BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتات: كەيبىر زاۋىتتار ٴۇشىن جاڭعىرتۋدىڭ ٴبىر عانا جولى بار - ول جابىلۋ

قر پارلامەنتى ٴماجىلىسىنىڭ دەپۋتاتى ازات پەرۋاشەۆ مەملەكەت باسشىسى نۇرسۇلتان نازاربايەۆتىڭ حالىققا ارناعان جولداۋىندا بەرگەن تاپسىرمالارىنا قولداۋ ٴبىلدىردى، دەپ حابارلايدى قازاقپارات.

اسىرەسە ول قازاقستاندىق كاسىپورىنداردى جاڭعىرتۋ جانە تەحنولوگيالىق تۇرعىدا دامۋ ماسەلەسىنە توقتالدى. ونىڭ سوزىنشە، باستى ماسەلە - زاۋىتتاردىڭ تەحنولوگيالىق مۇمكىندىكتەرى مەن وندىرىستىك دەڭگەيىن ەشكىم قاداعالاپ وتىرماعاندىعىندا. ولار قانداي حالىقارالىق ستاندارتتارعا ساي جۇمىس جاساپ جاتقاندىعىن دا ەشكىم بىلمەيدى.

«ٴار وڭىردە مەملەكەتتىڭ قىرۋار بيۋدجەتتىك اقشاسىنا سالىنعان، ادەمى لەنتالارمەن، سالتاناتتى جاعدايدا اشىلعان وندىرىستەر بار. ولاردىڭ كەيبىرى وندىرىستىك قۋاتتارىنا شىعىپ وتىردى دا، كەيىن كوپ ۇزاماي جابىلىپ جاتتى. بۇرىن قولدانىستا بولعان ەسكى تەحنولوگيالاردى شەتەلدىك زاۋىتتاردان كوشىرىپ، زاۋىتتى تانىستىرعان كەزدەر دە بولدى. ولاردىڭ ماقساتى جاڭا ٴوندىرىس وشاعىن اشۋ ەمەس، اقشانى جىمقىرۋ بولعان سياقتى. بۇل ىستەرى ٴۇشىن كەيبىرى ٴىستى بولىپ كەتتى. ەگەر قۇرال-جابدىقتار، تەحنولوگيالار ەسكى بولسا، باسقا وندىرىستەر اشقان دۇرىس. گدر مەن فرگ قوسىلعان كەزدە، زاۋىتتاردى قايتا جاڭعىرتۋعا ۋاقىت شىعىنداماۋ ٴۇشىن، زاۋىتتى تۇبەگەيلى جويىپ، ورنىنا جاڭا وندىرىستەر اشقان بولاتىن. بىزدە دە جابۋعا جاتاتىن سونداي كاسىپورىندار بار»، - دەيدى دەپۋتات ورتالىق كوممۋنيكاسيالار قىزمەتىندە وتكەن بريفينگتە.

«سوندىقتان قولدا بار كاسىپورىنداردى جاڭعىرتىپ قانا قويماي، يندۋستريالاندىرۋ اياسىندا جاڭا جوبالارعا دەگەن كوزقاراستى وزگەرتۋ كەرەك. مەملەكەتتىك قولداۋعا يە جوبالاردى تەحنولوگيالىق ستاندارتتارعا جانە الەمدىك ۇردىستەرگە جاۋاپ بەرەتىن تەحنيكالىق رەگلامەنتتەرگە باعالاپ وتىرۋ كەرەك»، - دەپ اتاپ ٴوتتى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي