BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

«اۋىل» پارتياسى مالىمدەمە جاريالادى

«اۋىل» حالىقتىق-دەموكراتيالىق پاتريوتتىق پارتياسى «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى پرەزيدەنت نۇرسۇلتان نازاربايەۆتىڭ جولداۋىنا قولداۋ ٴبىلدىرىپ، ارنايى مالىمدەمە جاريالادى.

قازاقستان رەسپۋبليكاسى پرەزيدەنتىنىڭ جولداۋىن قولداۋ تۋرالى «اۋىل» حالىقتىق-دەموكراتيالىق پاتريوتتىق پارتياسىنىڭ مالىمدەمەسى.

قۇرمەتتى وتانداستار!

«اۋىل» پارتياسى قوعامدى دەموكراتيالاندىرۋعا جانە نارىقتىق قاتىناستار جاعدايىندا ەكونوميكانىڭ اگرارلىق سەكتورىن تۇبەگەيلى وزگەرتۋگە باعىتتالعان ساياسي-ەكونوميكالىق رەفورمالاردى دايەكتى ىسكە اسىرۋدى جاقتايدى. سوندىقتان، «اۋىل» حدپپ ەل دامۋىنىڭ جاڭا جولى كورسەتىلگەن «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى پرەزيدەنت جولداۋىن ريزاشىلىقپەن قابىلدادى. جولداۋدا اتالعان دامۋ جولىن ەكونوميكاداعى تەحنولوگيالىق جاڭارۋدى جەدەلدەتۋ، ەكسپورتتى ٴارتاراپتاندىرۋ، ادامي كاپيتال ساپاسىن جاقسارتۋ، كاسىپكەرلىكتى ىنتالاندىرۋ ارقىلى ىسكە اسىرۋ اتاپ كورسەتىلگەن. ن.نازاربايەۆ قازاقستاننىڭ اگرارلىق سەكتورىنا ەرەكشە كوڭىل ٴبولىپ وتىرادى. اتالعان سالا ەل ەكونوميكاسىنىڭ جاڭا درايۆەرىنە اينالۋى كەرەك. ٴبىز الەمدە ٴىرى اگرارلىق ەكسپورتتىق ٴونىم ٴوندىرۋشى ەل بولا الامىز. وسى ماقساتتاردى ىسكە اسىرۋ ٴۇشىن ٴبىز شيكىزات وندىرىسىنەن كەتىپ، جوعارى ساپالى، وڭدەلگەن ونىمدەر شىعارۋدى كوزدەيتىن شارالار قابىلداۋىمىز كەرەك. سوندا عانا ٴبىزدىڭ اۋىل شارۋاشىلىق ونىمدەرىمىز باسەكەگە قابىلەتتى بولادى. سونداي-اق، ەلباسى جولداۋىندا جەكە ٴۇي شارۋاشىلىقتارىن بىرىكتىرىپ، تاۋارلاردى ساقتاۋدىڭ، تاسىمالداۋدىڭ جانە وتكىزۋدىڭ ٴتيىمدى جۇيەسىن قۇرۋ، جەردى پايدالانۋ تيىمدىلىگىن ارتتىرۋ، اگرارلىق عىلىمي زەرتتەۋلەرگە سالىناتىن ينۆەستيسيا كولەمىن ارتتىرۋ مىندەت ەكەنى ايتىلعان. «اۋىل» پارتياسى پرەزيدەنت جولداۋىن قولدايدى جانە ٴوزىنىڭ جاۋاپكەرشىلىگىن سەزىنە وتىرىپ، ونى ىسكە اسىرۋعا بارىنشا بەلسەندى قاتىساتىن بولادى.

«اۋىل» حدپپ ٴتوراعاسى ٴا.بەكتايەۆ



ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي