BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دامۋدىڭ جاڭا جولى نۇسقالعان – س.اياعانوۆ

مەملەكەت باسشىسىنىڭ حالىققا ارناعان بيىلعى جولداۋى ەلدىڭ الەۋمەتتىك-ەكونوميكالىك، الەۋەتىن ودان ٴارى جاقسارتۋعا باعىتتالۋىمەن قۇندى. اقمولا وبلىستىق اۋرۋحاناسىنىڭ باس دارىگەرى، وبلىستىق ٴماسليحاتتىڭ دەپۋتاتى سەرىك اياعانوۆتىڭ ايتۋىنشا، ەلباسىنىڭ كەزەكتى جولداۋى قازاقستان دامۋىنىڭ جاڭا جولىن نۇسقاعان قۇجات، دەپ حابارلايدى baq.kz اگەنتتىگىنىڭ اقمولا وبلىسىنداعى ٴتىلشىسى.

«تۇڭعىش پرەزيدەنت ەلدىڭ ەگەمەندىك الىپ، ٴوز جولىن باستاۋىن ٴبىرىنشى جاڭعىرۋ، «قازاقستان-2030» ستراتەگياسىن قابىلداۋ مەن ەلوردانىڭ استاناعا كوشىرىلۋىن ەكىنشى جاڭعىرۋ دەي كەلىپ، وسى تاجىريبەلەردى جيناقتاي كەلە، العا باتىل قادام باسىپ، ٴۇشىنشى جاڭعىرۋدى باستاۋعا ٴتيىسپىز دەيدى. ٴسويتىپ، ٴبىز تاۋەلسىز ەلىمىزدىڭ العا باسۋىنىڭ جاڭا ٴبىر تاريحي، ٴدۇبىرلى كەزەڭىنىڭ كۋاسى بولعالى وتىرمىز. ارينە، وسىعان دەيىنگى اتقارىلعان ىستەر، قابىلدانعان باعدارلامالار الداعى جەتىستىكتەرىمىزدىڭ ىرگەتاسى بولماق. «وتكەنسىز بۇگىن جوق» دەمەكشى، بۇعان دەيىن ٴوزىمىزدىڭ تالاي-تالاي اسقارالى ىستەردىڭ باسى-قاسىندا بولىپ، ايتارلىقتاي تابىستارعا قول جەتكىزگەنىمىزدى، التىن ۋاقىتتى بوسقا وتكىزبەگىنىمىز دە كورىپ، كوڭىل تولاتىنى دا راس. ۇلت كوشباسىنىڭ ۇستانعان سىندارلى ساياساتىنىڭ ارقاسىندا ەلىمىزدە ٴاردايىم تىنىشتىق، بەرەكە-بىرلىكتىڭ بولىپ، سول ۇيىسقان قوعام بيىك بەلەستەردى باعىندىرا الدى»،–دەيدى سەرىك اياعانوۆ.

ەلباسى جولداۋدا ەلىمىز ٴوزىنىڭ 25 جىلدىق دامۋ كەزەڭىنەن ابىرويمەن وتكەنىن، قول جەتكىزگەن تابىستارىمىز بەن جەتىستىكتەرىمىزدى بۇكىل الەم جوعارى باعالايتىنىن اتاپ وتكەن.

«وسى بىر-ەكى اۋىز ٴسوزدىڭ استارىنا ۇڭىلسەڭىز، كوپ نارسەنىڭ بايىبىنا باراسىز. تاۋەلسىز قازاقستاندى الەم بەيبىتشىلىككە، تاتۋلىققا ۇمتىلعان، قاي قيىرداعى بولماسىن نەبىر شيەلەنىسكەن تارتىستاردى شەشۋگە كۇش سالعان، ٴوز ۇستانىمىن ۇلگى ەتكەن ٴجۇزى جارقىن بەدەلدى دە بەلسەندى ەل رەتىندە بىلەدى. وعان مىسالدى قازاقستاننىڭ ٴار جىلىنان، ٴار كۇنىنەن كورۋگە بولادى.

ەلباسىنىڭ الداعى، ەندىگى جاڭعىرۋعا ۇسىنىپ وتىرعان جولى دا سەرپىندى دە، باتىل جول. ونىڭ ٴبىرىنشى باسىمدىعى رەتىندە ەكونوميكانىڭ جەدەلدەتىلگەن تەحنولوگيالىق جاڭعىرتىلۋى الىنعان. «ەلدە 3d–پرينتينگ، ونلاين-ساۋدا، ٴموبيلدى بانكينگ، سيفرلىق قىزمەت كورسەتۋ سەكىلدى دەنساۋلىق ساقتاۋ، ٴبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋستريالار ٴقازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ، ٴداستۇرلى سالالارعا جاڭا ساپا دارىتتى. وسىعان وراي، ۇكىمەتكە «سيفرلىق قازاقستان» جەكە باعدارلاماسىن ازىرلەۋدى جانە قابىلداۋدى تاپسىرامىن» دەپ تۇيگەن ەلباسى الداعى باعىتتى ايقىن كورسەتتى.

ٴسويتىپ، ەلىمىز دامۋدىڭ جاڭا جولىنا ٴتۇسىپ، بۇگىنگىدەن دە جاڭعىرماق، جاڭارماق. بارشامىزدىڭ ماقساتىمىز – وسى تاپسىرمالاردى ورىنداپ، جاڭعىرۋعا ۇلەسىمىزدى قوسۋىمىز كەرەك. سەبەبى ول – تاۋەلسىز قازاقستانىمىزدىڭ دامۋىنىڭ، العا باسۋىنىڭ كەپىلى»–دەيدى س.اياعانوۆ.

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي