BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىل تۇرعىندارىنا كووپەراتيۆتەر قۇرۋ بويىنشا ٴتۇسىندىرۋ جۇمىستارى باستالدى

ەلباسى ن.نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنداعى تاپسىرماعا سايكەس ا.ج. 1 اقپانى مەن 18 اقپان ارالىعىندا ەلىمىزدىڭ بارلىق ايماقتارىنداعى اۋىل تۇرعىندارىنا اۋىل شارۋاشىلىعى كووپەراتيۆتەرىن قۇرۋ جانە كووپەراسيالاردى مەملەكەتتىك قولداۋدىڭ جاڭا مەحانيزمدەرى بويىنشا ٴتۇسىندىرۋ جۇمىستارى جۇرگىزىلەدى.

مەملەكەت باسشىسى قر اۋىل شارۋاشىلىعى مينيسترلىگى الدىنا اۋىل ازاماتتارىن اۋىل شارۋاشىلىعى كووپەراسيالارىن كەڭ اۋقىمدا قۇرۋعا ىنتالاندىرۋ جانە جەرگىلىكتى تۇرعىنداردى جۇمىسپەن قامتۋدا 500 مىڭ جقش الەۋەتىن پايدالانۋ بويىنشا مىندەتتەر قويىپ وتىر.

اتالعان ٴتۇسىندىرۋ جۇمىستارىن جوعارى دەڭگەيدە ورىنداۋ ٴۇشىن مينيسترلىك تاراپىنان اشم قىزمەتكەرلەرى مەن عىلىمي ۇيىمدار وكىلدەرىنەن قۇرىلعان ساراپشىلار توبى قۇرىلدى.
مۇنداعى باستى مىندەت – ٴاربىر اۋىل ازاماتىن اۋىل شارۋاشىلىعى كووپەراسيالارى نەگىزدەرى بويىنشا اقپاراتتاندىرىپ، ناقتى ىسكە جۇمىلۋىنا ىنتالاندىرۋ.

بۇدان بولەك، جەر-جەرلەردە جۇرگىزىلەتىن ساپارلى ٴتۇسىندىرۋ جۇمىستارى بارىسىندا بۇعان دەيىن قۇرىلعان كووپەراتيۆتەردىڭ مونيتورينگى جۇرگىزىلەدى. ياعني، ٴتيىستى ينفراقۇرىلىمىنىڭ بارلىعى مەن قايتا وڭدەۋشى كاسىپورىندارمەن ٴوزارا بايلانىسى، وتكىزۋ نارىعى مەن وزگە دە ماسەلەلەرى ساراپتالادى.

سونداي-اق، وسى ماقساتتىڭ اياسىندا 8800 080 8010 call-ورتالىعى اقپاراتتىق-انىقتامالىق قىزمەت كورسەتەدى (بارلىق باعىتتاردان قوڭىراۋ شالۋ تەگىن). اتالعان نومەر ارقىلى ەل ازاماتتارى كووپەراسيا بويىنشا ٴوز ساۋالدارىن قويىپ، قاجەتتى جاۋاپتارىن الا الادى. اتاپ ايتقاندا، مەملەكەتتىك قولداۋدىڭ تۇرلەرى، قارجىلاندىرۋ شارالارى، كووپەراتيۆكە بىرىگۋدىڭ ارتىقشىلىقتارى تۋرالى كەڭىنەن ماعلۇمات الادى.

ٴتۇسىندىرۋ بارىسى مەن كەزدەسۋلەردە كوتەرىلگەن وزەكتى جانە پايدالى اقپاراتتاردى اشم رەسمي سايتى – mgov.kz پەن اگروبىلىكتىلىك ورتالىعىنىڭ ينتەرنەت رەسۋرسى – fermers.kz سايتىنان تابۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي