BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتاتتار اۋىل تۇرعىندارىمەن جۇزدەستى

مەملەكەت باسشىسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا ارناعان جولداۋىن ٴتۇسىندىرۋ ماقساتىندا قوستاناي وڭىرىنە ارنايى كەلگەن قر ٴماجىلىس دەپۋتاتتارى اسقار بازاربايەۆ پەن سەرگەي سيمونوۆ قوستاناي اۋدانىندا بولىپ، زارەچنىي اۋىلىنىڭ تۇرعىندارمەن جۇزدەسۋ وتكىزدى، دەپ حابارلايدى baq.kz ٴتىلشىسى.

جيىن بارىسىندا حالىق قالاۋلىلارى ەلباسىنىڭ باستاۋىمەن تاۋەلسىزدىك العان 25 جىل ىشىندە ەلىمىزدىڭ كوپتەگەن تابىستارعا قول جەتكىزگەنىن اتاپ ٴوتتى.

«قازاقستان الەم مويىنداعان ىرگەلى ەلگە اينالدى. ونىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەسى بولىپ سايلانۋى دا دۇنيە جۇزىندەگى بەدەلىنىڭ ٴوسىپ كەلە جاتقاندىعىن كورسەتەدى. ەندىگى مىندەت – ەلدىڭ بەرەكە-بىرلىگىن ەسەلەي وتىرىپ، ٴار سالاداعى جەتىستىكتەردى باياندى تۇردە جالعاستىرۋ. ەلباسىنىڭ قازاقستان حالقىنا جولداۋىن ەل بولىپ، بىرلەسە جۇمىستانىپ العا قاراي ادىمداساق، الەۋمەتتىك-ەكونوميكالىق جاعدايىمىزدىڭ ودان ٴارى جاقسارا بەرەتىنىنە سەنەمىن» دەدى ٴماجىلىس دەپۋتاتتى اسقار بازاربايەۆ.

ال، سەرگەي سيمونوۆ جولداۋداعى يندۋستريالىق-يننوۆاسيالىق دامۋدىڭ اياسىندا رەسپۋبليكامىزدا ورىندالىپ جاتقان ىرگەلى ىستەرگە توقتالدى. ەلباسى جۇكتەپ وتىرعان مىندەتتەردىڭ ماڭىزدىلىعىن، جاڭا ەكونوميكالىق وسىمگە ەرەكشە كوڭىل ٴبولۋ قاجەتتىگىن قاداپ ايتتى.

ودان كەيىن تۇرعىندار دەپۋتاتتارعا جولداۋداعى ايتىلعان ماسەلەلەر مەن الدا قابىلداناتىن زاڭدار توڭىرەگىندە پىكىر الماستى.

مىسالى، اتالعان زارەچنىي اۋىلدىق وكرۋگىنىڭ ەسەپشىسى ايمان يتەمگەنوۆا «جەرگىلىكتى اۋىلدىق اۋىمدىكتەردىڭ بيۋدجەتىنىڭ قالاي قالىپتاساتىنى» تۋرالى سۇراپ، ناقتى جاۋابىن الدى.

اۋىل تۇرعىنى حازەز بۋگشان «اۋىلدا تۇراتىن جاستاردىڭ جۇمىسسىزدىعىن قوزعاپ، كاسىپ باستاۋعا بانكە كەپىلدىككە قوياتىن مۇلكىنىڭ جوقتىعىن ايتتى. سونىمەن قاتار، جاس ماماننىڭ جەرگىلىكتى جەردە تۇراقتى جۇمىسقا ورنالاسۋعا جاعداي بولماي تۇرعانى» تۋرالى تىلگە تيەك ەتتى.

حالىق قالاۋلىلارى اۋىل تۇرعىندارىنىڭ وتىنىش-تىلەكتەرىنە قۇلاق اسا وتىرىپ، الداعى قابىلداناتىن زاڭ جوبالارىندا وسى ايتىلعان ۇسىنىستاردىڭ بارلىعى ەسكەرىلەتىندىگىن جەتكىزدى.

ٴوز كەزەگىندە ٴسوز العان زارەچنىي اۋىلدىق وكرۋگىنىڭ قالىبەك جۇماشەۆ جولداۋ اياسىندا قولعا الىنعان جوبا-جوسپارلارعا توقتالىپ، رەسپۋبليكالىق اقپاراتتىق-ناسيحاتتىق توپ مۇشەلەرىنە العىسىن ٴبىلدىردى.

باسقوسۋ سوڭىندا قر ٴماجىلىس دەپۋتاتتارى اسقار بازاربايەۆ پەن سەرگەي سيمونوۆ جەكە وتىنىشتەرى بويىنشا جەرگىلىكتى تۇرعىنداردى قابىلداپ، مازالاپ جۇرگەن ساۋالدارىنا جاۋاپ بەردى.

مەشىت عازيز

سۋرەت اۆتودىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي