BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى: قازاق ٴتىلىنىڭ باسىمدىعى ساقتالادى

فوتو: azattyq.org. Елбасы БҰҰ мінберінде қазақ тілінде сөйледі

نۇرسۇلتان نازاربايەۆ قازاقستان حالقىنا ارناعان جولداۋىندا ٴۇش ٴتىلدى وقۋعا كەزەڭ-كەزەڭمەن كوشۋ ماسەلەسى بويىنشا ۇسىنىستار ازىرلەۋدى تاپسىردى. بۇل رەتتە ەلباسىنىڭ ايتۋىنشا، قازاق ٴتىلىنىڭ باسىمدىعى ساقتالادى. ونىڭ ٴارى قاراي دامۋىنا زور كوڭىل بولىنەدى، دەپ حابارلايدى baq.kz.

«ەڭ الدىمەن، ٴبىلىم بەرۋ جۇيەسىنىڭ ٴرولى وزگەرۋگە ٴتيىس. ٴبىزدىڭ مىندەتىمىز – ٴبىلىم بەرۋدى ەكونوميكالىق ٴوسۋدىڭ جاڭا مودەلىنىڭ ورتالىق بۋىنىنا اينالدىرۋ. وقىتۋ باعدارلامالارىن سىني ويلاۋ قابىلەتىن جانە ٴوز بەتىمەن ىزدەنۋ داعدىلارىن دامىتۋعا باعىتتاۋ قاجەت. سونىمەن بىرگە، ٴit-بىلىمدى، قارجىلىق ساۋاتتىلىقتى قالىپتاستىرۋعا، ۇلتجاندىلىقتى دامىتۋعا باسا كوڭىل ٴبولۋ كەرەك. قالا مەن اۋىل مەكتەپتەرى اراسىنداعى ٴبىلىم بەرۋ ساپاسىنىڭ الشاقتىعىن ازايتۋ قاجەت»، - دەيدى ن.نازاربايەۆ.

پرەزيدەنت ٴۇش ٴتىلدى وقۋعا كەزەڭ-كەزەڭمەن كوشۋ ماسەلەسى بويىنشا ۇسىنىستار ازىرلەۋدى تاپسىردى. بۇل رەتتە، ەلباسى قازاق ٴتىلىنىڭ باسىمدىعى ساقتالاتىنىن ايتىپ وتىر.

«ونىڭ ٴارى قاراي دامۋىنا زور كوڭىل بولىنەدى. سونىمەن قاتار، بۇگىندە اعىلشىن ٴتىلى – جاڭا تەحنولوگيا، جاڭا يندۋستريا، جاڭا ەكونوميكا ٴتىلى. قازىرگى كەزدە 90% اقپارات اعىلشىن تىلىندە جاريالانادى. ٴاربىر ەكى جىل سايىن ولاردىڭ كولەمى 2 ەسە ۇلعايىپ وتىرادى. اعىلشىن ٴتىلىن مەڭگەرمەي، قازاقستان جالپى ۇلتتىق پروگرەسكە جەتە المايدى.2019 جىلدان باستاپ 10-11 سىنىپتاردا كەيبىر پاندەردى اعىلشىن تىلىندە وقىتاتىن بولامىز. بۇل ماسەلەنى تياناقتى ويلانىپ، اقىلمەن شەشۋ قاجەت»، - دەدى ن.نازاربايەۆ.

ەلباسىنىڭ سوزىنشە، مەكتەپتەردىڭ جانە مۇعالىمدەردىڭ دەڭگەيى، اسىرەسە اۋىل مەن قالادا ٴارتۇرلى. بىلىكتى پەداگوگتاردىڭ جەتىسپەۋ پروبلەماسى دا بار. سوندىقتان، وسىنىڭ بارلىعىن ەسكەرىپ، اعىلشىن ٴتىلىن كەزەڭ-كەزەڭمەن ەنگىزۋىمىز كەرەك.

«ٴتيىستى ۇسىنىستار بەرۋدى تاپسىرامىن. مەنىڭ باستامام بويىنشا بيىل «بارشاعا ارنالعان تەگىن كاسىپتىك-تەحنيكالىق ٴبىلىم بەرۋ» جوباسى ىسكە اسىرىلا باستادى.تەگىن وقىتۋمەن ەڭ اۋەلى جۇمىسسىز جانە ٴوزىن ٴوزى ٴتيىمسىز جۇمىسپەن قامتىعان جاستار، سونداي-اق كاسىپتىك ٴبىلىمى جوق ەرەسەك ادامدار قامتىلۋى ٴتيىس. كاسىپتىك ٴبىلىم بەرۋ جۇيەسىندە، مەن ايتقانداي، ەكونوميكاداعى جاڭا وندىرىستەر ٴۇشىن ماماندار دايىنداۋعا دەن قويۋ كەرەك. ول ٴۇشىن كاسىپتىك ستاندارتتار ەڭبەك نارىعىنىڭ تالاپتارىنا جانە ەڭ ۇزدىك الەمدىك وقۋ-وندىرىستىك تاجىريبەلەرگە سايكەس جاڭارتىلۋى قاجەت»، - دەدى مەملەكەت باسشىسى.

سونىمەن قاتار، جوعارى ٴبىلىم بەرۋ جۇيەسى ساپاسىنا ەرەكشە نازار اۋدارىلادى. جوعارى وقۋ ورىندارىنىڭ كادرلىق قۇرامىنا، ماتەريالدىق-تەحنيكالىق جابدىقتالۋ دەڭگەيىنە، ٴبىلىم بەرۋ باعدارلامالارىنا قاتىستى باقىلاۋ مەن تالاپ كۇشەيتىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي