BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ب.ساپاربايەۆ: جولداۋدى ورىنداۋ ٴۇشىن بار كۇشىمىزدى سالامىز

اقتوبە وبلىسىنىڭ اكىمدىگىندە ەلباسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ نەگىزگى باعىتتارىن تۇسىندىرۋگە ارنالعان وبلىس اكتيۆى ٴوتتى، دەپ حابارلايدى baq.kz ٴتىلشىسى.

ايتا كەتەيىك، بۇگىن وڭىردە ۇلت كوشباسشىسىنىڭ قازاقستان حالقىنا جولداۋىن ٴتۇسىندىرۋ بويىنشا ٴىس-شارالاردىڭ جوسپارى بەكىتىلگەن بولاتىن.

شاراعا وبلىس اكىمى بەردىبەك ساپاربايەۆ، پرەزيدەنت اكىمشىلىگىنىڭ باس ينسپەكتورى شالقار بايبەك، وبلىستىق جانە قالالىق ٴماسليحات دەپۋتاتتارى، مەملەكەتتىك ورگانداردىڭ، مەكەمەلەر مەن كاسىپورىنداردىڭ، قوعامدىق بىرلەستىكتەردىڭ جانە ت.ب. باسشىلارى قاتىستى.

«سوڭعى جەتى كۇندە مەملەكەت باسشىسى قازاقستان حالقىنا ەكى رەت ۇندەۋ ارنادى. العاشقى ماڭىزدى قۇجات — ۇندەۋدە نۇرسۇلتان ٴابىش ۇلى پرەزيدەنتتىك وكىلەتتىگىنىڭ كەيبىر تارماقتارىن ۇكىمەت پەن پارلامەنتكە بەرەتىنىن جەتكىزگەن بولاتىن. ەندى مىنە پرەزيدەنت «قازاقستاننىڭ ٴۇشىنشى جاڭعىرۋى: جاھاندىق باسەكەلەستىك قابىلەتتىلىك» اتتى جولداۋىن ارنادى. سىزدەر قازاقستاننىڭ زور تابىسقا پرەزيدەنتتىڭ ساياسي جىگەرىنىڭ ارقاسىندا جەتكەنىن بىلەسىزدەر. بۇل جولداۋ بۇرىنعىلاردان وزگەرەك، ويتكەنى بۇل قۇجات، نەگىزىنەن، ەلىمىزدىڭ باسەكەلەستىككە قابىلەتتىلىگىن ارتتىرۋعا، جاڭا تەحنولوگيالار مەن يننوۆاسيالاردى ەنگىزۋگە باعىتتالعان»،-دەدى بەردىبەك ساپاربايەۆ.

جيىن كەزىندە «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى باعىتتارى ٴتۇسىندىرىلدى. وبلىس اكىمى مەملەكەت باسشىسى ايتقان اۋقىمدى تاپسىرمالاردى جۇزەگە اسىرۋ جولدارى مەن ستراتەگيالىق قۇجاتتىڭ نەگىزگى باسىمدىلىقتارىن ايتتى.

بەردىبەك ساپاربايەۆ ەلباسىنىڭ تاپسىرماسىن ورىنداۋ ماقساتىندا وڭىردە گەولوگيالىق بارلاۋ جۇمىستارى كۇشەيتىلەتىنىن جەتكىزدى. ٴونىمدى قايتا وڭدەۋ دەڭگەيىن جوعارىلاتاتىن اۋىل شارۋاشىلىق كووپەراتيۆتەرىن قۇرۋ جۇمىستارى جالعاسادى. بۇگىندە 104 كووپەراتيۆ بار بولسا، جۋىردا ٴار اۋداندا ٴسۇت پەن ەت وڭدەۋ سەحى جۇمىس ىستەيدى دەپ جوسپارلانۋدا.

«اۋىل شارۋاشىلىعىنىڭ ٴار سالاسىنا جاڭا تەحنولوگيالاردى ەنگىزىپ، سۋارمالى جەرلەردىڭ اۋماعىن ۇلعايتۋ قاجەت. 2015 جىلى سۋارمالى جەرلەردىڭ كولەمى 12 گەكتاردى قۇراسا، 2016 جىلى 18 300 گەكتارعا كەڭەيدى. بۇدان وزگە، 19 500 گەكتار سۋارمالى جەردى قايتا قالپىنا كەلتىرۋ ٴۇشىن جوبالىق-سمەتالىق قۇجاتتاما جاسالدى.

بەردىبەك ساپاربايەۆ مەملەكەت باسشىسىنىڭ ازىق-تۇلىك تاۋارلارىن ەكسپورتتاۋدى ۇلعايتۋ، «نۇرلى جەر» تۇرعىن ٴۇي باعدارلاماسى مەن جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ٴتيىمدى جۇزەگە اسىرىپ، ۇلكەن قالالار مەن ولارعا جاقىن ورنالاسقان ەلدى مەكەندەر اراسىنداعى كولىك قاتىناسىن، مەملەكەتتىك-جەكە سەرىكتەستىكتى دامىتۋ، ٴبىلىم ساپاسىن جاقسارتىپ، ۇشتىلدىلىكتى دامىتۋ جانە ت.ب. ٴۇشىن وبلىس بار كۇشىن سالاتىنىن باسا ايتتى.

شارا كەزىندە قوعامدىق ۇيىمداردىڭ باسشىلارى، وبلىستىق ٴماسليحات دەپۋتاتتارى دا ٴسوز سويلەدى.

وبلىس اكىمى پرەزيدەنت جولداۋىن بۇگىننەن باستاپ ورىنداۋ ٴۇشىن ٴتيىستى شارالاردى قولعا الۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي