BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «قىران-2018» ٴتۋرنيرىنىڭ جەڭىمپازدارى انىقتالدى

بۇگىن الماتى قالاسىنىڭ يپپودرومىندا ۇلتتىق سپورت تۇرىنەن «قىران-2018» اتتى قۇسبەگىلەردىڭ رەسپۋبليكالىق ٴتۋرنيرى اياقتالدى، دەپ حابارلايدى baq.kz اقپارات اگەنتتىگى اقپاراتتىق جانە سپورتتىق حاب-قا سىلتەمە جاساپ.

«رۋxاني جاڭعىرۋ» باعدارلاماسى اياسىندا وتكەن بۇل جارىسقا قازاقستاننىڭ 10 ايماعىنان كەلگەن 60-قا جۋىق ساياتشىلار ٴۇش كۇن بويى ٴوزارا مىقتىنى انىقتادى. ولار، ٴبىرىنشى ىرىكتەۋ كەزەڭىندە كورەرمەندەرگە قۇستى ات ۇستىنەن قولعا قوندىرۋ، شىرعا تارتۋ سياقتى ونەرلەرىن كورسەتتى. ال، كەلەسى كەزەڭگە وتكەن بۇركىتتەر قويان مەن تۇلكىگە شاپسا، قارشىعا مەن يتەلگىلەر قولعا شاقىرىلىپ، كوگەرشىن اۋلادى.

بۇل كەرەمەت كورىنىسىتىڭ كۋاگەرى بولامىن دەپ كەلگەندەردىڭ قاراسى مول بولدى. جارىس قورىتىندىسى بويىنشا، ەڭ جوعارى ۇپاي جيناعان 13 جاسار بۇركىتشى بەكسۇلتان سەيتجان ٴبىرىنشى ورىن الىپ، 200 مىڭ تەڭگەگە يە بولدى، ال، ەكىنشى بولىپ الماتىلىق عابيت تاڭات (150 مىڭ تەڭگە) تۇراقتالسا، ٴۇشىنشى ورىنعا مۇراتحان داۋلەتحان (100 مىڭ.تەڭگە) يە بولدى. 4، 5، 6-ورىنداردى ٴوزارا ارمانبەك كۇنتۋعان، باقداۋلەت باباجان، الماس سەيتجان ٴبولىسىپ، اقشالاي سىيلىقتارعا يە بولدى. سونىمەن قاتار، جۇلدەگەرلەر ديپلومدارمەن ماراپاتتالدى.

«بۇل جارىس وتە جوعارى دەڭگەيدە ٴوتتى. ارينە، وڭاي بولعان جوق. ٴبىرىنشى ورىندى كەز كەلگەن قىران قۇسى الا بەرمەيدى عوي. سول ٴۇشىن مەن ٴوزىمنىڭ قۇسىم «حانتاڭىرگە» العىس ايتامىن. مەن بۇل قۇستى باپتاپ جۇرگەنىمە 5 جىل بولدى. ٴقازىر ٴوزىم 13 جاستامىن، الداعى ۋاقىتتا دا باسقا تۋرنيرلەردە باعىمدى سىناپ كورمەكپىن»، - دەپ ٴوز ويىن ٴتۋرنيردىڭ جەڭىمپازى بەكاسىل سەيتجان ٴبولىستى.

وسى بۇركىتتەردەن بولەك، ساياتقا قارشىعا مەن يتەلگى قۇستارى دا شىعىپ، كوگەرشىندەردى اۋلاعان بولاتىن. بۇل جەردە: داۋرەن ارشاباي، اراي سەرىكبايەۆا، سۇلتان سەيتجانبەك (قارشىعا) جانە مەدەت ٴشالىپوۆ، بەرىكبولسىن باباجان، نۇرباقىت باكەن (سۇڭكار) جۇلدەگەر اتاندى. ولاردىڭ قاتارىندا ەڭ جاس قاتىسۋشى رەتىندە ارنايى سىيلىققا العازيز عالىمبەك ۇلى مەن ەرسۇلتان جۇماعۇل (ەكەۋى دە الماتى وبلىسى) يە بولدى.

ايتا كەتەر جايت، بۇل جارىس الماتىدا العاش رەت 1988 جىلى كورشىلەس قىرعىز، تۇركىمەن ەلدەرىنىڭ قاتىسۋىمەن وتكەن بولاتىن. وسى جولى بۇل ٴىس-شارا الماتى قالاسى دەنە شىنىقتىرۋ جانە سپورت باسقارماسى جانە «قىران» فەدەراسياسىنىڭ قولداۋىمەن وتكىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي