BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ە.توعجانوۆ: جولداۋدى ۇلى دالا ەلىنىڭ ستراتەگيالىق جوسپارى دەۋگە بولادى

بۇل جولداۋدى ۇلى دالا ەلىنىڭ ەكونوميكالىق، الەۋمەتتىك، تەحنولوگيالىق جانە عىلىمي دامۋىنىڭ ستراتەگيالىق جوسپارى دەۋگە بولادى، دەدى قحا ٴتوراعاسىنىڭ ورىنباسارى حاتشىلىق مەڭگەرۋشىسى ەرالى توعجانوۆ بۇگىن الماتىدا رەسپۋبليكالىق ەتنومادەني بىرلەستىكتەردىڭ جەتەكشىلەرى، قازاقستان حالقى اسسامبلەياسى كەڭەسى مۇشەلەرىنىڭ قاتىسۋىمەن وتكەن جيىندا، دەپ حابارلايدى قازاقپارات.

«نەگىزىنەن، بۇل جولداۋدى ۇلى دالا ەلىنىڭ ەكونوميكالىق، الەۋمەتتىك، تەحنولوگيالىق جانە عىلىمي دامۋىنىڭ ستراتەگيالىق جوسپارى دەۋگە بولادى. مەملەكەت باسشىسى كۇن تارتىبىنە قازاقستاننىڭ ٴۇشىنشى جاڭعىرۋى جونىندە مىندەت قويىپ وتىر. ماقساتى - ەلىمىزدىڭ جاھاندىق باسەكەگە قابىلەتتىلىگىن قامتاماسىز ەتۋ، ەكونوميكالىق ٴوسىمنىڭ جاڭا مودەلىن قۇرۋ»، - دەدى توعجانوۆ بايانداماسىندا.


ونىڭ ايتۋىنشا، بۇل جاڭعىرۋ قازىرگى جاھاندىق سىن-قاتەرلەرمەن كۇرەس جوسپارى ەمەس، «100 ناقتى قادام» ۇلت جوسپارى نەگىزىندە «قازاقستان-2050» ستراتەگياسىنىڭ ماقساتتارىنا، بولاشاققا باستايتىن سەنىمدى كوپىر. «بۇل جولداۋ - قازاقستاندىق بىرەگەيلىك پەن بىرلىكتىڭ، قوعامدىق كەلىسىم مەن تۇراقتىلىقتىڭ ەكونوميكالىق، الەۋمەتتىڭ نىعايۋى مەن دامۋىنىڭ الگوريتمى نەمەسە ٴتيىمدى جولى. پرەزيدەنت ٴۇشىنشى جاڭعىرۋدىڭ نەگىزگى بەس باسىمدىعىن ايقىنداپ بەردى: ەكونوميكانىڭ جەدەلدەتىلگەن تەحنولوگيالىق جاڭعىرۋى، ٴداستۇرلى بازالىق سالالاردى دامىتۋعا سەرپىن بەرۋ، ەڭبەك نارىعىن جاڭعىرتۋ، ماكروەكونوميكالىق تۇراقتىلىق، ادامي كاپيتال ساپاسىن جاقسارتۋ، ينستيتۋسيونالدىق وزگەرىستەر، قاۋىپسىزدىك جانە سىبايلاس جەمقورلىقپەن كۇرەس. بۇل ماقساتتارعا جەتۋ ٴۇشىن «قازاقستاننىڭ ۇلتتىق تەحنولوگيالىق باستاماسى» دەپ اتالاتىن 2025 جىلعا دەيىنگى دامۋدىڭ ستراتەگيالىق اۋقىمدى جوسپارى ازىرلەنەدى»، - دەدى ەرالى توعجانوۆ.


القالى جيىندا باستى بايانداما جاساعان توعجانوۆ: «ناتيجەلى رەفورما جاساۋ بەلگىلى مەرزىمگە نەمەسە جاريالاۋ ۋاقىتىنا بايلانىستى. ەرتە جاريالانسا قوعامنىڭ ٴتۇسىنۋى قيىن، كەش جاريالانسا مەملەكەت دامۋىن تەجەيدى» دەگەن پىكىر ايتتى. «ٴبىزدىڭ مەملەكەت باسشىسىنىڭ ساياسي كورەگەندىگى - وسى ۋاقىت ماسەلەسىن ٴدوپ باسىپ، رەفورمانى مەرزىمى پىسكەن كەزدە جاريالاپ وتىر. ٴبىز 25 جىل ىشىندە كەزەڭ-كەزەڭمەن بۇگىنگى جولداۋ ماقساتتارىنىڭ فۋندامەنتىن قۇراپ كەلدىك. ول، ەڭ الدىمەن، ٴبىزدىڭ بىرلىگىمىز ارقاسىندا جەتكەن جەتىستىكتەرىمىز; ٴبىلىمدى قوعام ينتەلەكتۋالدى ۇلت تاربيەلەۋ; بولاشاعىنا نىق سەنىمدى ٴبىرتۇتاس ۇلت قالىپتاستىرۋ. مىنە وسى نەگىزدەر بۇگىن بىزگە - الدىمىزعا ۇلى مۇرات، بيىك ماقسات قوييۋعا، الەمدىك وركەنيەتتە ٴوزىمىزدىڭ ورنىمىزدى ويىپ الۋعا، ماڭگىلىك ەلدىڭ نەگىزىن قۇراۋعا مۇمكىندىك بەرىپ وتىر»، - دەدى قحا ٴتوراعاسىنىڭ ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي