BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى كىتاپحاناسىنىڭ قىزمەتكەرلەرى جولداۋدىڭ ماڭىزدىلىعىن اتاپ ٴوتتى

ەلباسىنىڭ بيىلعى «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى ەلىمىزدىڭ قارقىندى دامۋىنا جاڭا سەرپىن بەرەدى. ستراتەگيالىق قۇجات حالىقتىڭ ٴال-اۋقاتىن ارتتىرۋعا جول اشادى، قازاقستان ەكونوميكاسىن دامۋدىڭ جاڭا كەزەڭىنە جەتەلەيدى. الماعايىپ زامانداعى جاھاندىق سىن-قاتەرلەرگە جاۋاپ بەرەتىن جولداۋدىڭ ەلىمىزدىڭ ٴاربىر تۇرعىنى ٴۇشىن ماڭىزدىلىعىن قازاقستان رەسپۋبليكاسىنىڭ تۇڭعىش پرەزيدەنتى –ەلباسى كىتاپحاناسىنىڭ قىزمەتكەرلەرى العا تارتىپ وتىر، دەپ حابارلايدى baq.kz.

«جولداۋ تەحنولوگيالىق، زاماناۋي، ناقتى جانە دايەكتى. قۇجاتتا ٴاربىر قازاقستاندىققا بايلانىستى وزەكتى جانە ماڭىزدى ماسەلەلەر كوتەرىلدى.

بيىلعى جولداۋداعى كەيبىر ماسەلەلەر بۇعان دەيىنگى ستراتەگيالىق قۇجاتتاردا كورىنىس تاپقان، ٴبىراق بارلىق زاماناۋي پروسەستەردىڭ قۇرامداس بولىگىنە اينالعان ساندىق تەحنولوگيالارعا تۇڭعىش رەت ەكپىن جاسالدى. زاماناۋي تەحنولوگيالاردىڭ يگىلىگىن تۇرمىستا سەزىنەمىز. ەلەكتروندىق دۇكەندەر مەن ونلاين-بانكينگ قىزمەتىنە جۇگىنۋ بۇگىندە تاڭسىق ەمەس. حالىققا قىزمەت كورسەتۋ ورتالىقتارىندا دا كەزەكتە تۇرۋدىڭ قاجەتتىگى ارتتا قالدى. انىقتامانى ەلەكتروندىق ۇكىمەت ارقىلى الۋعا مۇمكىندىك بار. ونىڭ ٴتيىمدى ەكەندىگى داۋسىز. سوندىقتان ۇقساس جاڭاشىلدىقتاردى جاپپاي ەندىرۋ قاجەت.

ەلباسىمىز 3d پرينتەرلەر، ەلەكتروموبيلدەر ىسپەتتى جوعارى تەحنولوگيالىق وندىرىستەردى دامىتۋعا باسىمدىق بەرەدى. قازاقستاننىڭ كەڭ دالاسىندا پايدالانۋعا ىڭعايلى، تابيعاتقا ٴتيىمدى، قاراجات جاعىنان ۇنەمدى گيبريدتى جانە تولىقتاي جابدىقتالعان ەلەكتروموبيل ٴوندىرىسىن قولعا العان ٴجون. ونىڭ ارقاسىندا باسەكەگە قابىلەتتىگىمىز ارتىپ، جەدەل، زاماناۋي، ەكونوميكالىق تۇرعىدا ٴتيىمدى اتانامىز.

تولايىم تابىسقا جەتۋ ٴۇشىن ادامي كاپيتالدى دامىتۋ قاجەت. جاستار ٴۇش ٴتىلدى مەڭگەرۋى ٴتيىس. الەمدەگى اقپاراتتىڭ 90 پايىزى اعىلشىن تىلىندە بولسا، قالعان 10% باسقا تىلدەردە جارىق كورەدى. قوسىمشا ٴبىلىم الۋعا قاجەتتى تىڭ دەرەكتەردى ينتەرنەتتەن تابۋعا مۇمكىندىك بار. ينتەرنەتتىڭ قولجەتىمدىگى – مەملەكەتتىڭ دامۋىن سيپاتتايتىن كورسەتكىش. سوندىقتان ونى شاعىن اۋىلدار دا پايدالانۋى ٴتيىس. وعان قاجەتتى وپتيكالىق تالشىقتى جەلىلەردى ٴوزىمىز شىعارا الامىز. سەبەبى ەلىمىز ٴتۇرلى-تۇستى مەتالعا باي.

بيىلعى جولداۋ بولاشاققا باعدارلانعان. ونى تابىستى جۇزەگە اسىرۋ جۇگى جاس ۇرپاققا جۇكتەلەدى»، - دەيدى قرتۇڭعىش پرەزيدەنتى –ەلباسى كىتاپحاناسى الەۋمەتتىك-اعارتۋشىلىق جوبالار قىزمەتىنىڭ جەتەكشى عىلىمي قىزمەتكەرى، فيلوسوفيا عىلىمدارىنىڭ دوكتورى، پروفەسسور عازيز تەلەبايەۆ.

ەلباسى جولداۋىنا قاتىستى قر تۇڭعىش پرەزيدەنتى –ەلباسى كىتاپحاناسى گەوساياسي جانە وڭىرلىك زەرتتەۋلەر قىزمەتىنىڭ اعا عىلىمي قىزمەتكەرى دينا تۇراروۆا دا ٴوز پىكىرىن ٴبىلدىردى.

«قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» - تاۋەلسىزدىك جىلدارىنداعى تاريحي ٴارى ٴورشىل جولداۋ دەسەك قاتەلەسپەيمىز. اۋەلى نەگىزگى يدەيانى، ياعني ەكونوميكالىق دامۋدىڭ جاڭا مودەلىن قۇرۋعا جانە ەلىمىزدىڭ ٴۇشىنشى جاڭعىرۋىن جۇزەگە اسىرۋعا نازار اۋدارعان ٴجون. ەلباسى ن.ٴا.نازاربايەۆ ەكونوميكانىڭ جاڭا سەكتورلارىن وركەندەتۋ جانە دامۋدىڭ شيكىزاتتىق ەمەس درايۆەرلەرىنە كوشۋ ماسەلەسىن العا تارتتى.

بەلگىلەنگەن ماقساتتارعا يننوۆاسيالىق سەكتورلار، ونەركاسىپ، قۇرىلىس پەن اگروونەركاسىپتىك كەشەن ىسپەتتى وندىرىستىك سالالارعا الدىڭعى قاتارلى تەحنولوگيالاردى ەنگىزۋ، كولىك-لوگيستيكا ينفراقۇرىلىمىن دامىتۋ، قارجى جۇيەسىنە جاڭا سەرپىن بەرۋ ارقىلى قول جەتكىزەمىز. سىبايلاس جەمقورلىقپەن جانە ەكسترەميزممەن كۇرەس، كاسىپكەرلىكتى ىنتالاندىرۋ جانە ەكونوميكاداعى مەملەكەتتىڭ ٴرولىن تومەندەتۋ ٴتارىزدى ماڭىزدى فاكتورلار دا باسىمدىققا يە.

ٴۇشىنشى جاڭعىرۋ – ەل دامۋىنىڭ لوگيكالىق جالعاسى، الەمدەگى ەڭ باسەكەگە قابىلەتتى قازاقستان ەكونوميكاسىن قالىپتاستىرۋدىڭ كەلەسى كەزەڭى. جولداۋدا بەلگىلەنگەن مىندەتتەر تۇراقتى دامۋعا، سونىمەن قاتار ەڭ دامىعان 30 ەلدىڭ قاتارىنا كىرۋ ستراتەگيالىق ماقساتىنا قول جەتكىزۋگە سەپتىگىن تيگىزەدى.

بيىك ماقساتتار بارلىق دەڭگەيدە ۋاقىت پەن قوردىڭ، ونىڭ ىشىندە كادرلار رەزەرۆىن تالاپ ەتەتىنى انىق. سوندىقتان ەلباسى بيىلعى جولداۋدا ادامي كاپيتالدى ارتتىرۋدىڭ، ٴبىلىم مەن عىلىمي قامتىمدى سالالاردى جەتىلدىرۋدىڭ قاجەتتىگىن ايقىندادى. ەلباسىمىز ەلىمىزدىڭ ستراتەگيالىق دامۋىنىڭ كەشەندى كورىنىسىن، «قازاقستان-2050» ستراتەگياسىنىڭ ماقساتتارىنا قول جەتكىزۋ مەن الدىڭعى قاتارلى ەلدەردىڭ قاتارىنا قوسىلۋ جوسپارىن كوپشىلىك نازارىنا ۇسىنىپ وتىر»، - دەپ اتاپ ٴوتتى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي