BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

اۋىل شارۋاشىلىعى العا باسسا، ەلىمىز دە داميدى – امانگەلدى بايانوۆ

قازاقستان پرەزيدەنتى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا اتالىپ وتكەندەي، ەلىمىزدەگى اگروونەركاسىپ كەشەنىنىڭ بولاشاعى زور. اۋىل شارۋاشىلىعىندا كوزدەلىپ وتىرعان رەفورمالار ەڭ الدىمەن سول اۋىلدىق ەلدى مەكەندەردە تۇرىپ جاتقان ادامدارعا يگىلىك اكەلەدى. بۇل تۋرالى «اۋىل» پارتياسى وبلىستىق فيليالىنىڭ ٴتوراعاسى امانگەلدى بايانوۆ ٴمالىم ەتتى، دەپ حابارلايدى «قازاقپارات» حاا ٴتىلشىسى.

ونىڭ ايتۋىنشا، بۇدان بۇرىن دا اۋىل شارۋاشىلىعى تاۋارىن وندىرۋشىلەرگە، سونىڭ ىشىندە ٴتورت تۇلىك مال ٴوسىرىپ، ودان مول پايدا تابامىن دەۋشىلەرگە مەملەكەت تاراپىنان قولداۋ كورسەتىلىپ كەلە جاتقانى بەلگىلى. ەندى ەكولوگيالىق جاعىنان تازا تاعامدار وندىرۋگە باسىمدىق بەرىلىپ وتىر. شىندىعىندا دا ونىمدەرىمىز باسەكەگە قابىلەتتى بولماسا، قازىرگىدەي شەت ەلدەن ٴتۇرلى تاۋارلار تاسقىنى ازايماي تۇرعان مەزگىلدە العا باسۋ قيىن. بۇل رەتتە ەلباسىمىز ۇكىمەت پەن اكىمدەرگە ناقتى تاپسىرمالار بەردى. الدىمەن سۋبسيديالاردى ٴبولۋ ماسەلەسىن قايتا قاراستىرىپ، بىرتىندەپ ٴونىمدى ساقتاندىرۋعا كوشۋ كەرەكتىگى ايتىلدى.

سونداي-اق بەس جىل ىشىندە 500 مىڭنان استام جەكە ٴۇي شارۋاشىلىقتارى مەن شاعىن فەرمەرلەردى كووپەراتيۆتەرگە بىرىكتىرۋ دە ماڭىزدى. سوڭعى كەزدە تارام-تارام بولىپ كەتكەن شارۋالاردىڭ باسىن قوسۋ ماقساتىندا قادامدار جاسالۋدا. بۇل دۇرىس. ويتكەنى جاھاندانۋ كەزىندەگى قۇبىلىستارعا وسىلايشا قارسى تۇرۋعا بولادى. ەگەر اۋىل تۇرعىندارىنىڭ مالىن كوبەيتىپ، ودان الىناتىن ٴونىم تۇرلەرىن وتكىزۋگە جاعداي جاسالسا، ولاردىڭ ٴال-اۋقاتى ارتا تۇسەرى انىق. وسى ورايدا اۋىل شارۋاشىلىعى ماقساتىنداعى جەرلەردى ٴتيىمدى پايدالانۋدىڭ دا ٴمانى زور. «جايىلىم تۋرالى» زاڭعا سايكەس مال جايىلاتىن جەرلەر رەتتەلسە، ٴتىپتى جاقسى بولار ەدى.

«ٴبىز «اۋىل» پارتياسىنىڭ وڭىردەگى بەلسەندى مۇشەلەرىمەن بىرگە ەلباسى ۇندەۋى مەن جولداۋىن تالقىلاپ، الداعى ٴىس-جوسپارلاردى بەلگىلەدىك. «اۋىل» پارتياسى ەڭ الدىمەن اۋىل ادامدارىنىڭ مۇددەسىن كوزدەيتىندىكتەن، ٴبىز سول ەلگە جاسالاتىن جاقسىلىقتىڭ جالعاساتىنىنا قۋانىپ وتىرمىز. وسىعان بايلانىستى ارنايى كەستە بويىنشا اۋىل-ايماققا شىعىپ، تۇرعىندارمەن كەزدەسەتىن بولامىز. ولاردىڭ ۇسىنىس-پىكىرلەرىن تىڭداپ، ەلىمىزدە ەنگىزىلگەلى وتىرعان ساياسي رەفورما مەن جولداۋداعى باسىم باعىتتار جونىندە ايتىپ، ٴوز وي-تولعامدارىمىزبەن بولىسەمىز»، - دەدى «قازاقپارات» تىلشىسىنە امانگەلدى بايانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي