BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرتەڭ پرەزيدەنتتىڭ قازاقستان حالقىنا جولداۋى جاريالانادى

ەرتەڭ، 31 قاڭتاردا، پرەزيدەنت نۇرسۇلتان نازاربايەۆتىڭ قازاقستان حالقىنا جولداۋى جاريالانادى. بۇل تۋرالى ەلباسى رەسپۋبليكالىق تەلەارنالار ارقىلى ارنايى جاساپ جاتقان مالىمدەمەسىندە جەتكىزدى، دەپ حابارلايدى baq.kz ٴتىلشىسى.

«قاسيتەتتى وتانىمىز تاۋەلسىزدىكتىڭ ٴۇشىنشى مۇشەلىنە اياق باستى. قازاقستان قىسقا مەرزىم ىشىندە كەمەلدەنىپ، قۋات تولىسقان ساقا مەملەكەتكە اينالدى. شيرەك عاسىردا ٴبىز ەلىمىزدى تۇبەگەيلى وزگەرتكەن ەكى جاڭعىرۋدى ىسكە اسىردىق. الدىمەن نارىقتىق ەكونوميكا قاعيدالارىنا نەگىزدەلگەن مۇلدەم جاڭا سيپاتتى مەملەكەت قۇردىق. ەكىنشىدەن، «قازاقستان-2030» ستراتەگياسىن جۇزەگە اسىرىپ، اسقاق استانامىزدى سالدىق. ال ٴقازىر كەزەكتى ماڭىزدى بەلەستىڭ الدىندا تۇرمىز. ەرتەڭ قاڭتاردىڭ وتىز بىرىندە مەنىڭ حالىققا جولداۋىم بۇقارالىق اقپارات قۇرالدارىندا جاريالانادى»، - دەدى ن.نازاربايەۆ.

ەسكە سالا كەتسەك، مەملەكەت باسشىسى 25 قاڭتار بيلىك تارماقتارى اراسىندا وكىلەتتىكتەردى قايتا ٴبولۋ بويىنشا قازاقستان حالقىنا ۇندەۋ جاساعان ەدى. ساياسي رەفورماعا سايكەس، پرەزيدەنتتىڭ الەۋمەتتىك-ەكونوميكالىق پروسەستەردى رەتتەۋدەگى ٴبىرشاما وكىلەتتىكتەرى پارلامەنتكە، ۇكىمەتكە جانە باسقا دا اتقارۋشى ورگاندارعا بەرىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي