BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ەڭ تومەنگى كۇنكورىس دەڭگەيى زامان تالابىنا ساي ەمەس – ٴابىلعازى قۇسايىنوۆ

فوتو: kaz.tengrinews.kz

قر كاسىپوداقتار فەدەراسيا جۇمىسشىلار اراسىندا قازىرگى ەڭ تومەنگى كۇنكورىستىڭ دەڭگەيىنە قاتىستى ساۋالناما جۇرگىزگەن. ناتيجەسىندە جۇمىسشىلاردىڭ ەڭ تومەنگى كۇنكورىس دەڭگەيى زامان تالابىنا ساي ەمەس ەكەنى انىقتالعان. بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا اتالمىش فەدەراسيانىڭ ٴتوراعاسى ٴابىلعازى قۇسايىنوۆ مالىمدەدى، دەپ حابارلايدى baq.kz ٴتىلشىسى.

«كوپتەگەن الەۋمەتتىك ماڭىزى بار تولەمدەردى ەسەپتەۋ كەزىندە xالىقتىڭ ەڭ تومەنگى كۇنكورىس دەڭگەيىنىڭ كولەمى ەسكەرىلەدى. اتالعان كورسەتكىش سوڭعى جەتى جىلدا قايتا قارالمادى. ەلباسىنىڭ ايتۋىنشا، 2018 جىلدا ونى تاعى قاراستىراتىن بولادى. كاسىپوداقتار وسى پروبلەمانى سوڭعى ٴبىر جارىم جىل بويى زەرتتەپ كەلەمىز. سوندىقتان قازاقستاننىڭ بارلىق وبلىستارىندا ساۋالناما جۇرگىزىپ، 1500-دە استام انكەتالاردى جيناپ الدىق. وسى انكەتەلاردى زەردەلەۋ كەزىندە قازىرگى ەڭ تومەنگى كۇنكورىس دەڭگەيىنىڭ زامان تالابىنا ساي ەمەس ەكەنىنە كوز جەتكىزدىك. جاقىن ارادا ٴبىز ٴوزىمىز انىقتاعان كۇنكورىس دەڭگەيىن ۇكىمەتتىڭ قاراۋىنا ۇسىناتىن بولامىز»، - دەدى ول.

سونىمەن قاتار ٴابىلعازى قۇسايىنوۆ ەڭ تومەنگى كۇنكورىس دەڭگەيىنىڭ كولەمىنە قاتىستى بارلىق بارلىق ەسەپتەر اياقتالعاننان كەيىن ول الدىمەن ۇكىمەتكە جىبەرىلەتىندىگىن اتاپ ٴوتتى.

«ٴبىرىنشى جارتىجىلدىقتا ٴبىز وسى جۇمىستى اياقتايتىن بولامىز»، - دەدى ٴتوراعا.

ەستەرىڭىزدە بولسا، بيىلعى جولداۋىندا ەلباسى:

"ەڭ تومەنگى كۇنكورىس شەگىن دە قايتا قاراستىرۋ كەرەك. ول قازاقستاندىقتاردىڭ ناقتى تۇتىنۋشىلىق شىعىستارىنا سايكەس كەلۋگە ٴتيىس. بۇل قادام 2018 جىلعى 1 قاڭتاردان باستاپ بازالىق زەينەتاقى، مۇگەدەكتەرگە جانە اسىراۋشىسىنان ايرىلعان وتباسىلارعا ارنالعان جاردەماقى، مۇگەدەك بالا تاربيەلەپ وتىرعاندارعا بەرىلەتىن اتاۋلى كومەك پەن جاردەماقى كولەمىن 3 ميلليون ادام ٴۇشىن وسىرۋگە مۇمكىندىك بەرەدى" - دەگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي