BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

بىزدە اگرارلىق عىلىم دەڭگەيى تومەن - كۇرىشبايەۆ

«ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى» اق باسقارما ٴتوراعاسى اقىلبەك كۇرىشبايەۆ وتاندىق اۋىل شارۋاشىلىعىنىڭ نەگىزگى كوكەيكەستى ماسەلەلەرى جايلى ٴوز پىكىرىمەن ٴبولىستى، دەپ حابارلايدى قازاقپارات.

«بيىلعى جولداۋدىڭ باستى ەرەكشەلىگى سول، ەلباسى ەكونوميكالىق دامۋدىڭ جاڭا مودەلى - تەحنولوگيالىق جاڭعىرۋدى ۇسىنىپ وتىر. بۇل دەگەنىمىز، ەلىمىزدە عىلىم داميدى، يننوۆاسيالار كوبەيەدى، ادام كاپيتالىنىڭ ساپاسى كوتەرۋ. شەتەلدە جۇرگەندە، اسىرەسە، اقش-قا بارعاندا ول مەملەكەتتىڭ قارقىندى دامۋىنا نە سەبەپ بولدى دەپ، ويلانا باستايسىڭ. سوسىن ونىڭ بارلىعىتابيعي رەسۋرستار مەن ۇلكەن قارجى بيرجالارىنان ەمەس، ادام كاپيتالىن دۇرىس دامىتا ٴبىلۋدىڭ ارقاسىندا جۇزەگە اسىپ جاتقانىن تۇسىنەسىڭ. ماسەلەن، سوڭعى جىلدارى بولعان1 0 ۇلكەن عىلىمي جاڭالىقتىڭ ٴ8-ى امەريكادا تابىلدى. سول ەلدىڭ ۋنيۆەرسيتەتتەرىندە اشىلدى. سەبەبى ٴاربىر جوعارى وقۋ ورنىنىڭ جانىندا عىلىمي-زەرتتەۋ ينستيتۋتتارى بار»، - دەيدى كۇرىشبايەۆ.

وسى ورايدا ول اۆستراليانى دا مىسال رەتىندە كەلتىردى. ول جاقتا جاۋىن-شاشىن از بولسا دا، بيدايدىڭ كولەمى دە، ساپاسى دا قازاقستاننان ەكى ەسەگە ارتىق. ويتكەنى ۇكىمەت اۋىل شارۋاشىلىعى عىلىمىنا ەرەكشە كوڭىل ٴبولىپ كەلەدى. قازاقستاندا رەكوردتىق استىق جينالعانىمەن بيدايدىڭ ساپاسى ٴۇشىنشى سۇرىپقا دا جەتپەي جاتادى. «بىزدە اگرارلىق عىلىمنىڭ دەڭگەيى ٴتۇسىپ كەتتى، وتە قاتتى ٴتۇسىپ كەتتى. تاعى ٴبىر مىسال كەلتىرەيىن، گوللانديا دەگەن مەملەكەت بىزدەگى الماتى وبلىسىنىڭ بەستەن ٴبىر بولىگىمەن بىردەي بولسا دا، جىل سايىن 50 ملرد. اقش دوللارىنا اۋىل شارۋاشىلىعى ونىمدەرىن ەكسپورتتايدى. ال ٴبىز، قازاقستان نەبارى 3 ملرد. تەڭگەنىڭ تاۋارلارىن شەتەلگە ساتىپ وتىرمىز»، - دەپ اتاپ كورسەتتى ۋنيۆەرسيتەت باسشىسى. كۇرىشبايەۆتىڭ ويىنشا، بۇگىندە عالىمداردىڭ جاڭا فورماسياسىن دايارلاۋ قاجەت. سەبەبى بۇرىنعى ادىس-تاسىلدەر ەسكىرگەن. ال تەحنولوگيالار ترانسفەرتى جاعىنان قيىندىق جوق. بۇگىندە ەلدىڭ دامۋىنا، سونىڭ ىشىندە اۋىل شارۋاشىلىعىن نىعايتۋعا قاجەتتى عىلىمي جاڭالىقتاردىڭ بارلىعى بار. ەندى، ونى قازاقستانعا جەتكىزۋدى دۇرىس ۇيىمداستىرا ٴبىلۋ كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي