BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا سيفرلىق حقكو اشىلادى

جاقىن كۇندەرى الماتى قالاسىندا، كەيىن بارلىق وبلىس ورتالىقتا سيفرلىق حقكو اشىلادى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسقارما ٴتوراعاسى ابىلايحان وسپانوۆ مالىمدەدى، دەپ حابارلايدى baq.kz اقپارات اگەنتتىگى.

ەستەرىڭىزگە سالساق، قازاقستانداعى العاشقى digital-حقكو وسىدان ٴبىر اپتا بۇرىن استانا قالاسىندا رەسمي تۇردە اشىلعان بولاتىن. سيفرلىق فرونت-وفيستە مەملەكەتتىك قىزمەتتەر تولىقتاي اۆتوماتتى تۇردە ۇسىنىلىپ، ازاماتتار جوعارى تەحنولوگيالارعا نەگىزدەلگەن قۇرىلعىلار ارقىلى قىزمەتتەرگە ٴوز بەتىنشە قول جەتكىزەدى.

سونداي-اق، ەلباسى ن.نازاربايەۆتىڭ قازاقستان حالقىنا جاساعان بيىلعى جولداۋىن تالقىلاۋعا ارنالعان ٴباسپاسوز ٴماجىلىسى بارىسىندا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ مەملەكەتتىك قىزمەتتەردى «ٴبىر تەرەزە» قاعيداتى بويىنشا كورسەتۋدىڭ بيزنەس-پروسەستەرىن «ٴبىر ٴوتىنىش» پرينسيپىنە كوشىرۋ ٴىس-شارالارى تۋرالى، مەملەكەتتى سيفرلاندىرۋ باعىتىندا اتقارىلعان جۇمىستارى مەن ەنگىزىلگەن جوبالارى، بىلتىرعى جىلدىڭ ناتيجەلەرى مەن الداعى ۋاقىتقا جاسالعان جوسپارلارى تۋرالى ايتىلدى.

2017 جىلى جۇزەگە اسقان بىرەگەي جوبالاردىڭ ٴبىرى - بالا تۋۋعا بايلانىستى مەملەكەتتىك قىزمەتتەردى پرواكتيۆتى تاسىلمەن ۇسىنۋ قىزمەتى. بۇل جوباعا سايكەس جاڭا بوسانعان ايەلدەر تەلەفون ارقىلى ٴسابيىن تىركەتىپ، تۋۋ تۋرالى كۋالىك جاساتىپ، بالاباقشاعا كەزەككە قويىپ، ٴتىپتى تيەسىلى جاردەماقىلاردى راسىمدەي الادى. قازىرگى تاڭدا جاڭا بوسانعان 11 590 ايەلگە سمس-ۇسىنىس جىبەرىلىپ، ونىڭ 4 مىڭعا جۋىعى وسى پرواكتيۆتى تاسىلمەن قىزمەت الۋ مۇمكىندىگىن پايدالاندى، 715 تۋۋ تۋرالى كۋالىك بەرىلىپ، 261 نارەستە بالاباقشاعا كەزەككە قويىلدى.

مەملەكەتتىك قىزمەت كورسەتۋ ٴۇردىسىن پرواكتيۆتى تاسىلگە كوشىرۋ جۇمىستارى «سيفرلىق قازاقستان» مەملەكەتتىك باعدارلاماسى اياسىندا جۇرگىزىلۋدە. الداعى ۋاقىتتا تاعى 5 ومىرلىك جاعداي بويىنشا 15 مەملەكەتتىك قىزمەتتى پرواكتيۆتى فورماتقا كوشىرۋ ٴۇشىن دايىندىق جۇمىستارى ٴجۇرىپ جاتىر.

مەملەكەتتىك كورپوراسيانىڭ ماڭىزدى ستراتەگيالىق باعىتتارىنىڭ ٴبىرى - ازاماتتار مەن بيزنەسكە سيفرلىق نۇسقادا قىزمەت كورسەتۋ. بۇل تۇرعىدا ۇنەمى وڭتايلاندىرۋ جۇمىستارى جۇرگىزىلىپ، مەملەكەتتىك قىزمەتتەر اۆتوماتتاندىرىلىپ جاتىر. 2017 جىلى «ازاماتتارعا ارنالعان ۇكىمەت» ارقىلى 38 ميلليوننان استام مەملەكەتتىك قىزمەت كورسەتىلىپ، ونىڭ 24 ميلليوننان استامى ەلەكتروندىق نۇسقادا ۇسىنىلدى. بۇل ورايدا، 2022 جىلعا قاراي ەلەكتروندىق نۇسقادا ۇسىنىلاتىن مەملەكەتتىك قىزمەتتەر ۇلەسى 80% قۇراپ، حالىقتىڭ سيفرلىق ساۋاتتىلىعىن 83%-عا دەيىن ارتتىرۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي