BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گ.ەسىمبايەۆا: ٴۇشىنشى جاڭعىرۋ – مەملەكەتىمىزدى دامىتۋ ٴۇشىن بولاشاققا باستايتىن سەنىمدى كوپىر

ٴۇشىنشى جاڭعىرۋ – بۇل مەملەكەتىمىزدىڭ ٴوسۋى مەن الەمنىڭ ەڭ دامىعان 30 مەملەكەتىنىڭ قاتارىنا قوسىلۋى ٴۇشىن بولاشاققا باستايتىن سەنىمدى كوپىر. بۇگىن ورتالىق كوممۋنيكاسيالار قىزمەتىندەگى بريفينگتە قر پارلامەنتى ٴماجىلىسى ٴتوراعاسىنىڭ ورىنباسارى، «نۇر وتان» پارتياسى فراكسياسىنىڭ جەتەكشىسى گۇلميرا ەسىمبايەۆا وسىلاي ٴمالىم ەتتى، دەپ حابارلايدى baq.kz ٴتىلشىسى.

«مەملەكەت باسشىسىنىڭ جىل سايىنعى جولداۋى مەن حالىققا ۇندەۋى قازاقستاننىڭ بۇلجىماس ساياسي داستۇرىنە اينالدى. قازاقستان قوعامى جولداۋدى تاعاتسىزدانا كۇتەدى. بيىلعى جولداۋدا دا ارتتا قالعان ٴبىر كەزەڭنىڭ قورىتىندىسى شىعارىلىپ، الداعى ماقسات-مىندەتتەر ايقىندالدى. وسى ۋاقىتقا دەيىن ەلباسى ايتقانداي، ەكى جاڭعىرۋ كەزەڭى ٴوتتى. بۇرىنعى جولداۋلاردا قابىلدانعان مىندەتتەمەلەردىڭ ارقاسىندا قازىرگى تاڭدا جۇزدەگەن اۋرۋحانا مەن ەمحانا، مىڭداعان مەكتەپ پەن بالاباقشا، ونداعان مىڭ شاقىرىم جاڭا جول، جۇزدەگەن مىڭ شارشى مەتر تۇرعىن ٴۇي، جاڭا كاسىپورىندار مەن جۇمىس ورىندارى تۇرىندە ناقتى كورىنىس تاۋىپ وتىر»، - دەدى گ.ەسىمبايەۆا.

دەپۋتاتتىڭ ايتۋىنشا، قازاقستاننىڭ ٴۇشىنشى جاڭعىرۋى - جاھاندىق باسەكەگە قابىلەتتىلىك تۇرعىسىندا الداعى جاڭعىرتۋلاردىڭ قيسىندى جالعاسى ٴارى پەرسپەكتيۆالىق دامۋى. ٴۇشىنشى جاڭعىرۋ - بۇل مەملەكەتىمىزدىڭ ٴوسۋى مەن الەمنىڭ ەڭ دامىعان 30 مەملەكەتىنىڭ قاتارىنا قارقىندى ەنۋى ٴۇشىن بولاشاققا باستايتىن سەنىمدى كوپىر. ەلباسى جولداۋىندا ول ٴۇشىن قانداي ٴىس-شارالار اتقارىلۋى قاجەت ەكەندىگى كورسەتىلىپ وتىر. وسى رەتتە جاڭا ەكونوميكا سالاسىن قۇرۋ مەن دارىپتەۋ، اسىرەسە، ىت-تەحنولوگيالارعا نەگىزدەلگەن كاسىپورىندار اشۋ كوزدەلىپ وتىر.

«سونىمەن قاتار، بازالىق ەكونوميكالىق سالالاردى جاڭعىرتۋعا ەرەكشە ٴمان بەرىلدى. قازاقستان ٴۇشىن اۋىل شارۋاشىلىعى ەكونوميكانىڭ بازالىق سالاسى سانالادى. بۇگىندە ەلباسى تازا ٴارى تابيعي ونىمدەر مەن تاعامدار شىعارۋ، ونىمەن قازاقستان حالقىن قامتاماسىز ەتۋ جانە ەكسپورتقا شىعارۋ مىندەتىن قويىپ وتىر. مۇنىمەن قوسا، جاپپاي كاسىپكەرلىكتى دامىتۋ، سول ارىلى حالىقتى جەمىستى جۇمىسپەن قامتاماسىز ەتۋگە قول جەتكىزۋ ەسكەرىلگەن»، - دەدى ەسىمبايەۆا.

ٴماجىلىس ٴتوراعاسىنىڭ ورىنباسارى بۇل جولداۋدا قازاقستاننىڭ، ونىڭ ىشىندە ٴار ازاماتتىڭ قاۋىپسىزدىگىن قامتاماسىز ەتۋگە باسىم بەرىلىپ وتىرعانىن اتاپ ٴوتتى. ونىڭ ايتۋىنشا، تەك ٴقاۋىپسىز مەملەكەت قانا العا قويىلعان رەفورمالاردى جۇزەگە اسىرا الادى.

«قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋ قازاقستاننىڭ جاڭا دامۋ ٴداۋىرىن ايقىنداپ بەرەتىن نەگىزگى باعدارلامالىق قۇجات. وندا بەلگىلەنگەن بەس باسىمدىقتىڭ ٴاربىرى ەكونوميكا مەن جاپپاي كاسىپكەرىكتى دامىتۋدى كوزدەيدى»، - دەپ قورىتىندىلادى گۇلميرا ەسىمبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي