BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ق.توقايەۆ جولداۋدى ىسكە اسىرۋ بويىنشا مىندەتتەر قويدى

پارلامەنت سەناتىنىڭ ٴتوراعاسى قاسىم-جومارت توقايەۆ جوعارى پالاتانىڭ بيۋرو وتىرىسىندا پرەزيدەنت نۇرسۋلتان نازاربايەۆتىڭ قازاقستان حالقىنا جولداۋىن ىسكە اسىرۋعا بايلانىستى ٴبىرقاتار مىندەتتەردى العا قويدى، دەپ حابارلايدى قازاقپارات.

ق. توقايەۆ مەملەكەت باسشىسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى ٴوزىنىڭ مازمۇنى جاعىنان ەرەكشە قۇجات ەكەنىن اتاپ ٴوتتى. ٴتوراعا جولداۋدى: «ەكونوميكانى قۇرىلىمدىق جاڭارتۋدىڭ نەگىزگى باعىتتارى ٴدال، ٴارى جان-جاقتى كورىنىس تاپقان، ۇكىمەت، پارلامەنت جانە جالپى قوعامعا ارنالعان جول كارتاسى»، - دەپ اتاپ ٴوتتى.

سەناتور دەپۋتاتتاردىڭ الدىنا جولداۋدى ىسكە اسىرۋ جونىندە ماڭىزدى مىندەتتەر قويدى. ٴبىرىنشى مىندەت - دەپۋتاتتاردىڭ 2-10 اقپانداعى ايماقتارعا ساپارى بارىسىندا، جۇرتشىلىققا قۇجاتتىڭ نەگىزگى ەرەجەلەرىن ٴتۇسىندىرۋ بولىپ تابىلادى. ٴتوراعانىڭ پىكىرىنشە، جولداۋدى زاڭنامالىق قامتاماسىز ەتۋ تۇرعىسىنان سەناتورلارمەن اڭگىمەلەسۋ جۇرتشىلىق ٴۇشىن وتە پايدالى بولادى. ق.توقايەۆتىڭ جولداۋدا بەلگىلەنگەن باسىمدىقتار بويىنشا پالاتا جۇمىسىنىڭ جوسپارىن ۇيلەستىرۋدى - ەكىنشى مىندەت رەتىندە اتاپ ٴوتتى. بيزنەس قۇقىقتارى مەن مۇددەلەرىن زاڭنامالىق تۇرعىدا قامتاماسىز ەتۋگە جانە وسى سالاداعى «اتامەكەن» ۇلتتىق كاسىپكەرلەر پالاتاسى مەن مەملەكەتتىك ٴوزارا ٴىس-قيمىلىنا ارنالعان، 24 اقپانعا جوسپارلانعان پارلامەنتتىك تىڭداۋعا ەرەكشە نازار اۋدارىلادى.

«بۇل تىڭداۋدىڭ تاقىرىبىنىڭ وزىندە پرەزيدەنتتىڭ جولداۋىندا ايتىلعان مىندەتتەر تولىق كولەمدە كورىنىس تاۋىپ وتىر. شارا كەزىندەگى ۇسىنىمدار مەن سويلەنەتىن سوزدەر جولداۋدىڭ نەگىزگى ماسەلەلەرىن ىسكە اسىرۋ تۇرعىسىنان ەگجەي-تەگجەيلى پىسىقتاۋ قاجەت بولادى»، -دەدى ق. توقايەۆ. ٴۇشىنشى مىندەت - قۇجاتتى ىسكە اسىرۋدى زاڭنامالىق تۇرعىدا قامتاماسىز ەتۋ. «بۇل جولداۋدا كاسىپكەرلىكتى قولداۋ، بيزنەس قاۋىمداستىقتاردى ودان ٴارى دامىتۋ ٴۇشىن قاجەتتى جاعداي جاساۋ تۋرالى كوپ ايتىلادى. قازىرگى زاڭنامانى تالداۋعا جانە ۇكىمەتپەن بايلانىسقا ٴدال وسى تۇرعىدان قاراۋ كەرەك»، - دەدى سەنات ٴتوراعاسى.

ق. توقايەۆ سونداي-اق دەپۋتاتتار جۇمىسىنىڭ نەگىزگى باعىتتارىن بەلگىلەدى. پرەزيدەنت جىلدىڭ سوڭىنا دەيىن جەر قويناۋى تۋرالى جاڭا كودەكس قابىلداۋدى جانە سالىق زاڭناماسىنا تۇزەتۋلەر ەنگىزۋدى تاپسىردى. سونداي-اق بانك سەكتورىن ساۋىقتىرۋ مەن كورپوراتيۆتىك باسقارۋدى جاقسارتۋ جونىندەگى شارالاردى زاڭنامالىق تۇردە بەكەمدەۋدى تالاپ ەتەدى. ودان باسقا، اكىمشىلىك جانە قىلمىستىق زاڭنامانى ىزگىلەندىرۋ قاجەت. جولداۋدىڭ ماڭىزدى تۇجىرىمدارى قاتارىندا سەنات ٴتوراعاسى، مەملەكەت باسشىسىنىڭ «ٴبىز جەكە مەنشىكتى قورعاۋعا، قۇقىق ۇستەمدىگىنە جانە بارشانىڭ زاڭ الدىندا تەڭدىگىن قامتاماسىز ەتۋگە باعىتتالعان رەفورمالار جۇرگىزۋدەمىز» دەگەن ٴسوزىن ەرەكشە اتاپ ٴوتتى. «پرەزيدەنت جولداۋىندا العا قويىلعان مىندەتتەردى ۇتىمدى ىسكە اسىرۋ ٴۇشىن بىزگە، دەپۋتاتتارعا بۇل جۇمىسقا شىعارماشىلىقپەن، ٴارى ىسكەرلىكپەن كىرىسۋ كەرەك»، - دەدى ق.توقايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي