BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ ساياسي رەفورماسى بىرەگەي قۇبىلىس - ا.سافاريان

«ينتەگراسيا جانە دامۋ» قوعامدىق بىرلەستىگىنىڭ ٴتوراعاسى ارام سافاريان قازاقستاننىڭ مەملەكەتتىك باسقارۋ جۇيەسىندە ورىن الاتىن وزگەرىستەردى بىرەگەي قۇبىلىس رەتىندە باعالادى، دەپ حابارلايدى قازاقپارات.

«رەفورما بۇعان دەيىن قازاقستان پرەزيدەنتى ايتقان 5 ينستيتۋتتىق رەفورمادان باستاۋ الادى. ەل پرەزيدەنتىنەن پارلامەنت پەن ۇكىمەتكە وتەتىن 40 وكىلەتتىك مەملەكەت باسشىسىنىڭ قۇزىرەتى مەن قۇقىقتارىن شەكتەۋ ەسەبىنەن اتالعان ورگانداردىڭ باسقارۋى كۇشەيەتىندىگىن بىلدىرەدى. ەلباسىنىڭ ٴوزى وسىنداي باستاما كوتەرىپ وتىر»، - دەدى ساراپشى.

ونىڭ پايىمىنشا، بۇل مەملەكەتتى باسقارۋ جۇيەسىندەگى وزگەرىستەر بويىنشا بارىنشا تەرەڭ ويلاستىرعان شەشىم ەكەندىگىن كورسەتەدى. «پرەزيدەنتتىكى دۇرىس. بۇل قازاق قوعامىنىڭ ەلدى جاڭعىرتۋ قاجەتتىلىگىندەگى بىرەگەي قۇبىلىسى. ەكىنشى جاعىنان بۇل رەفورما جۇيەنى دامىتۋدىڭ قازىرگى باتىستىق مودەلى ستاندارتىنا تولىعىمەن ساي كەلەدى. ناتيجەسىندە قازاقستان ساياسي جۇيەنىڭ زاماناۋي پروگرەسيۆتى مودەلىنە يە بولادى»، دەدى ارام سافاريان.

ساراپشىنىڭ پىكىرىنشە، قازاقستاندا ورىن الاتىن وزگەرىستەردىڭ ٴبىر عانا ماقساتى بار. ول - قازاقستان پرەزيدەنتىنىڭ ەلدى الەمنىڭ دامىعان مەملەكەتتەرىنىڭ قاتارىنا قوسۋ مىندەتى. «ەگەر ۇلكەن وزگەرىستەردى قامتيتىن رەفورمالار ورىن الار بولسا، وندا مىندەتتەر تابىستى شەشىلەدى. باۋىرلاس حالىققا جاڭا جەڭىستەر، تاماشا جەتىستىكتەر جانە ەلدەرىڭىزدە قازىرگى ۋاقىتتا ورىن الىپ جاتقان زور وزگەرىستەرگە ساتتىلىك تىلەيمىن»، - دەدى ساياساتتانۋشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي