BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتاتتار اقتوبە ٴوڭىرىن گازبەن قامتۋ جۇمىسىنا جوعارى باعا بەردى

اقتوبە وبلىسىنا جۇمىس ساپارى اياسىندا قر پارلامەنتى ٴماجىلىسىنىڭ دەپۋتاتتارى گلەب ششەگەلسكيي، قۇرالاي قاراكەن، دانيا ەسپايەۆا قازاقستان رەسپۋبليكاسىنداعى گازبەن جابدىقتاۋشى ٴىرى كومپانيا - «قازترانسگازايماق» اق-نىڭ اقتوبە وندىرىستىك فيليالىندا بولدى، دەپ حابارلايدى baq.kz اقپارات اگەنتتىگى.

كومپانيانىڭ فيليالى 2007 جىلى قۇرىلعان. وتكەن جىلى جۇزەگە اسقان گاز كولەمى ەكى ميلليون تەكشە مەتردەن استى.

2015-2020 جىلدارعا ارنالعان، جالپى سوماسى 21،8 ميلليون تەڭگەنى قۇرايتىن ينۆەستيسيالىق باعدارلاما تابىستى جۇزەگە اسۋدا. اقتوبە وبلىسى اكىمدىگىمەن بەكىتىلگەن ىنتىماقتاستىق تۋرالى مەموراندۋم شەڭبەرىندە ىرعىز، ويىل، ايتەكە بي اۋدانى ورتالىقتارى، سونداي-اق قوسەستەك، بوگوسلوۆكا، تالدىساي، ەڭبەك، التىندى، اققۇدىق، جايسان ەلدى مەكەندەرىنە كوگىلدىر وتىن تارتىلعان.

كومپانيانىڭ اقتوبە وندىرىستىك فيليالىنىڭ ديرەكتورى باحتيار ٴىزباساروۆ اتاپ وتكەندەي، ٴبىرىنشى قاڭتارداعى جاعداي بويىنشا گاز قۇبىرىنىڭ ۇزىندىعى 3 502 كيلومەتردى قۇرايدى، 202 603 تۇتىنۋشى بار. 7 قالا مەن 102 ەلدى مەكەندى قوسقاندا، وبلىس تۇرعىندارىنىڭ 87 پايىزعا جۋىعى گازبەن قامتاماسىز ەتىلدى. ەكى جىل ىشىندە تاعى 21 جوبانى جۇزەگە اسىرۋ، ال ودان ٴارى بارلىق اۋىلعا گاز قۇبىرلارىن تارتۋ جوسپارلانۋدا.

پارلامەنت ٴماجىلىسىنىڭ رەسمي سايتى ٴمالىم ەتكەندەي، دەپۋتاتتار فيليالدىڭ حالىققا قىزمەت كورسەتۋ وپەراسيالىق قىزمەتى جۇمىسى تانىستىرىلدى. ەلەكتروندىق جۇيە نىسانداردى گازداندىرۋ ٴۇشىن ابونەنتتەرگە تەحنيكالىق شارتتار جانە تۇرمىستىق گاز ەسەپتەگىش ورناتۋ ٴۇشىن ٴوتىنىش راسىمدەۋگە جانە ت. ب. مۇمكىندىكتەر بەرەدى. بۇدان كەيىن ولار وندىرىستىك تەحنيكالىق ٴبولىم، كۇردەلى قۇرىلىس ٴبولىمى جۇمىسىمەن تانىستى.

- فيليالدىڭ كەلەشەگى بار، ول ٴۇشىن وبلىس باسشىلىعىمەن مەموراندۋم بەكىتىلگەن. بىزگە وبلىستىق ٴماسليحات دەپۋتاتتارى بيزنەس ٴوزىنىڭ ينۆەستيسيالىق باعدارلاماسىن بولجاۋى ٴۇشىن جىلىنا ٴبىر رەتتەن كەم ەمەس تاريفتەردى وزگەرتۋدى قاراستىرۋ تۋرالى ٴوتىنىش ٴبىلدىردى، - دەدى كەزدەسۋ قورىتىندىسى بويىنشا گلەب ششەگەلسكيي.

كەلەسى كەزەكتە دەپۋتاتتار قۋاتتىلىعى ساعاتىنا 30 مىڭ تەكشە مەتر اۆتوماتتاندىرىلعان گاز تاراتۋ ستانساسىنا ات باسىن بۇردى. العاداعى گاز تاراتۋ ستانساسى ەكى جۇما بۇرىن پايدالانۋعا بەرىلگەن.

دەپۋتاتتاردىڭ پىكىرىنشە، بۇل نىسان ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بەلگىلەنگەن مىندەتتەرگە تولىعىمەن جاۋاپ بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي