BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى اتىراۋلىقتار مەملەكەتىك مەكەمەلەرگە ونلاين حابارلاسا الادى

جاڭا قوسىمشا ارقىلى قالا تۇرعىندارى مەملەكەتتىك مەكەمەلەرگە ٴارتۇرلى ماسەلە بويىنشا ونلاين تارتىبىندە تىكەلەي حابارلاسا الادى، دەپ حابارلايدى baq.kz اقپارات اگەنتتىگى اتىراۋ وبلىستىق وڭىرلىك كوممۋنيكاسيالار قىزمەتىنە سىلتەمە جاساپ.

ٴموبيلدى قوسىمشانى بۇگىننەن باستاپ جۇكتەپ الۋعا بولادى، ول ٴۇشىن app store نەمەسە play market ىزدەۋ جولىنا acq اتىراۋ دەپ جازسا جەتكىلىكتى. قوسىمشا قۇرىلىمى 6 نەگىزگى بولىمنەن تۇرادى. ولار جۇمىسقا ورنالاسۋ، قوعامدىق باقىلاۋ، تكش، قوعامدىق كولىك، ٴبىلىم، سۇراق قويۋ سەكىلدى ماڭىزدى ماسەلەلەر مەن سالالارعا ارنالعان.

ٴار بولىمدە ٴمازىر بار، قولدانۋشى قاجەت باعاندى تاڭداپ، ساۋالىن قالدىرا الادى. بارلىق بولىمدە فوتو مەن بەينە ەنگىزۋ قىزمەتى ورناتىلعان، ٴتۇرلى بۇزۋشىلىققا كۋا بولعان ازاماتتار فوتو مەن بەينەجازباسىن جىبەرە الادى.

جوعارىدا كورسەتىلگەن بولىمدەر بويىنشا وبلىس ورتالىعىنىڭ تۇرعىندارى ساۋالدارىن جولداپ، انىقتالعان بۇزۋشىلىقتار تۋرالى اقپارات جىبەرەدى نەمەسە مەملەكەتتىك ورگانداردان تۇپكىلىكتى مالىمەت الادى. مىسالى، ٴبىلىم باعانىندا بالاباقشا، كوللەدج، ۋنيۆەرسيتەتتەر تۋرالى مالىمەت الىپ، ٴوتىنىمىن بەرە الادى. ال جۇمىس ىزدەۋشىلەرگە ەڭبەك بيرجاسى مەن بوس جۇمىس ورىندارى تۋرالى اقپارات پايدالى بولماق. بۇل ٴبولىم كۇن سايىن جاڭارتىلادى.

بولاشاق تالاپكەرلەر وقۋ ورىندارىنىڭ تىزىمىمەن، مەكەن-جايىمەن تانىسىپ، قىزىقتىرعان سۇراقتارىن قالدىرا الادى. جاقىندارى دەسترۋكتيۆتى ٴدىني اعىمداردىڭ ىقپالىنا تاپ بولعاندار نەمەسە سەزىكتەنەتىندەر پسيحولوگتارعا حابارلاسىپ، ٴدىنتانۋشى مامانداردان اقپارات الادى. بۇل بولىمدە ٴوتىنىمدى ٴانونيمدى تۇردە قالدىرۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي