BAQ.kz - Қазақстан жаңалықтары USD 377.11 BAQ.kz - Қазақстан жаңалықтары EUR 424.21 BAQ.kz - Қазақстан жаңалықтары RUB 5.91
استانا:

«استانا – ادالدىق الاڭى» جوباسى پيلوتتىق رەجيمدە ىسكە قوسىلادى

ەلوردا اكىمدىگىمەن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى «استانا – ادالدىق الاڭى» اتتى جوباسىن پيلوتتىق رەجيمدە ىسكە قوسادى، دەپ حابارلايدى baq.kz اقپارات اگەنتتىگى.

بۇگىنگى تاڭدا استانا «اقىلدى قالانىڭ» قازاقستاندىق ۇلگىسى بولىپ تابىلادى. قۇرىلىپ جاتقان digital-كەڭىستىك قالا تۇرعىندارى مەن قوناقتارىنا قىزمەتتەردى ۇيدەن شىقپاي-اق الىپ، تولەمدەر جاساۋعا مۇمكىندىك بەرەدى. حقكو-دا، ۇيىمداردا وتكىزىلگەن تۇرلەندىرۋلەر g2c، g2b نەمەسە مەملەكەت – ازاماتتار، مەملەكەت – بيزنەس قارىم-قاتىناستارىن جاڭا دەڭگەيگە شىعاردى.

سىبايلاس جەمقورلىقتى ازايتۋ ماقساتىندا ساندىق تەحنولوگيالار قۇقىق قورعاۋ ورگاندارىنىڭ ٴداستۇرلى پروسەدۋرالارىنا بەلسەندى ەنگىزىلۋدە. بۇل سونداي-اق تۇرعىندارمەن جەكە بايلانىستى بولدىرماۋعا مۇمكىندىك بەرەدى.

جەرگىلىكتى اتقارۋشى ورگاننىڭ ازاماتتىق قوعاممەن ٴتيىمدى كەرى بايلانىسى قۇرىلدى. تۇرعىنداردىڭ قالادا وتكىزىلىپ جاتقان رەفورمالارعا قوعامدىق باقىلاۋمەن قاتار، ونىڭ تىنىس-تىرشىلىگىنە بەلسەندى قاتىسۋعا بارلىق مۇمكىندىكتەرى بار.

وسى سەبەپتى پيلوتتىق جوبانى جۇزەگە اسىرۋ ٴۇشىن استانا قالاسى تاڭدالىپ الىندى.

جوبانىڭ باستى ماقساتى ازاماتتار مەن بيزنەسكە كەدەرگىسىز جايلى جاعداي جاساۋ، مەملەكەتتىك ورگاندار قىزمەتىنىڭ اشىقتىعى، كەڭ اۋقىمدى قوعامدىق باقىلاۋ سياقتى مەملەكەتتىك قىزمەتتەردىڭ ساپاسىن جاقسارتۋ بويىنشا شەشىمدەر ارقىلى بولاشاقتا ازاماتتاردىڭ جەمقورلىققا قارسى مىنەز-قۇلقى مودەلىن جانە جەمقورلىقتان باس تارتاتىن قوعامدىق اتموسفەرانى دامىتۋ.

جوبا جەمقورلىقتىڭ فاكتورى رەتىندە ادامنىڭ قاجەتتىلىگىن بولدىرمايتىن مەملەكەتتىك قىزمەتكەرلەردى ٴتيىستى جالاقىمەن قامتاماسىز ەتۋ، قىزمەتتىڭ بارلىق باعىتتارى بويىنشا قىزمەتتەردىڭ، ۇيىمداردىڭ جانە مەملەكەتتىك ورگاننىڭ جاۋاپتى باسشىلارىنىڭ جەكە جاۋاپكەرشىلىگىن ارتتىرۋ، جەمقورلىققا قارسى ٴىس-قيمىل جانە ت.ب. سۇراقتاردى قامتيدى.

«استانا – ادالدىق الاڭى» جوباسى اياسىندا قۇرامىنا استانا قالاسى اكىمدىگى مەن اگەنتتىكتىڭ قىزمەتكەلەرى كىرەتىن بىرلەسكەن جوبالىق وفيس قۇرىلادى. ماسەلەنى كەشەندى زەرتتەۋ ٴۇشىن قۇرامىنا كاسىپكەرلەر، عالىمدار، ازاماتتىق قوعام وكىلدەرى جانە باق كىرەتىن ساراپشىلار قاۋىمداستىعى قاتىسادى.

جوبا اعىمداعى جىلدىڭ اقپان ايىنىڭ العاشقى ونكۇندىگىندە ىسكە قوسىلىپ، ەلىمىزدىڭ باسقا وڭىرلەرىنە تاراتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي