزدىڭ وبلىسىمىزدا سونداي جومارت جانداردىڭ وتە كوپ ەكەنى مەنى قۋانتادى. «رۋحاني جاڭعىرۋ» باعدارلاماسى اياسىنداعى جۇمىس جالعاساتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي