BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

استانادا ارحەولوگتار ساق داۋىرىنە جاتاتىن قۇندى جادىگەرلەردى تاپتى

فوتو: Нұржас Жақсыбай

استانا ىرگەسىندەگى كۇيگەنجار اۋىلى ماڭىنان ارگەولوگتار ساق داۋىرىنە جاتاتىن اشەكەيلەردى تاپتى، دەپ حابارلايدى baq.kz ٴتىلشىسى.

لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ەسىل ارحەولوگيالىق ەكسپەديسياسى ەلوردا ىرگەسىندەگى پاتشا قورعانىنا قازبا جۇمىستارىن جۇرگىزگەن. ناتيجەسىندە ارحەولوگتار قورعاننىڭ جوعارعى قاباتىنداعى 7 ٴقابىردى اشتى.

وسى ورايدا كەمەل اقىشەۆ اتىنداعى ارحەولوگيالىق عىلىمي-زەرتتەۋ ينستيتۋتىنىڭ اعا-عىلىمي قىزمەتكەرى دانيار تىلەۋقابىلوۆ پاتشا قورعاندارى العاش رەت 2005 جىلى قازىلعانىن اتاپ ٴوتتى.

«ارحەولوگتار ونىڭ تونالعانىن انىقتادى. ودان قۇندى جادىگەرلەر تابىلعان جوق. ٴبىراق وسى جىلى «رۋحاني جاڭعىرۋ» باعدارلاماسى اياسىندا استانا قالاسى اكىمدىگىنىڭ تاپسىرىسىمەن ەكىنشى قورعاندى قازىپ جاتىرمىز. قازبا جۇمىستارى بارىسىندا اشەكەيلەر تابىلدى»، - دەدى ول.

ونىڭ ىشىندە قولا سىرعا مەن كۇمىس ٴجىپ تە بار. ەكسپەديسيا مۇشەلەرىنىڭ ايتۋىنشا، قىزدىڭ قابىرىنەن جۇزىك تابىلعان. عالىمداردىڭ پىكىرىنشە، ول نەكە جۇزىگى بولۋى مۇمكىن. ونى قىز وڭ قولىنا كيگەن ەكەن.

«بيىل كۇيگەنجار اۋىلى ماڭايىنداعى قورىمدى قازۋدى باستادىق. ناتيجەسىندە قورعاننان 7 ادامنىڭ قاڭقاسى تابىلدى. سونىمەن قاتار قولا جۇزىك پەن سىرعا، اينا مەن بەلبەۋ قالدىقتارىن تاپتىق. جۇزىك نەكە جۇزىگى بولۋى مۇمكىن دەگەن جورامال بار. بۇل جەردەگى قورعاننىڭ حرونولوگياسى شامامەن 2 مىڭ جىلدى قامتيدى. بۇل – ساق مادەنيەتىنىڭ كەزەڭى. ول ەرتە تەمىر داۋىرىنە جاتادى»، - دەدى ەۋرازيا ۇلتتىق ۋنيۆەرسيتەتىنىڭ تاريح فاكۋلتەتىنىڭ وقىتۋشىسى باقىتجان بولاتبەك ۇلى.

سونىمەن قاتار ول تابىلعان قاڭقا سۇيەكتەرىنە دنق ساراپتاماسى جۇرگىزىلەتىنىن اتاپ ٴوتتى.

«قازىرگى تاڭدا ٴبىز ساراپتاما جۇمىستارىن يتاليالىق عالىمدارىمەن بىرىگىپ جۇرگىزىپ جاتىرمىز. ەندى دنق ساراپتاسىن جۇرگىزۋ قاجەت»، - دەدى وقىتۋشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي